1 Timoti 1:1 - Baibo Busansulushi Bwa Libuku Ili

¹ Ndime Paulo mutumwi wakwe Klistu Jesu kwiinda mukuyanda kwakwe Lesa Mupulushi wesu, aKlistu Jesu apo peemfwi kulangila kwesu.

1 Timoti 1:1 Iomraidhean Croise

Kulumbaisha 106:21

Bakaluba Lesa uyo wakabafuna ndyaakacita shaankamiko mucishi ca Ijipiti.

Isaya 12:2

Ncakwiila noBaami baLesa ndimwe bapulushi bangu. Nanooncinkite manungo muli ndimwe, lyalo teshi nkaloondeewo. NoBaami baLesa ndimwe mumpa nkusu abulemu, alimwi ndimwe lwiimbo lwangu. Ee, noBaami baLesa mwaba bapulushi bangu.”

Isaya 43:11

“Nebo, ee, nebo neenka ndime Mwaami Lesa, kwisule lyangu taaku aumwi mupulushi.

Isaya 43:3

Ceebo nebo ndime Mwaami Lesa wanu, ee, Usalalite wa bene Isilaeli uyo umupulusha. Ndaakubenga Ijipiti mukumulubula. Ndaakubenga Kushi aSeba mumusena wanu.

Isaya 45:15

Nobene Isilaeli, Lesa wanu uyo umupulusha, ncakwiila nguLesa ulishisa.

Isaya 45:21

Amwaambe ceshi cicitike, ee, amukonkolole. Amulifuuyefuye palwaanu nobeene. Ngani wakaamba cikani ici kale kale? Ngani wakacaamba kacicilibo kulaale kucitika? Sa teshi ndime neMwaami Lesa? Ncakwiila taaku Lesa aumwi kulekabo ndime. Ndi Lesa ululeme alimwi Mupulushi. Ee, taaku lesa aumwi, ndimebo.

Isaya 49:26

Ndaakulengesha baabo bamulyatilila kulya nyama ya mibili yabo beene. Ee, balaakubunwa bulowa bwabo beene akukolwa anga banwa waini. Lyalo bantu boonse balaakwishiba ayi ndime Mwaami Lesa, Mupulushi wanu, Shikumulubula, Lesa Shinkusu shoonse wa bamulunyungu lwakwe Jakobo.”

Isaya 60:16

Mishobo imwi abamaami balaakunookulama bweenka mushali mwanakashi bwaalama mwanaakwe. Lyalo ulaakwishiba kwaamba ayi Nebo, neMwaami Lesa, ndime Mupulushi wako. Ulaakwishiba ayi ndime nkufuna alimwi ayi ndi Lesa Shinkusu shoonse wa bamulunyungu lwakwe Jakobo.

Isaya 63:8

Mwaami Lesa wakaamba ayi, “Aba mbantu bangu, bana bangu abo batakoonshi kumbeca.” Nceceeco ncaakabeta Mupulushi wabo.

Osiya 13:4

Mwaami Lesa waamba ayi, “Nebo ndime neMwaami Lesa, Lesa wanu nendakamukusha mucishi ca Ijipiti. Tamweelete kwishiba balesa bamwi kuleka ndime. Nebo neenka ndime Mupulushi wanu.

Luka 1:47

Ndisangalete abuumbi ceebo cakwe Lesa Mupulushi wangu

Luka 2:11

Sunu mundabala yakwe Defedi mwashalwa Mupulushi wanu uyo ngoKlistu Mwaami.

Milimo ya Batumwi 9:15

Sombi Mwaami wakamwaambila alimwi ayi, “Koyabo mukwiinga ndamusala kwaamba ayi ansebensele akunshibya kubaswamashi bakunsengwe, bamaami alimwi abene Isilaeli.

Bene Loma 1:1

Ndime Paulo musebenshi wakwe Jesu Klistu. Lesa wakansala akunjita kwaamba ayi mbe mutumwi wakushimikila Makani Abotu aswa kuli nguwe.

1 Bene Kolinto 1:1

Ndime Paulo uyo wakeetwa kweelana akuyanda kwakwe Lesa ayi mbe mutumwi wakwe Klistu Jesu. Ndi amukwabesu Sositenesi.

1 Bene Kolinto 9:17

Nendakaliyandila kucita mulimo uyu, naakwiinga kaanangila kutambula cilambu. Ono mukwiinga nshikwe kuliyandila, ndasebensabo ceebo Lesa ngowakantuma.

