YOHANA 9:3 - Bokobaru Bible

³ Yesu wèńla à bè: Èe kɛ àpi ke à de kↄ̃n à dao durun yãnzinlo. Lɛ wà Luda yãkɛna ea yãnzimɛ.

YOHANA 9:3 Iomraidhean Croise

AYUBA 42:7

Dii yã beeenↄ ona gbɛra à yã ò Temana gbɛ̃ Ɛlifazanɛ à bè: Ma pↄ fɛ̃̀nzi kↄ̃n n gbɛ̃nna gↄ̃ↄn plaaanↄ, zaakɛ ée ma yã o a zɛ́a lán ma zↄ̀bleri Ayuba bàro.

MATIU 11:5

vĩ̀anↄↄ e guu ee, ɛrɛnↄↄ e táa oo, kusunↄↄ e kɛ̃ɛkↄ̃a, swãdoonↄↄ e yã maa, gɛ̀nↄↄ e fɛɛɛ, takaasideenↄↄ e baaru nna waazi maa.

YOHANA 11:4

Kɛ̀ Yesu yã pì mà à bè: Gyãa pì é mì dɛ gaaoro. Lɛ wà Luda gakui e yãnzimɛ, lɛ Luda Nɛ́ sↄ̃ tↄ́ bↄ à musu.

YOHANA 11:40

Yesu bènɛ: Mɛ́ɛ onnɛ kɛ̀ tó n ma náanɛ kɛ̀, nɛ́ Luda gakui eroo?

ZĨRINƆ 28:4

Kɛ̀ bɛdeenↄ mlɛ̃̀ pì è dↄ à ↄↄa, aↄ̃ bèkↄ̃nɛ: Gbɛ̃ beee nɛ́ gbɛ̃dɛrimɛ yãpura. Baa kɛ̀ à bikũ̀ íla aafia, yãpuraa e wenɛ àgↄ̃ kuuro.

ZĨRINƆ 4:21

Gbãadee pìnↄ ɛ̀ara wà vĩa dàdańzi, ben aↄ̃ ń gbáɛ. Aↄ̃ↄe wɛ́ɛtãmmana zɛ́ ero, zaakɛ baade píngi e Luda sáabu kpaa yã kɛ̀ kɛ̀ pì yãnzi.

1 YOHANA 4:16

Wá Luda yenawazii dↄ̃, ben wá à náanɛ vĩ. Ludan yenzi ũ. Gbɛ̃ kɛ̀ ègↄ̃ yenzi vĩ kú Luda guu, ben Ludaa kú à guu.

1 YOHANA 4:9

Dian Luda a yenzi ↄ̀dↄawe gupuraaa nàn yɛ̀: À a Nɛ́ mɛ̀n do léle zĩ̀ anduna guu, lɛ wà wɛ̃̀ndi e kↄ̃n à gbãaao.