Bene Filipi 1:1 - Baibo Busansulushi Bwa Libuku Ili

¹ Ndime Paulo alimwi aTimoti basebenshi bakwe Klistu Jesu. Tutoolembela ndimwe noonse nobantu bakwe Lesa muli Klistu Jesu nomuli muFilipi, pantu pomwi abamatanjilili ba coonde abacafwi.

Bene Filipi 1:1 Iomraidhean Croise

Maako 13:34

Cilibo anga ngumuntu uli palweendo lwakuswa paŋanda yakwe. Ulaashiya ncito shoonse mumaansa a basebenshi bakwe, womwi ancito yakwe, akulwiita shikulindilila pamulyango ayi alindilile.

Joni 12:26

Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.

Milimo ya Batumwi 1:20

“Ceebo mulibuku lya Kulumbaisha mulilembetwe ayi, ‘Ŋanda yakwe ibe litongo, Kutabi muntu nabi womwi ukalaamo!’ Alimwi mulilembetwe ayi, ‘Muntu umwi apyane pamusena wakwe wa butumwi!’

Milimo ya Batumwi 20:28

Nkokwaamba ayi mulyeelete kulilama kabotu nobeene akulama likoto lya bantu abo Mushimu Usalashi mbowakamupa ayi mulame. Amweembele kabotu coonde cakwe Lesa, abo mbwaakapulusha ayi babe baakwe kwiinda mulufu lwa Mwanaakwe.

Milimo ya Batumwi 9:13

Ndyaakanyumfwa, Ananiyasi wakakumbula ayi, “Nkambo, bantu baanji bakandwiita makani amuntu uyu alimwi ashintu shibiibi nshaakacita kubantu banu ba muJelusalemu.

Bene Loma 1:1

Ndime Paulo musebenshi wakwe Jesu Klistu. Lesa wakansala akunjita kwaamba ayi mbe mutumwi wakushimikila Makani Abotu aswa kuli nguwe.

Bene Loma 1:7

Aboobo ntoolembela ndimwe noonse nomuli muLoma nomusunikwi aLesa alimwi nomwakeetwa kwaamba ayi mube bantu bakwe. Luse aluumuno shibe amwebo kuswa kuli Lesa Ishiwesu aMwaami Jesu Klistu.

1 Bene Kolinto 16:10

Na Timoti akese uko amukabone kwaamba ayi wabambwa kabotu, ceebo utoocita milimo ya Mwaami Jesu bweenka mbuli ndime.

2 Bene Kolinto 1:1

Ndime Paulo, mutumwi wakwe Klistu Jesu kwiinda mukuyanda kwakwe Lesa. Ndi pantu pomwi amushominyineesu Timoti. Ntoolembela ndimwe nocoonde cakwe Lesa cili muKolinto abashomi boonse bali mucishi ca Akeya.

Bene Galatiya 1:10

Sa mukwaamba boobo ntooyanda kulumbwa abantu? Napaceyi, sombibo Lesa eenka. Sa ndisuni kukondelesha bantu? Sobwe, nendalinga kucisuni kukondelesha bantu, naakwiinga nshibete musebenshi wakwe Klistu.

Bene Galatiya 3:26

Mwebo noonse muli bana bakwe Lesa mukwiinga mulashoma muli Klistu Jesu.

Bene Galatiya 3:28

Aboobo taapu bupusano buliiwo pakati ka baJuda abaswamashi bakunsengwe, pakati ka basha alimwi abaangulukite nabi pakati ka basankwa alimwi abanakashi ceebo noonse muli womwi muli Klistu Jesu.

Bene Efeso 1:1

Ndime Paulo, mutumwi wakwe Klistu Jesu kwiinda mukuyanda kwakwe Lesa. Ntoolembela bantu bakwe Lesa bali kuEfeso abo bashomeka muli Klistu.

Bene Efeso 1:15

Paceebo ceeco, kuswa ndindakanyumfwa shalushomo lwanu muMwaami Jesu alimwi alusuno ndomucite kubashominyinaanu boonse,

Bene Efeso 6:24

Alimwi luse luswa kuli Lesa lube abaabo boonse basuni Mwaami wesu Jesu Klistu alusuno lutamaani.

Bene Filipi 2:19

Na Mwaami mwiine wayanda, ntooyeeya kufwambaana kutuma Timoti kuli ndimwe kwaamba ayi moyo wangu ukale pakunyumfwa makani atooswa kumishaanu uko.

Bene Filipi 2:5

Amube amoyo mbuli wooyo wakalinga kucite Klistu Jesu.

Bene Filipi 3:12

Nshintokwaamba ayi ndashitambula kale, sombi ntoocica kwaamba ayi nkatambule shoolwe ishi mukwiinga ncaakancatila Klistu Jesu ayi mbe waakwe.

Bene Filipi 3:3

Swebo ndiswe twakapalulwa cancinencine sotutanjililwa aMushimu Usalashi mukulambila Lesa akusangalala muli Klistu Jesu. Aboobo tatushomi shapacishi ca panshi, sobwe.

Bene Filipi 3:8

Ncakwiila shintu shoonse ishi nshakusowabo tasheelani ampindu yakwishiba Klistu Jesu, Mwaami wangu. Ceebo ca nguwe shoonse ndashisowa. Ndayeeya ayi taaku mboshibete mukwaamba ayi ntambule Klistu

1 Bene Tesalonika 1:1

Ndime Paulo pantu pomwi aSailasi alimwi aTimoti. Tutoolembela ndimwe nocoonde ca kuTesalonika nomuli mumaansaakwe Lesa Ishiwesu aMwaami wesu Jesu Klistu. Luse aluumuno shibe amwebo.

