Bene Filipi 4:1 - Baibo Busansulushi Bwa Libuku Ili

¹ Ono mwebo nobamakwesu, nomusunikwi alimwi ndamuyeeya abuumbi. Mwebo mulansangalasha. Paceebo ceeco ndatangala cankusu ceebo ca ndimwe. Anu ubo nobamakwesu mbomweelete kuyuma muMwaami.

Bene Filipi 4:1 Iomraidhean Croise

Jobo 31:36

Ndushinisho milandu iyo naakwiinga ndeefwala pacifushi, ee, naakwiinga ndeefwala kumutwi anga ngumushini.

Kulumbaisha 125:1

Abo bacinkite manungo muMwaami Lesa, bali anga nKalundu ka Siyoni, kalundu ako katakoonshi kutenkaana, sombi kananooliko kwalyoonse alyoonse.

Kulumbaisha 27:14

Anu amucinke manungo muMwaami Lesa, amube alushomo cakutatyongola. Ee, amucinke manungo muMwaami Lesa.

Mateyo 10:22

Bantu boonse balaakumupata ceebo ca ndime. Sombi uyo eshi akayuminine kushikila kumamanino a mapensho aya, ulaakupulushikwa.

Joni 8:31

Jesu wakaambila baJuda bakamushoma ayi, “Na mukonkele kwiisha kwangu, ncakwiila mutooba bashikwiiya bangu.

Milimo ya Batumwi 11:23

Ono ndyaakashika akubona Lesa mbwaakapa coolwe bantu abo, wakakondwa. Wakabayuminisha ayi batolelele kushoma muMwaami Jesu amyoyo yabo yoonse.

Milimo ya Batumwi 14:22

Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”

Milimo ya Batumwi 2:42

Ciindi coonse bantu aba bakalinga kubungana pantu pomwi ayi batumwi babeeishe. Bakalinga kwikala mubwanabwankashi akulita pantu pomwi alimwi akupaila.

Bene Loma 2:7

Abo batolelela kucita shiluleme, kuyandoola bulemu kuli Lesa, shoolwe alimwi abuumi butamaani, Lesa ulaakubapa buumi ubo.

1 Bene Kolinto 15:58

Aboobo nobamakwesu nomusunikwi, amwiimikane mulushomo cakutatenkaana. Amubike myoyo yanu kumulimo wa Mwaami ceebo mulishi ayi tamutoosebensela Mwaami kwakubula mpindu.

1 Bene Kolinto 16:13

Amucenjele, mwiimikane cakutatenkaana mulushomo. Amube bantu batacite boowa, bayumu.

2 Bene Kolinto 1:14

sombi ndishi kwaamba ayi kunembo mulaakushinyumfwishisha. Lyalo pabushiku Mwaami wesu Jesu Klistu ndyeshi akese, noonse mulaakulilumbaisha ceebo cesu aswebo ceebo canu.

Bene Galatiya 5:1

Klistu wakatwaangulula kwaamba ayi twaanguluke cancinencine. Anu amuyume kwaamba ayi mutakabooleli mubusha.

Bene Filipi 1:27

Ono cinene ncakwaamba ayi bwikaalo bwanu bulyeelete kweendelana aMakani Abotu ayo aamba shakwe Klistu. Nabi ndesa mukumubona nabi ndabuula kwisa, ndyeelete kunyumfwa ayi mulimfwibo cakutatenkaana camuyeeyo womwi alimwi ayi mulacafwana kwiimikanina lushomo ndomucite muMakani Abotu.

Bene Filipi 1:8

Lesa inga wambeta bukamboni kwaamba ayi ndamuyeeya abuumbi mukwiinga ndimusuni amoyo wangu woonse alusuno luli mbuli lwakwe Klistu Jesu mwiine.

Bene Filipi 2:16

pakubalwiita maswi abuumi. Na mwacita boobo, ndaakuba asheebo shakunsangalasha ceebo ca ndimwe paBushiku ubo aakuboola Klistu, mukwiinga cilaakutondesha ayi ndakacicila nabi kusebensela ciliiwo.

Bene Filipi 2:26

Ono wamuyeeya abuumbi noonse alimwi wapenshekwa mumoyo mukwiinga mwakanyumfwa ayi wakalinga mulwashi.

Bene Kolose 4:12

Epafulasi wamwaansha. Alakwe ngwamulikoto lyanu alimwi ngumusebenshi wakwe Klistu Jesu. Lyoonse ulamupaililaako kuli Lesa kwaamba ayi mushimpe mulushomo amukucita kuyanda kwakwe Lesa.

1 Bene Tesalonika 3:13

Lesa Ishiwesu ayumyeyumye myoyo yanu kwaamba ayi mubule kampenda alimwi musalale pameenso akwe, pakwisa Mwaami wesu Jesu abasalalite bakwe boonse.

2 Bene Tesalonika 2:15

Ono aboobo nobamakwesu, amutolelele kushoma shalushinisho isho nshetwakamwiisha nditwakalinga kushimikila, nabi munkalata njetwakamulembela.

2 Timoti 2:1

Ono omwanaangu liyumyeyumye muluse ndootucite muli Klistu Jesu.

Bene Ebulu 10:23

Atutolelele mukulangila nkotucite uko nkotushimikila, mukwiinga Lesa wakatushomesha, ulashomeka.

Bene Ebulu 3:14

Mukwiinga soonse tulasebensela pantu pomwi aKlistu kulilabo na twatolelela mulushomo ndotwakatalikaalo kushikila akumeelelesho a buumi bwesu.

Bene Ebulu 4:14

Anu atuyuminine akutolelela mulushomo ndotushimikila. Mukwiinga tulicite Mupailishi Munene wiindaawo, uyo wakenjila kwiculu kubete Lesa. Uyu nguJesu, Mwanaakwe Lesa.

2 Pita 3:17

Paceebo ceeco mwebo nomusunikwi mukwiinga mulishi kale shintu ishi, mucenjele kwaamba ayi mutatanjililwi kuswa munshila ibotu ashilubo sha bantu aba bamucita shibi, akuwa kuswa kumusena wanu uli kabotu.