Bene Filipi 1:12 - Baibo Busansulushi Bwa Libuku Ili

¹² Nobamakwesu, ntooyanda kumwishibisha ayi shakacitika kuli ndime shacafwilisha abuumbi kwaamba ayi Makani Abotu anyumfwike kubantu baanji.

Bene Filipi 1:12 Iomraidhean Croise

Esita 9:1

Ono bushiku bwalikumi anshiiku shotatwe mumweenshi walikumi ayobilo wiitwa ayi Ada, mulawo wa mwaami ndiwakalinga kweelete kucitwa, bwakashikila. Ubu mbobushiku ubo balwani ba baJuda mbobakalinga kuyeeya kubakoma. Sombi shintu shakasanduka, baJuda mbobakakoma balwani babo.

Kulumbaisha 76:10

Ncakwiila bukali bwanu kubabiibi bulamuletela bulemu. Abalo abo bapuluka kubukali bwanu balaakwikala muliimfwa lyanu.

Kulonga 18:11

Ono ndeshiiba ayi Mwaami Lesa ulicite nkusu kwiinda pabalesa boonse, mukwiinga wakacita boobo ciindi bene Ijipiti ndibakalinga kubona bene Isilaeli ayi taaku mbobabete.”

Luka 21:13

Ici cilaakuba nceciindi ca kwaambilisha Makani Abotu pameenso abo.

Milimo ya Batumwi 8:4

Mpomunyaawo bashomi abo bakalinga kupalangene bakaya koonse koonse, kabaya cishimikila Makani Abotu.

Bene Loma 8:28

Tulishi kwaamba ayi Lesa shintu shoonse ulasheensha kabotu kubaabo bamusuni, nkokwaamba ayi abo bantu mbwaakeeta kweelana akubamba kwakwe.

Bene Loma 8:37

Taaku, sombi mushintu shoonse ishi shitucitikila tulakoma kwiinda muli Klistu utusuni.

Bene Filipi 1:5

mukwiinga wa lubasu ulu ndomucite mukushimikila Makani Abotu, kuswa bushiku mbomwakaatambula kushikila asunu.

Bene Filipi 1:7

Ndamuyeeya lyoonse mukwiinga ndimusuni alimwi cililuleme kuli ndime kunyumfwa boobo. Ndyeembete muntolongo nabi ciindi cakwiimikanina akuyumya Makani Abotu mumyoyo ya bantu boonse, noonse mulaba andime muluse lwakwe Lesa.

Bene Filipi 2:22

Mwebo noonse mulishi kale bubotu bwa milimo yakwe Timoti, mbuli mbondakasebensaakwe anga ngumwaana abaishi pakushimikila Makani Abotu.

Bene Filipi 4:15

Mwebo nobene Filipi, mulishi kabotu kwaamba ayi nebo ndindakaswa kuMakedoniya munshiku shitaanshi shakushimikila Makani Abotu, tepakalinga coonde nabi comwi cakancafwa pasheesho nshindakalinga kweelete kulipila akutambula. Ncakwiila ndimwebo nweenka.

Bene Filipi 4:3

Ndakusenga alimwi webo omweensuma muncito kwaamba ayi ubacaafwe balutundu aba. Bakasebensa camaansa obilo anebo mukushimikila Makani Abotu, kubikaawo aKilementi abamwi boonse mbondakalinga kusebensaabo abo bacite meena alembetwe mulibuku lya buumi.

1 Timoti 2:8

Ndisuni basankwa kuli koonse, kabapaila amaansa kaanyamukite, amoyo usalalite, kakutaaku kukalala nabi kupikishanya.

2 Timoti 2:9

Ceebo cakushimikila Makani Abotu, ndapenga akwaangwa ncetani bulya anga ngushikusotoka milawo, sombi maswi akwe Lesa taangitwe muncetani napaceyi!

2 Timoti 4:17

Sombi Mwaami wakalinga anebo akumpa nkusu kwaamba ayi nshimikile makani akwe cakumaninina ayi baswamashi bakunsengwe boonse banyumfwe. Aboobo ndakapuluka mukanwa ka nkalamu.