1 Timoti 1:9 - Baibo Busansulushi Bwa Libuku Ili

⁹ Peculu lya waawo tulishi kwaamba ayi Milawo taikwe kupangilwa baluleme, sombi abo beshikwiisotoka abatanyumfwili, batasuni shabuLesa abamucita shibi, batasalalite alimwi batapaili. Nja bantu abo bacaya bamaishiwabo nabi bamanyinawabo, bacayi,

1 Timoti 1:9 Iomraidhean Croise

2 Samwelo 16:11

Lyalo Defedi wakaambila Abishayi abacinenenene bakwe bamwi boonse ayi, “Amubone, mwanaangu musankwa utoopinga kuncaya, ino inga ceela kuli pawooyu mwine Benjameni! Amumuleeke mwiine ancobole ceebo Mwaami Lesa mbwaamulwiita.

2 Baami 19:37

Bumwi bushiku ndyaakalinga kulambila kuli Nisiloku lesa wakwe, Adilameleki alimwi aSalesa, bana bakwe basankwa, bakamucaya amipeeni yabo. Lyalo bakacicila kucishi ca Alalati. Mpeeke Esaadoni, mwanaakwe musankwa umwi ngowakapyana bwaami bwakwe.

2 Makani 32:21

Lyalo Lesa wakatuma munjelo uyo wakesa mukucaya bashilumamba bene Asilya abamatanjilili babo. Kuswawaawo mwaami wa bene Asilya wakaboolela kumishaabo kaafwite nsoni abuumbi. Ono bumwi bushiku ndyaakalinga kulambila muŋanda ya lesa wakwe, bana bakwe basankwa bamwi bakamucaya amipeeni.

Kulonga 20:13

“Utacaayi muntu, sobwe.

Kulonga 21:14

Sombi na muntu wakalala akucaya mubye kashanga, alakwe ulyeelete kucaikwa nabi na wacicila kucipaililo cangu ayi akapulukileeko.

Tushimpi 20:20

Uyo woonse ushingana baishi abanyina, buumi bwakwe bulaakumanabo anga ndilampi lyashimika mumunshinshe.

Tushimpi 28:17

Muntu uyo upenshekwa aceebo cakutila bulowa bwa umwi ulaakunoocicacicabo kushikila akafwe, kuteelesha kumufuna.

Tushimpi 28:24

Uyo upamba baishi abanyina akwaamba ayi “Taaku mbocibete,” ulyeelenebo amuntu shikunyonyoola shintu.

Tushimpi 30:11

“Kuli bantu bashingana bamaishiwabo alimwi batatondeshi kulumba kubamanyinawabo.

Tushimpi 30:17

“Muntu ucelebula baishi akunyansha banyina, meenso akwe alaakulobolwaamo kubacikwangala bamucinyika alimwi ulaakulikwa kumakubi.

Jelemiya 23:11

Mwaami Lesa waamba ayi, “Balaluki alimwi abapailishi tabakonkeli nebo neLesa. Ncakwiila nabibo muŊanda yangu ndabacanikisha kabacita bubi.

Esekelo 21:25

“ ‘Awebo omuleli wa bene Isilaeli mucita shibi alimwi utasalalite, bushiku bwako bwashikila, ciindi cako cakupekwa mulandu wakweelaako cilibo muliimfwa.

Bene Lefi 20:9

“Uyo woonse ushingana baishi nabi banyina ulyeelete kucaikwa. Lufu lwakwe ndwakuliletela mwiine.

Mateyo 10:21

“Muntu ulaakubenga mukwabo wa lifumo lyomwi ayi acaikwe, abalo bamaishiwabo balaakubenga bana babo. Abalo baana balaakubukila bamashali babo, akubacaisha.

Bene Loma 1:30

Mbampele, mbeshikusuula Lesa, mbeshimucobwe, mbeshikulisumpula akulinyumfwa. Lyoonse balayeeyabo nshila shimwi shakucitilamo shibiibi alimwi tabalemeki bashali babo.

Bene Loma 4:13

Lesa wakashomesha Abulaamu abamulunyungu lwakwe kwaamba ayi cishi cilaakuba cabo. Ici tacikwe kucitika ceebo Abulaamu wakakonkela Milawo, sombi mukwiinga wakashoma Lesa. Aboobo Lesa wakamubona ayi uliluleme.

Bene Loma 5:20

Lesa wakapa bantu Milawo kwaamba ayi babone kufula kwa shibiibi shabo. Nakubi boobo shibiibi ndishakafula, luse lwakwe Lesa lwakeendaawo kufula.

Bene Loma 6:14

Nkokwaamba ayi tamweelete kusuminisha bubi ayi bumweendeleshe ceebo ceendelesha buumi bwanu teshi Milawo, sombi nduse lwakwe Lesa.

Bene Galatiya 3:19

Ino Milawo yakalinga kucite mulimonshi? Lesa wakabika Milawo kwaamba ayi bantu beshibe shibiibi shabo kushikila luseke ulo lwa mulunyungu lwakwe Abulaamu lwakaambwa mucipangano ndilwakesa. Lesa wakapa bantu Milawo kwiinda mubaanjelo bakwe alimwi amuntu uyo shikwiimikana pakati.

