1 Timoti 5:1 - Baibo Busansulushi Bwa Libuku Ili

¹ Utanookalalila munene, sombi ulyeelete kumwaambila cabulemu anga mbaiso. Abalo bacikula bwangu kobacita anga mbanandumi shako,

1 Timoti 5:1 Iomraidhean Croise

Bene Lefi 19:32

“Kamubonesha bulemu kubamanene alimwi akubalemeka. Kamumpa bulemu akunyumfwila. Nebo ndime Mwaami Lesa.

Mateyo 23:8

Sombi mwebo tamweelete kwiitwa ayi, ‘Bafundishi’ ceebo noonse muli bamukowa alimwi mulicitebo Mufundishi womwi.

Milimo ya Batumwi 14:23

Bakasala bamatanjilili ba mushoonde comwi acomwi. Ndibakamana kupaila akulikasha kulya, bakababika mumaansa a Mwaami Jesu uyo ngobakashoma boonse.

Milimo ya Batumwi 15:4

Ndibakashika muJelusalemu, bantu ba mucoonde, batumwi alimwi abamatanjilili bakabatambula. Mpeeke abalo bakabasansulwita shoonse Lesa nshaakacita kwiinda muli mbabo.

Milimo ya Batumwi 15:6

Mpomunyaawo batumwi abamatanjilili bakabungana pantu pomwi ayi balangilisheewo pamakani aya.

Milimo ya Batumwi 20:17

Ndyaakalinga kuMiletusi, Paulo wakatuma muntu kuEfeso mukulwiita bamatanjilili ba coonde ayi bakese mukukumana anguwe.

Bene Loma 13:7

Aboobo lipila misonko yoonse yeelete kubeendeleshi, akubalemeka.

Bene Galatiya 6:1

Nobamakwesu, ono na umwi mulikoto lyanu wacita cibiibi cimwi cili coonse, mwebo nomutanjililwa aMushimu Usalashi mulyeelete kumululamika. Mulyeelete kucita boobo cakulibombya, sombi amwebo mucenjele kwaamba ayi mutawiti mumasunko.

Dutolonomi 33:9

Bakashomeka kuli ndimwe kwiinda kubamashali, bamakwababo nabi bana babo. Bakakonkela milawo yanu akulama cipangano canu.

1 Timoti 5:17

Ono bamatanjilili beendelesha coonde abo basebensa kabotu milimo yabo, balyeelete kulipilwa abuumbi, bunene bunene abo basebensa kabotu mukushimikila alimwi akwiisha.

1 Timoti 5:2

bamacembele banakashi anga mbanyoko alimwi abamyooye anga mbanankashi shako, cakubula lunkumbwa kuli mbabo.

Taitasi 2:2

Koambila basankwa bamanene ayi babe beshikucata myoyo, bacite kalango, balitibuka alimwi baluleme mulushomo lwabo, mulusuno alimwi amukutolelela.

Taitasi 2:6

Mbweeke ubo abalo basankwa bacanike kobayuminisha kuba bantu balitibuka.

Jemusi 3:17

Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.

Jemusi 5:14

Na umwi waciswa pakati kanu aaite bamatanjilili ba coonde kwaamba ayi bamupailile akumunanika mafuta muliina lya Mwaami Jesu.

1 Pita 5:1

Ono ntoolwiita bamatanjililima ba coonde pakati kanu. Ndakabona ambuli Klistu mbwaakapenshekwa alimwi ntoolindila kutambulaako bulemu bwakwe Klistu bweshi bukayubululwe.

2 Joni 1:1

Nebo nemutanjilili, ntoolembela mwanakashi Lesa ngwaakasala alimwi abana bakwe abo mboonsuni abuumbi. Teshibo ndime neenka neemusuni, sombi abaabo boonse beshi shalushinisho.

3 Joni 1:1

Nebo nemutanjilili ntoolembela mweensuma Gayasi ngoonsuni abuumbi.

Ciyubululo 4:4

Cuuna ca bwaami ico cakalinga kushingulukitwe ashuuna shimwi sha bwaami shili makumi obilo ashone apo pakalinga kushiite bamaloba bali makumi obilo abone. Bakalinga kufwete shisani shituba alimwi amishini ya golodi kumitwi.