1 Timoti 1:4 - Baibo Busansulushi Bwa Libuku Ili

⁴ Ubalwiite batanoobika maano kutushimi ameena a bamashali bakulukulu ateeli. Ishi shilaletabo kupikishanya kwiinda kusumpula mulimo wakwe Lesa uyo ucitika kwiinda mulushomo.

1 Timoti 1:4 Iomraidhean Croise

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

Bene Efeso 3:2

Ncakwiila mwakanyumfwa ayi Lesa wakampa mulimo wa butumwi kwiinda muluse lwakwe kwaamba ayi ncafwe ndimwe.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

1 Timoti 4:7

Swaako kushintu isho shili anga ntulabi shitacite ncito. Webo usukamebo kuliisha kwikala kweelana akuyanda kwakwe Lesa.

1 Timoti 6:11

Ono webo omuntu wakwe Lesa, swa kushintu shoonse sha mushobo uyu. Koelesha kuba abuumi bululeme, bwakulemeka Lesa, bwalushomo, bwalusuno, bwakutaboola pesule abwa kulibombya.

1 Timoti 6:20

Webo Timoti, kolama kabotu shoonse nshewakapekwa ayi ulame. Swa kumibandi italeti bulemu kuli Lesa alimwi akukupikishanya kwabuluya uko bantu nkobaamba cakubeca ayi ndushibo.

2 Timoti 2:14

Ono koibalusha bantu maswi aya, akubacenjesha pameenso akwe Lesa ayi kabataambanini pamaswibo. Tacicafwi, sombi cilakolonganyabo batookutika.

2 Timoti 2:22

Ucileeke lunkumbwa lwa mubili lwa bwanike, ukonkelebo bululami, lushomo, lusuno aluumuno pantu pomwi abaabo basenga lucafwo kuMwaami Lesa amoyo utacite kampenda.

2 Timoti 2:23

Sombi ucileeke kupikishanya kwabuluya alimwi kwakubula lushibo ceebo ulishi ayi kulaletelabo kwaambana.

2 Timoti 4:4

Balaakufutata kwaamba ayi batanyumfwi shalushinisho akukonkela tulabi.

Taitasi 1:1

Ndime Paulo musebenshi wakwe Lesa alimwi mutumwi wakwe Jesu Klistu. Ndakasalwa kwaamba ayi njumye lushomo lwa baabo Lesa mbwaakasala akubatanjilila mukwishiba shalushinisho isho shiletela buumi bwa buLesa.

Taitasi 1:14

alimwi ayi bacileeke kukutika shatushiyashiya twa baJuda amilawo iswa kubantu bakaka shalushinisho.

Taitasi 3:9

Sombi webo swa kukupikishanya kwabuluya, makani amashalane, kwaambana akupikishanya shaMilawo ceebo ishi tashicafwi alimwi taaku mboshibete.

Bene Ebulu 13:9

Mutasumini kwaamba ayi njiisho sheensu shipusenepusene ayi shimukushe munshila iluleme. Ncibotu kwaamba ayi luse lwakwe Lesa luyumye myoyo yesu, kuteshi kukonkela milawo yaamba pashakulya, ceebo milawo iyi taikwe kucafwawo baabo bakalinga kwiikonkela.

2 Pita 1:16

Nditwakamwishibisha ayi Mwaami wesu Jesu Klistu ulaakwisa munkusu, tatukwe kukonkela shakupangabo bantu shabucenjeshi, sombi nkusu shakwe twakashibona ameenso esu.