Bene Galatiya 5:18

Sombi na Mushimu Usalashi ngoomutanjilila, nkokwaamba ayi tamweendeleshekwi aMilawo.

Bene Galatiya 5:21

lunkumbwa, bucakolwa alimwi ashimwi sha mushobo wooyu. Ntoomucenjeshaako ono bweenka mbuli mbondakamucenjeshawo kale ayi abo bacita sha mushobo wooyu teshi bakenjileewo muBweene bwakwe Lesa.

Bene Galatiya 5:23

kulibombya alimwi akulitibuka. Taaku mulawo ukasha shintu ishi.

Dutolonomi 27:16

“ ‘Aashinganishikwe muntu uli woonse uyo unyansha baishi abanyina.’ “Mpeeke bantu boonse balaakwaamba ayi, ‘Ameni!’

2 Bene Tesalonika 2:8

Lyalo Muntu Mubiibi ulya ulaakuyubululwa. Ono Mwaami wesu Jesu pakwisa, ulaakumucaya kwiinda mukumuyoyela akumunyonyoola kubulemu mbweshi akeshiteemo.

1 Timoti 4:7

Swaako kushintu isho shili anga ntulabi shitacite ncito. Webo usukamebo kuliisha kwikala kweelana akuyanda kwakwe Lesa.

1 Timoti 6:20

Webo Timoti, kolama kabotu shoonse nshewakapekwa ayi ulame. Swa kumibandi italeti bulemu kuli Lesa alimwi akukupikishanya kwabuluya uko bantu nkobaamba cakubeca ayi ndushibo.

2 Timoti 2:16

Koswa kumibandi iteshi ya buLesa alimwi aya buluya, iyo ilengesha bantu kusena kulaale aLesa.

2 Timoti 3:2

Ceebo bantu balaakuba beshikulisuna, beshikuyandisha buboni, beshikulilumbaisha, beshikulisumpula, beshimatushi, batanyumfwili bashali, bataluumbi, batasalalite,

Taitasi 1:10

Ceebo mbaanji baashu abo beshikwaambabo akubeca bantu, bunene bunene abo bamulikoto lya baabo beshikupalulwa.

Taitasi 1:16

Balaamba ayi Lesa balimwishi, sombi micito yabo ilakaka sheesho nshebaamba. Balafundoosha kumoyo alimwi tabanyumfwili Lesa, aboobo tabeeleli kucita cintu cibotu nabi comwi.

Taitasi 1:6

Mutanjilili ulyeelete kuba muntu utacite kampenda, weebetebo mwanakashi womwi alimwi bana bakwe balyeelete kuba bashomi kuteshi bacite mpuwo yakucita shintu shibiibi nabi kutanyumfwa.

Taitasi 3:3

Ceebo nabi swebo sobeene twakalinga baluya, batanyumfwili alimwi balubite. Twakalinga basha ba lunkumbwa lwa mubili alimwi ashakulisangalasha shipusenepusene. Twakalinga kwikala mubuumi bwa miyeeyo ya lupato amunyono. Bantu bakalinga kutupatite aswebo katubapatite.

Bene Ebulu 11:31

Ndushomo lwakalengesha ayi mwanakashi mufuule Laabu atacaikwi pantu pomwi abaabo batakwe kunyumfwila Lesa mukwiinga wakatambula kabotu beshikusensa bene Isilaeli.

Bene Ebulu 12:16

Mulyeelete kucenjela kwaamba ayi kutabi mufuule nabi womwi mulikoto lyanu, nabi muntu ucobola Lesa mbuli Esau, uyo wakoolisha bunene bwakwe ceebo ca cakulya ca linkanda lyomwibo.

1 Pita 2:7

Kuli ndimwe nomushoma, libwe ili lilayandika abuumbi. Sombi kuli baabo batashomi, Lesa wakaamba ayi, “Libwe bayaki ndibakakaka, lyakaba ndyelibwe liyandika lya mulikonko lya ŋanda.”

1 Pita 3:20

Mishimu iyi yakalinga ya baabo batakwe kunyumfwila Lesa kale kale, ndyaakalinga kulindila amoyonteeka ciindi ico Nowa ndyaakalinga kupanga bwaato. Mwakalingabo bantu baniinibo, bosanwe abotatwe bakapuluka kumaanshi.

1 Pita 4:18

Kweelana abwaamba Malembo akwe Lesa ayi, “Ono na ululeme ulaakupulushikwa cakupengapenga, ino bamucita shibi batanyumfwili Lesa balaakweela kuli?”

Judi 1:15

Ulaakwisa mukoombolosha akupa mulandu bantu boonse, batanyumfwili Lesa, pashibiibi nshebakacita mububi bwabo, mukutalulama kwabo alimwi aceebo ca maswi abiibi bamucita shibi aba ngobakacobola Lesa.”

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.