1 Bene Tesalonika 2:2

Mulishi bene Filipi mbobakatupensha akutusebaanya cilensha nsoni mundabala yabo, katutana kwisa muTesalonika umo. Nakubi kwaamba ayi bantu baanji bakalinga kusuni kwiimika mulimo wesu, Lesa wesu wakatuyumya myoyo kwaamba ayi tukonshe kumulwiita Makani Abotu aswa kuli nguwe.

2 Bene Tesalonika 1:1

Ndime Paulo pantu pomwi aSailasi alimwi aTimoti. Tutoolembela ndimwe nocoonde ca kuTesalonika nomuli mumaansaakwe Lesa Ishiwesu aMwaami wesu Jesu Klistu.

2 Bene Tesalonika 1:10

Shoonse ishi shilaakucitika pabushiku bunene bulya aakwisa mukutambulwa cabulemu akulumbaishikwa kubantu bakwe, nkokwaamba ayi abo boonse bashoma. Amwebo mulaakuba mulikoto lyabo ceebo mwakashoma makani ngotwakamulwiita.

1 Timoti 1:2

Ntoolembela kuli ndiwe Timoti omwanaangu mwiine mulushomo. Luse, nkumbu aluumuno shibe awebo kuswa kuli Lesa Ishiwesu aKlistu Jesu Mwaami wesu.

1 Timoti 3:8

Bacafwi ba coonde abalo balyeelete kuba amibo ibotu, bashomeka, bateendilishi kunwa shikola alimwi batayandooli maali munshila sha bucenjeshi.

Taitasi 1:1

Ndime Paulo musebenshi wakwe Lesa alimwi mutumwi wakwe Jesu Klistu. Ndakasalwa kwaamba ayi njumye lushomo lwa baabo Lesa mbwaakasala akubatanjilila mukwishiba shalushinisho isho shiletela buumi bwa buLesa.

Taitasi 1:7

Ono ceebo mutanjilili wa coonde utokweendelesha mulimo wakwe Lesa, ulyeelete kubula kampenda. Taaelete kuba muntu ulyuuma mucaamba, ufwambaana kukalala, cakolwa, mukali nabi usunishi buboni.

Filimoni 1:1

Ndime Paulo uyo uli muntolongo ceebo cakwe Klistu Jesu. Ndi amukwabesu Timoti. Tutoolembela ndiwe omukwabesu Filimoni musebenshinyineesu,

Bene Ebulu 13:23

Ntoomwishibishaako ayi mukwabesu Timoti bakamukusha muntolongo. Na afwambaane kushika kuno, ndaakwisaakwe mukumubona.

Jemusi 1:1

Ndime Jemusi musebenshi wakwe Lesa aMwaami Jesu Klistu. Ntoolembela ndimwe nomikowa ili likumi ayobilo yakapalanganina mushishi shimwi shoonse. Ndamwaansha.

1 Pita 2:25

Mwakalinga anga nimbelele shakasoweka, sombi bulya mwaboola kuMweembeshi uyo utanjilila buumi bwanu.

2 Pita 1:1

Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.

Judi 1:1

Ndime Judi musebenshi wakwe Jesu Klistu alimwi mukwabo Jemusi. Ntoolembela ndimwe nomwakeetwa akusunikwa aLesa Ishiwesu alimwi nomulamwa aJesu Klistu.

Ciyubululo 1:1

Libuku ili lilaamba pashintu Lesa nshaakayubulwita Jesu Klistu. Lesa wakamuyubulwita shintu ishi kwaamba ayi akaboneshe basebenshi bakwe sheelete kucitika cakufwambaana. Alakwe Klistu wakeshibisha Joni musebenshi wakwe kwiinda mumunjelo ngwaakatuma.

Ciyubululo 1:20

Anu nyenyeenshi shosanwe ashobilo shili mulyaansa lyangu lyalulyo alimwi ashakubikaawo malampi sha golodi shili shosanwe ashobilo shileemikanina makani abushishi aya. Nyenyeenshi shosanwe ashobilo mbamatanjilili ba shoonde shili shosanwe ashobilo. Ashalo shakubikawo malampi shosanwe ashobilo nshoonde shili shosanwe ashobilo.

Ciyubululo 19:10

Mpeeke ndakafukama muliimfwa lya munjelo uyo ayi mulambile, sombi wakandwiita ayi, “Utaciti bobulya! Nebo ndi musebenshinyoko, ndibo bweenka mbuli bashominyoko bamwi boonse abo bashoma lushinisho Jesu ndwaakayubulula. Ulyeelete kulambilabo Lesa!” Mukwiinga bukamboni bwakwe Jesu ngumuuya wa bulaluki.

Ciyubululo 2:12

“Mutanjilili wa kucoonde ca kuPegamamu umulembele ayi, “Aya ngamakani aamba wooyo ucite mupeeni ukolete koonse koonse.

Ciyubululo 2:8

“Mutanjilili wa kucoonde ca kuSimeena, umulembele ayi, “Aya ngamakani aamba wooyo uli ngoMatalikilo alimwi aMamanino uyo wakafwa akuba abuumi.

Ciyubululo 22:9

Sombi lakwe wakaŋambila ayi, “Utaciti bobulya mukwiinga anebo ndi musebenshinyoko alimwi musebenshinyina bamakwanu balaluki pantu pomwi abaabo boonse bakonkela maswi ali mulibuku ili. Ulyeelete kulambila Lesa!”