Biblia Todo Logo
Bìoball air-loidhne

- Sanasan -




Bene Filipi 1:5 - Baibo Busansulushi Bwa Libuku Ili

5 mukwiinga wa lubasu ulu ndomucite mukushimikila Makani Abotu, kuswa bushiku mbomwakaatambula kushikila asunu.

Faic an caibideil Dèan lethbhreac




Bene Filipi 1:5
23 Iomraidhean Croise  

Ciindi coonse bantu aba bakalinga kubungana pantu pomwi ayi batumwi babeeishe. Bakalinga kwikala mubwanabwankashi akulita pantu pomwi alimwi akupaila.


Misampi imwi ya cisamu ca olifi cakushanga yakatyoka, lyalo Lesa wakalengesha ayi pasonse musampi wa cisamu ca olifi ca muluundu. Mwebo nobaswamashi bakunsengwe muli anga ncisamu ca olifi ca muluundu. Aboobo mulatambula nkusu kuswa kumiyanda ya cisamu ca olifi cakushanga, nkokwaamba ayi kuswa kubene Isilaeli.


Kamupawo bene Klistunyinaanu shintu shiyandika kuli mbabo, alimwi akutambula beensu camaansa obilo mumaandaanu.


Ceebo bashomi ba mushoonde sha muMakedoniya alimwi aAkeya, bakakondwa kupa shipo shakucafwa bakandu bali mulikoto lya bantu bakwe Lesa muJelusalemu.


Lesa uyo wakamwiita ayi mube mubwanabwankashi aMwanaakwe Jesu Klistu Mwaami wesu, ulashomeka.


Ono nobamakwesu, tulisuni kwaamba ayi mwishibishishe shaluse Lesa ndwakatondesha shoonde sha muMakedoniya.


Cabushishi ici ncakwaamba ayi, kwiinda muMakani Abotu, baswamashi bakunsengwe bakatambula shoolwe sheenka baJuda nshebakatambula. Boonse baba shipansha sha mubili womwi. Aboobo Kwiinda muli Klistu Jesu, balatambula sheesho shakashomesha Lesa.


Nobamakwesu, ntooyanda kumwishibisha ayi shakacitika kuli ndime shacafwilisha abuumbi kwaamba ayi Makani Abotu anyumfwike kubantu baanji.


Aba balashimikila calusuno mukwiinga balishi ayi Lesa wakampa ncito yakwiimikanina Makani Abotu.


Ono cinene ncakwaamba ayi bwikaalo bwanu bulyeelete kweendelana aMakani Abotu ayo aamba shakwe Klistu. Nabi ndesa mukumubona nabi ndabuula kwisa, ndyeelete kunyumfwa ayi mulimfwibo cakutatenkaana camuyeeyo womwi alimwi ayi mulacafwana kwiimikanina lushomo ndomucite muMakani Abotu.


Ndamuyeeya lyoonse mukwiinga ndimusuni alimwi cililuleme kuli ndime kunyumfwa boobo. Ndyeembete muntolongo nabi ciindi cakwiimikanina akuyumya Makani Abotu mumyoyo ya bantu boonse, noonse mulaba andime muluse lwakwe Lesa.


Ono nomusunikwi, kweelana ambomwalinga kunyumfwila ndindalingaanu, mulyeelete kwaamba ayi mwiindilishe kunoonyumfwila ciindi ici nceentabeteeko uko. Amutolelele kusebensa caboowa akututuma kwaamba ayi mumanishe mulimo wa lupulusho lwanu.


Mwebo noonse mulishi kale bubotu bwa milimo yakwe Timoti, mbuli mbondakasebensaakwe anga ngumwaana abaishi pakushimikila Makani Abotu.


Ndakusenga alimwi webo omweensuma muncito kwaamba ayi ubacaafwe balutundu aba. Bakasebensa camaansa obilo anebo mukushimikila Makani Abotu, kubikaawo aKilementi abamwi boonse mbondakalinga kusebensaabo abo bacite meena alembetwe mulibuku lya buumi.


Aboobo na ulaamba ayi ndimusebenshinyoko, tambula Onesimasi bweenka mbweenga wantambula.


Mukwiinga soonse tulasebensela pantu pomwi aKlistu kulilabo na twatolelela mulushomo ndotwakatalikaalo kushikila akumeelelesho a buumi bwesu.


Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.


Ico ncetwakabona akunyumfwa ncetutoomushimikila kwaamba ayi mwebo alimwi aswebo tusenkane mubwanabwankashi bwakwe Lesa alimwi aMwanaakwe Jesu Klistu.


Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.


Lean sinn:

Sanasan


Sanasan