1 Timoti 1:3 - Baibo Busansulushi Bwa Libuku Ili

³ Ono bweenka mbondakakulwiitilishawo kale ndindakaya kuMakedoniya, kala umo muEfeso kwaamba ayi unookasha basankwa abo batokwiisha shakubeca.

1 Timoti 1:3 Iomraidhean Croise

Milimo ya Batumwi 18:19

Ndibakashika kuEfeso, Paulo wakashiya Pulisila aAkwila. Lakwe wakaya mucoonde ca baJuda mukubandika ambabo.

Milimo ya Batumwi 18:21

Sombi ndyaakalinga kubalasha, wakabaambila ayi, “Na nkuyanda kwakwe Lesa, ndaakwisa alimwi.” Lyalo wakaswaako kuEfeso mubwaato bunene.

Bene Loma 15:26

Ceebo bashomi ba mushoonde sha muMakedoniya alimwi aAkeya, bakakondwa kupa shipo shakucafwa bakandu bali mulikoto lya bantu bakwe Lesa muJelusalemu.

Bene Loma 16:17

Ndamusenga nobamakwesu ayi mucenjele abantu abo bapansaanya babyaabo akulengesha ayi babishe. Balo baleeisha shipusene asheesho nshemwakeeya. Amubatalamuke!

2 Bene Kolinto 11:4

Ceebo na kwesa muntu utooshimikila Jesu umwi uteshi wooyo ngotwakamushimikila, na mwatambula mushimu umwi uteshi wooyo ngomwakatambula, nabi kutambula makani amwi ateshi ayo ngomwakatambula, mulafwambaana kukonkela cakutayeeya.

Bene Efeso 4:14

Lyalo teshi tukabe alimwi anga mbanike, bali anga mbaabo batootolaanishikwabo amaaba nabi cipuupu cakwiisha kwa bantu babeshi. Balalengesha bantu baanji kushoma shabubeshi kwiinda mumilaka ya bucenjeshi.

Bene Filipi 2:24

Ntooshoma ayi na Mwaami wayanda, anebo ndaakwisa uko coonoono.

1 Timoti 4:11

Kobaambila akubeeisha makani aya.

1 Timoti 4:6

Na weeisha bashominyoko shintu ishi ulaakuba musebenshi mubotu wakwe Klistu Jesu, ulishikwa mumushimu amaswi alushomo lwesu alimwi akwiisha kwa lushinisho uko nkowakakonkela.

1 Timoti 5:7

Upe bantu milasho ayalo iyi kwaamba ayi babule kampenda.

1 Timoti 6:10

Ceebo kusuna maali ngomatalikilo a bubi boonse. Bamwi bakalinga kwaasuni abuumbi, aboobo beengaila kuswa kulushomo akulinjisha mubuumba bunene.

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

1 Timoti 6:3

Muntu uli woonse wiisha njiisho shipusene alimwi shiteendelani amaswi aMwaami wesu Jesu Klistu akwiisha kwesu kuswa kuli Lesa,

2 Timoti 1:18

Nkumbu shakwe Lesa shikabe anguwe pabushiku bwakoombolosha. Webo ulishi kale kabotu kufula kwa shintu nshaakancitila muEfeso.

2 Joni 1:7

Ceebo kuli babeshi baanji balibo cishi coonse ca panshi, abo batasumini ayi Jesu Klistu wakesa mubuntu. Muntu utasumini makani aya ngumubeshi alimwi ngumulwani wakwe Klistu.

Ciyubululo 2:14

“ ‘Sombi ndicite matongooshi amwi pali ndiwe ceebo mulikoto lyanu muli bamwi bakonkela kwiisha kwakwe Balamu. Lakwe wakeeisha Balaki bwakulengesha bene Isilaeli kubisha kwiinda mukubanyengelela ayi balye shakulya shakabengwa kushibumbwabumbwa alimwi akucita bufuule.

Ciyubululo 2:20

Sombi ndicite litongooshi pali ndiwe ceebo mwanakashi uyo Jesebelo, ulibanda ayi ngumulaluki wakwe Lesa, ulamulangabo. Kwiinda mukwiisha kwakwe, ulabalengesha kubisha ndyaabanyengelela ayi banoocita bufuule akulya shakulya shakabengwa kushibumbwabumbwa.