1 Timoti 3:2 - Baibo Busansulushi Bwa Libuku Ili

² Mutanjilili ulyeelete kuba muntu utacite kampenda, weebetebo mwanakashi womwi, ulibika mpaaelete, ulitibuka, ulemekwa, shikutambula beensu, ukonsha kwiisha bantu.

1 Timoti 3:2 Iomraidhean Croise

Isaya 56:10

Beshikulindilila ba bene Isilaeli mboofu, ncakwiila tabacite lushibo. Boonse balibo anga mbakabwa batakuwi. Balo ncito koona akulota alimwi koona balikusuni abuumbi.

Luka 1:6

Boonse bobilo bakalinga bantu baluleme pameenso akwe Lesa, abo bakalinga kukonkela Milawo asheesho shoonse Lesa nshaakalinga kuyanda ayi bacite.

Luka 2:36

Kwakalinga mulaluki aumwi mwanakashi wiitwa ayi Ana. Wakalinga mwanaakwe Faniwelo wa mulunyungu lwakwe Asha. Wakalinga mucembele alimwi wakekala abeebaye myaaka yosanwe ayobilobo.

Bene Loma 12:13

Kamupawo bene Klistunyinaanu shintu shiyandika kuli mbabo, alimwi akutambula beensu camaansa obilo mumaandaanu.

Bene Filipi 2:15

Amube bana bakwe Lesa basalalite, batabishi, batacite mulandu alimwi batacite kampenda. Pakati ka bantu batashomeki, bamucita shibi, mulyeelete kubala mbuli mimuni ili mwiculu,

1 Timoti 3:12

Bacafwi ba coonde balyeelete kuba bantu beebete mwanakashi womwi womwi, beendelesha kabotu bana babo abamumaanda abo.

1 Timoti 3:8

Bacafwi ba coonde abalo balyeelete kuba amibo ibotu, bashomeka, bateendilishi kunwa shikola alimwi batayandooli maali munshila sha bucenjeshi.

1 Timoti 4:3

Balo baleeisha ayi kweeba akulya shakulya shimwi ncibiibi. Sombi Lesa wakalenga shakulya kwaamba ayi bashomi abo bakashiba shalushinisho banoolya, na bamana kulumba Lesa.

1 Timoti 5:10

ucite mpuwo ibotu ya milimo yakwe. Ulyeelete kuba mwanakashi wakakusha kabotu bana bakwe, wakalinga kutambula beensu muŋanda yakwe, wakalinga kucita milimo yakulibombya kubashominyina, wakalinga kucafwa bantu mumapensho alimwi wakalibenga kucita shintu shibotu.

1 Timoti 5:22

Utanoofwambaana kubika maansa pamutwi wa muntu kumubenga kumulimo wakwe Lesa ceebo inga wacanika ayi utoosuminisha shibiibi sha bamwi bantu. Kolilama cakubula kampenda.

1 Timoti 5:9

Mutanungiiwo aumwi mukalubinje mwanakashi pabaabo balembetwe, sombibo kaacite myaaka iindilila pamakumi osanwe alyomwi. Ulyeelete kuba muntu wakeebwa kumusankwa womwibo,

2 Timoti 2:24

Musebenshi wa Mwaami teelete kwaambana abantu. Ulyeelete kunyumfwa nkumbu kubantu boonse, kuba mufundishi wiisha kabotu camoyonteeka,

Taitasi 2:2

Koambila basankwa bamanene ayi babe beshikucata myoyo, bacite kalango, balitibuka alimwi baluleme mulushomo lwabo, mulusuno alimwi amukutolelela.

Bene Ebulu 13:2

Mutaluubi kutambula kabotu beensu mumaandaanu. Nkobali bamwi bakatambula beensu, sombi kabateshi ayi mbaanjelo bakwe Lesa.

Bene Ebulu 3:14

Mukwiinga soonse tulasebensela pantu pomwi aKlistu kulilabo na twatolelela mulushomo ndotwakatalikaalo kushikila akumeelelesho a buumi bwesu.

1 Pita 4:7

Ono mamanino a shintu shoonse ali pafwaafwi. Paceebo ceeco, kamulitibuka alimwi mucenjele, kwaamba ayi mukonshe kupaila.

1 Pita 4:9

Pakufwakashilana mumaandaanu amutambulane cakutatongooka.

1 Pita 5:8

Amucenjele akunoolibambite lyoonse mukwiinga Mubiibi, mulwani wanu, utokweendaanabo anga ninkalamu ifwite nsala itooyandoola wakulya!