Bene Lefi 26:4 - Baibo Busansulushi Bwa Libuku Ili

⁴ ndaakumupa mfula paciindi ceelete kwaamba ayi mumyuunda mukaswe shakulya alimwi ashisamu shikacate shisepo.

Bene Lefi 26:4 Iomraidhean Croise

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

Jobo 5:10

Ulalokesha mfula pacishi ca panshi, alimwi akutuma maanshi mumyuunda.

Kulumbaisha 104:13

Mulalosha mfula patulundu kuswa nkomwikala. Cishi ca panshi cilesushikwa ashoolwe shanu.

Kulumbaisha 67:6

Lesa, Lesa wesu watupa coolwe, cishi capa butebushi bubotu.

Kulumbaisha 67:7

Lesa watupa coolwe, aboobo bantu boonse mucishi ca panshi abamulemeke.

Kulumbaisha 68:9

NobaLesa mwakalosha mfula iinji abuumbi. Mwakalengesha cishi canu cakalinga camana ncito kuboolelwaamo.

Kulumbaisha 85:12

Mwaami Lesa ulaakutupa shintu shibotu. Ncakwiila cishi cesu cilaakucata shishango shiinji.

Kulumbaisha 85:13

Bululami bulaakutanjila kunembo lya Mwaami Lesa, akubamba nshila yakwe ayi eendeemo.

Isaya 30:23

Kulilabo na mwashanga mbuto shanu Mwaami Lesa ulaakumuloshesha mfula kwaamba ayi shikule kabotu akucata bunene. Ashalo shifubwa shanu shilaakuba amweemfu uunji.

Isaya 5:6

Ndaakulengesha muunda uyo kuba musena utacite mpindu mukutakwesoolaako nabi kuusakwita. Mpeeke palaakumena lukupu amyuumfwa. Ncakwiila ndaakukasha makumbi kulosheshawo mfula.”

Jelemiya 14:22

Sa shibumbwabumbwa shilicite nkusu shakuleta mfula? Sa liculu lyeenka inga lyakonsha kulosha mfula yatepetepe? Sobwe, ndimwebo, Nobaami baLesa, baLesa besu. Aboobo kulangila kwesu kulibo kuli ndimwe ceebo ndimwebo nweenka nomucita shoonse ishi.

Esekelo 36:30

Ndaakulengesha shisamu shanu kucata shisepo shiinji akulengesha shishango shimwi kucata abuumbi kwaamba ayi mutakanyumfwi nsoni pakati ka mishobo ceebo ca nsala.

Jowelo 2:22

Nobanyama ba muluundu mutaloondi. Mafulo asonsa mweemfu. Shisamu shatalika kucata shisepo alimwi shisamu sha nkuyu asha minyansa shacata shisepo shiinji.

Bene Lefi 25:19

Mucishi mulaakuswa shakulya. Mpeeke mulaakuba ashakulya shoonse nshemusuni alimwi akwikala kabotu uko.

Bene Lefi 25:21

Mwaami Lesa ulaakupa cishi coolwe mumwaaka wasanu awomwi kwaamba ayi mukaswe shakulya shikwana myaaka yobilo.

Sekaliya 8:12

“Bantu abo balaakunooshanga shakulya muluumuno. Minyansa yabo ilaakucata shisepo, cishi cilaakukusha shishango alyalo liculu lilaakulosha mfula. Ncakwiila ndaakupa shoolwe shoonse ishi kubamumushobo uyu beshi bakacaaleewo.

Mateyo 5:45

kwaamba ayi mube baana ba Ishiwanu uli kwiculu.’ Ceebo lakwe lisuba lyakwe lilaswa, lumwi lulabala pabamucita shibi abali kabotu, akuloshesha mfula baluleme abataluleme boonse.

Milimo ya Batumwi 14:17

Sombi lyoonse ulalicitila bukamboni kwiinda mushintu shibotu nshaacita. Ulamuloshesha mfula kuswa kwiculu akulengesha ayi shishango shicate paciindi ceelete. Ulamupa shakulya, lyalo mulasangalala abuumbi mumyoyo.”

Dutolonomi 11:13

“Ono aboobo amukonkele milawo njendamupa sunu. Amusune Mwaami Lesa, Lesa wanu akumusebensela amyoyo yanu yoonse alimwi abuumi bwanu boonse.

Dutolonomi 11:14

Na mukacite boobo, ulaakunoolosha mfula mucishi canu paciindi ceelete, lyalo mulaakuba ashili anga ngamaila, waini, mafuta a olifi

Dutolonomi 28:12

Mwaami Lesa ulaakunoomuloshesha mfula kuswa moomo mwaisunga mwiculu paciindi ceelete, akumupa coolwe mumilimo yoonse. Mpeeke mulaakukweletesha mishobo iinji, sombi mwebo taaku nkweshi mukakweleteewo.

Jemusi 5:7

Ono mwebo nobamakwesu, amube beshimoyonteeka kushikila Mwaami wesu akese. Amubone mulimi mbwaakomenya moyo kulindila shishango mumyuunda yakwe ayi shicate. Ulalindila mfula itaanshi ayakweelaako camoyonteeka.

Ciyubululo 11:6

Bakamboni aba balicite nkusu shakushinka mwiculu, kwaamba ayi mfula italoki munshiku nshebatooshimikila makani akwe Lesa. Balicite nkusu shakusandula tuntupu twa maanshi ayi tube bulowa alimwi ankusu shakuleta mwaalu uli woonse mucishi ca panshi ciindi cili coonse ncebasuni.