2 Bene Kolinto 1:1

Ndime Paulo, mutumwi wakwe Klistu Jesu kwiinda mukuyanda kwakwe Lesa. Ndi pantu pomwi amushominyineesu Timoti. Ntoolembela ndimwe nocoonde cakwe Lesa cili muKolinto abashomi boonse bali mucishi ca Akeya.

Bene Galatiya 1:1

Ndime Paulo mutumwi. Teshi muntu wakantuma sombi Jesu Klistu alimwi aLesa Ishiwesu uyo wakamubusha kuswa kubafu.

Bene Galatiya 1:11

Nobamakwesu, ntomwishibisha kwaamba ayi Makani Abotu ayo ngoonshimikila, taakwe kuswa kubantu.

Bene Kolose 1:27

Lakwe wakasuna kwaamba ayi baswamashi bakunsengwe boonse beshibe maswi ayo ancinencine. Ngamaswi abotu abuumbi, abubile bwa bulemu bwakwe ayo akalinga kushisitwe kubantu boonse. Maswi aya ngakwaamba ayi Klistu uli muli ndimwe alimwi ngoomupa kulangila kwa kutambula bulemu bwakwe Lesa.

2 Bene Tesalonika 2:16

Ono Mwaami wesu Jesu Klistu aLesa Ishiwesu uyo wakatusuna, kutuyumyayumya mumyoyo akutupa kulangila kutamaani kwiinda muluse lwakwe,

1 Timoti 1:12

Ndamulumba Klistu Jesu Mwaami wesu uyo wakampa nkusu, mukwiinga wakayeeya ayi ndashomeka akunsala ayi musebensele.

1 Timoti 2:3

Ici ncibotu alimwi cilakondelesha Lesa Mupulushi wesu,

1 Timoti 2:7

Nceceeco alimwi ncaakampeta butumwi abufundishi bwa kubaswamashi bakunsengwe kwaamba ayi nshimikile Makani Abotu a lushomo alushinisho. Nshintoobeca, ntokwaamba lushinisho.

1 Timoti 4:10

Nceceeco ncetusebensela cankusu akulwisha ceebo kulangila kwesu kuli muli Lesa muumi, uyo ngomupulushi wa bantu boonse, bunene bunene abo bashoma.

Taitasi 1:3

Mpeeke paciindi ceelete wakayubulula kushomesha uko mumakani akwe. Makani ayo wakaabika mumaansaangu, aboobo ndaashimikila kweelana aLesa Mupulushi wesu mbwaakandwiita.

Taitasi 2:10

nabi kubeepila shintu. Sombi balyeelete kutondesha ayi balashomeka kwaamba ayi balemeke maswi akwe Lesa Mupulushi wesu mushintu shoonse.

Taitasi 2:13

Bulya nditutoolindila bushiku bwa coolwe, ubo bulemu bwakwe Lesa munene alimwi aMupulushi wesu Jesu Klistu, ndyeshi bukaboneke.

Taitasi 3:4

Sombi nkumbu alusuno lwakwe Lesa Mupulushi wesu ndishakayubululwa,

Taitasi 3:6

Lesa wakatupa Mushimu Usalashi camaansa obilo kwiinda muli Jesu Klistu Mupulushi wesu.

1 Pita 1:21

Kwiinda muli nguwe mulashoma muli Lesa uyo wakamubusha kuswa kubafu akumupa bulemu buunji. Aboobo lushomo lwanu akulangila kwanu kube muli Lesa.

1 Pita 1:3

Atulumbe Lesa Ishi Mwaami wesu Jesu Klistu! Ceebo ca nkumbu shakwe shiindaawo, wakatupa buumi bupya ayi tube akulangila kwiine kwiine kwiinda mukubusha Jesu Klistu kuswa kubafu.

2 Pita 1:1

Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.

1 Joni 4:14

Peculu lya waawo twakabona akulwiitako bamwi ayi Lesa Ishiwesu wakatuma Mwanaakwe ayi abe Mupulushi wa cishi ca panshi.

Judi 1:25

Kwiinda muli Jesu Klistu Mwaami wesu, atulumbaishe Lesa eenkabo Mupulushi wesu ayi abe abulemu, bwaami alimwi ankusu shakweendelesha kuswa kumatalikilo, bulya alimwi anshiiku shoonse shitoosa. Ameni.