Bene Filipi 3:2 - Baibo Busansulushi Bwa Libuku Ili

² Amucenjele abantu bacita shibiibi abo bali anga mbakabwa, abo bantu bacikakatisha kupalulwa.

Bene Filipi 3:2 Iomraidhean Croise

Kulumbaisha 119:115

Amuntalamuke mwebo nobamucita shibi kwaamba ayi nkonkele milawo yakwe Lesa wangu.

Kulumbaisha 22:16

Likoto lya bantu babiibi lilinshingulukite, bambika pakati anga ndikoto lya baumpe. Bayasa maansaangu ashimpanta shangu.

Kulumbaisha 22:20

Amufuune buumi bwangu kulufu lwa mupeeni, mumpulushe kubalwani abo bali anga mbaumpe.

Tushimpi 26:11

Bweenka kabwa mbwaaboolela mukulya shakulya nshaaluka, mbweeke ubo muluya mbwaabooshaawo kucita shabuluya.

Mateyo 24:10

Ciindi ico, bantu baanji balaakucileka kushoma. Balaakutalika kulyaaba akupatana beene abeene.

Mateyo 7:15

“Amucenjele abalaluki babeshi. Balesa cakulibombya kuli ndimwe anga nimbelele, anu mukati mbaumpe.

Mateyo 7:6

“Mutapi bakabwa shintu shisalalite mukwiinga inga bamupilukila bamuluma. Mutapi nkumba shintu shamakwebo ceebo inga shalyatooloobo myeendo.

Bene Loma 2:28

Shoonse ishi shitoosansulula ayi muJuda wancinencine teshi wooyo uliboneshabo kubantu ayi ngumuJuda. Akwalo kupalulwa kwancinencine teshi kooko bantu nkobacita kumibili, sobwe.

2 Bene Kolinto 11:13

Ceebo bantu abo mbatumwi babeshi, mbasebenshi beshi kuya cicenjeeka ayi baboneke anga mbatumwi bakwe Klistu bancinencine.

Bene Galatiya 5:13

Mwebo nobamakwesu, Lesa wakamwiita kwaamba ayi mwaanguluke. Anu amucenjele kwaamba ayi lwaanguluko ulu lutamulengeshi kwikala buumi bwa kubisha, sombi mucafwane womwi awomwi mulusuno.

Bene Galatiya 5:15

Ono na kamwikala anga mbanyama ba muluundu abo balumana akulyaana, mulyeelete kucenjela mukwiinga inga mwaakunyonyoolana nobeene.

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

Bene Filipi 3:19

Kumeelelesho balaakunyonyoolwa mukwiinga lesa wabo nshintu shisangalasha mubili. Aboobo balo balasangalalila mushintu isho sheelete kubapa nsoni alimwi balayeeyabo shintu sha pacishi ca panshi.

Bene Filipi 3:3

Swebo ndiswe twakapalulwa cancinencine sotutanjililwa aMushimu Usalashi mukulambila Lesa akusangalala muli Klistu Jesu. Aboobo tatushomi shapacishi ca panshi, sobwe.

1 Timoti 1:19

akutolelela kushoma amiyeeyo iluleme. Bamwi tabakwe kunyumfwila miyeeyo yabo iluleme, aboobo lushomo lwabo lwakanyonyooka.

Taitasi 1:16

Balaamba ayi Lesa balimwishi, sombi micito yabo ilakaka sheesho nshebaamba. Balafundoosha kumoyo alimwi tabanyumfwili Lesa, aboobo tabeeleli kucita cintu cibotu nabi comwi.

2 Pita 2:22

Mukucita boobo, balabonesha kwaamba ayi tushimpi utu ntwalushinisho twakwaamba ayi, “Kabwa ulaboola mukulya nshaaluka,” alimwi ayi, “Nkumba njebasansha, ilaboola mukwaalabangana mumatipa.”

Judi 1:4

Ndakacita boobo mukwiinga bantu bamwi batasuni kucita kuyanda kwakwe Lesa bakenjila mulikoto lyanu cabushishi. Bantu aba balafulunganya lwaanguluko ndotucite kwaamba ayi bacaninemo nshila yakunoocita shintu shilensha nsoni. Peculu lya waawo balakaka Jesu Klistu Mufundishi alimwi ngoMwaami wesu eenkabo. Shamulandu wa bantu aba shakalembwabo kale kale muMalembo akwe Lesa.

Ciyubululo 2:9

Utokwaamba ayi, ‘Mapensho ako ndyeeshi alimwi ndishi kwaamba ayi uli mukandu, nakubi boobo uli mubile. Ndishi shoonse shibiibi nshebakubekesha bantu abo balibanda ayi mbaJuda kabateshi mbabo, sombi mbamulikoto lyakwe Satana.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.

Ciyubululo 3:9

Ono bona, kubantu abo ba mulikoto lyakwe Satana, balibanda ayi mbaJuda, sombi kabateshi mbabo, ndaakulengesha ayi bakese mukufukama muliimfwa lyako. Lyalo balaakwishiba ayi ndikusuni.