1 Timoti 1:10 - Baibo Busansulushi Bwa Libuku Ili

¹⁰ beshishikololo, basankwa boona abasankwanyinaabo, beshikuula akuulisha basha, babeshi, babeca munkuta alimwi abaabo bacita sheesho shipusene akwiisha kwalushinisho.

1 Timoti 1:10 Iomraidhean Croise

Matalikilo 19:5

Bakoolobesha kuli Loti ayi, “Bali kuli basankwa besa mukoona kokuno sunu? Bakushe utupe kuno!” Basankwa bene Sodoma abo bakalinga kusuni kukumanaabo.

Matalikilo 37:27

Atumuulishebo kubene Ishimaeli aba, kwiinda kwaamba ayi tumuciise. Uyu ngumukwabesu kale, bulowa bomwi.” Bamakwabo bakasumina.

Matalikilo 40:15

Nebo ndakacita kwiipwa kuswa mucishi ca baEbulu, alimwi akwalo kuno kuIjipiti taaku cilubo ncendakacita ceenga cankalika muntolongo.”

Kulonga 20:7

“Utasebenseshi liina lyangu mushintu shitaluleme, mukwiinga nebo neMwaami Lesa, Lesa wanu ndaakupa mulandu muntu woonse weshi akabule kusebensesha kabotu liina lyangu.

Kulonga 21:16

“Uyo woonse weenga wacata umwi akumuulisha nabi kucatwa kaacimucite, alakwe ulyeelete kucaikwa.

Osiya 10:4

Balashomesha kucita shintu shiinji, kushomesha cakulumbila cakubeca akupanga shipangano shiinji shitaaku mboshibete. Mwasandula bululami kuba kutalulama alimwi kutookula anga ninsaku mumuunda wakashabwa.

Bene Lefi 18:22

“Taaku musankwa weelete kukumana amusankwanyina, ceebo Mwaami Lesa ulipatite micito iyo.

Bene Lefi 20:13

“Ono na musankwa wakumana amusankwanyina, bacita cintu cilensha nsoni, anu boonse bobilo balyeelete kucaikwa. Lufu lwabo ndwakuliletela.

Sekaliya 5:4

Mwaami Lesa Shinkusu shoonse waamba ayi, ‘Ndaakutuma lishingo ilyo lyeshi likenjile muŋanda ya mwiipi woonse amuŋanda ya wooyo ushomesha cakulumbila cabubeshi muliina lyangu. Lilaakunooshiite mumaandaabo kushikila likaanyonyoole cakumaninina.’ ”

Sekaliya 8:17

Mutapingi kucita bubi kuli shikamukobonyoko, mutanoobeca pakushomesha cakulumbila. Nebo ndipatite shintu sha mushobo uyo. Nebo neMwaami Lesa ndaamba.”

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Joni 8:44

Mwebo muli kulubasu lwakwe ishiwanu Satana, aboobo mulisuni kucita sheesho shisuni ishiwanu. Lakwe wakalinga mucayi kuswa kumatalikilo. Taana kucitawo kale shalushinisho mukwiinga muli nguwe taamu lushinisho. Na waamba sha bubeshi ingayi waamba mbwaabete mukwiinga ngumubeshi alimwi ngoishi wa bubeshi.

Bene Loma 1:26

Nceceeco Lesa ncaakabalekela kucita shintu shilensha nsoni shisuni myoyo yabo. Abalo banakashi bakashiya mulimo wa bwanakashi akukonkela mulimo ulensha nsoni.

Dutolonomi 24:7

“Uyo woonse ucata mwine Isilaelinyina, wamufuba nabi kumuulisha busha, ulyeelete kucaikwa. Munshila iyi mulaakukusha bubi ubu pakati kanu.

1 Timoti 4:6

Na weeisha bashominyoko shintu ishi ulaakuba musebenshi mubotu wakwe Klistu Jesu, ulishikwa mumushimu amaswi alushomo lwesu alimwi akwiisha kwa lushinisho uko nkowakakonkela.

1 Timoti 6:3

Muntu uli woonse wiisha njiisho shipusene alimwi shiteendelani amaswi aMwaami wesu Jesu Klistu akwiisha kwesu kuswa kuli Lesa,

2 Timoti 1:13

Catisha kukonkela maswi alushinisho ayo ngondakakwiisha kwaamba ayi abe citondesho cakukonkela. Kocita boobo mulushomo alusuno ulo ndotucite muli Klistu Jesu.

2 Timoti 4:3

Ciindi cilaakushikila bantu ndyeshi bakakake kunyumfwa kwiisha kwalushinisho, sombi balaakukonkela shiyanda myoyo yabo kwiinda mukulibunganishisha bafundishi baanji abo beshi bakanokwaamba nshebasuni kunyumfwa.

Taitasi 1:13

Bukamboni bwakwe mbwalushinisho. Paceebo ceeco ubakalalile cankusu kwaamba ayi balulame mulushomo

Taitasi 1:9

Ulyeelete kucata camaansa obilo kumakani ashomeka kweelana ambwaakeeishikwa, ayi ayumyeyumye bamwi kwiinda mulushinisho alimwi akululika baabo balupikisha.

Bene Ebulu 13:4

Cikwati kamucilemeka noonse alimwi basankwa abamakaabo balyeelete kunooshomeka kuli womwi awomwi mukwiinga Lesa ulaakoombolosha akupa mulandu bafuule alimwi abeshibulale.

Judi 1:7

Amwiibaluke andabala ya Sodoma aGomola amandabala akalinga pafwaafwi. Bantu ba mumandabala aya abalo bakatalika kucita bufuule alimwi akucitana shintu shilensha nsoni. Lesa wakabapa mulandu wa mulilo utamaani kwaamba ayi cibe citondesho kubantu boonse.

Ciyubululo 18:13

Taaku eshi akoole tununkila kabotu mubuyani tupusenepusene, tununkila kabotu pakutenta, mule, waini, mafuta, fulaulo, witi, ŋombe, mbelele, maaki, shikoci alimwi basha, nkokwaamba ayi bantu boomi.

Ciyubululo 21:27

Sombi mundabala inene iyo teshi mukenjile cintu citasalalite nabi comwi, nabi bantu boonse bacita shintu shilensha nsoni nabi babeshi. Mulaakwinjilabo baabo bacite meena alembetwe mulibuku lya buumi lya Mwanaambelele.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.