YOHANA 1:9 - Bokobaru Bible

⁹ Gupura yãpuradee kɛ̀ è guu pu baade pínginɛ bé èe mↄↄ anduna guu.

YOHANA 1:9 Iomraidhean Croise

MATIU 6:23

Tó n wɛ́ɛ gbãaro sↄ̃, n mɛ̀ píngi égↄ̃ gusiaa ũ. Tó gupuraa kɛ̀ ń kũna dɛ gusiaa ũ, gusiaa pì bíta.

LUKU 11:36

Tó n mɛ̀ píngi gupuraa vĩ à kee kú gusiaa guuro, eégↄ̃ guu puu wásawasa lán fitia'i dↄmmaa bàmɛ.

YOHANA 1:4

À guun wɛ̃̀ndi kún, ben wɛ̃̀ndi pì dɛ gupuraa ũ gbɛ̃nↄnɛ.

YOHANA 1:7

À mↄ̀ gupuraa pì sèedadee ũmɛ, à gupuraa pì yã ò gbɛ̃nↄnɛ, lɛ baade píngi à náanɛ kɛ à gãzĩ.

YOHANA 12:46

Ma mↄ anduna guu gupuraa ũmɛ, lɛ gbɛ̃ kɛ̀ èe ma náanɛ kɛɛ tón gↄ̃ gusiaan dↄro.

YOHANA 14:6

Yesu wèàla à bè: Mámbe zɛ́ ũ, mámbe yãpuraa kↄ̃n wɛ̃̀ndio ũ. Gbɛ̃ke è e à gá ma De kiia ma gbákũna sairo.

YOHANA 15:1

Mámbe geepi lí yãpuraa ũ, ma Den geepi lí búdee ũ.

YOHANA 6:32

Ben Yesu bèńnɛ: Yãpuraan mɛ́ɛ ooare, èe kɛ Musa bé à pↄ́blee kɛ̀ bↄ̀ musu kpàawaro. Ma De bé è pↄ́ble yãpuradee kɛ̀ bↄ̀ musu kpáawa.

YOHANA 7:12

Parii guu wèe yãbuu tãa maamaa à musu. Gbɛ̃kenↄ bè: Gbɛ̃ maaamɛ. Gbɛ̃kenↄ bè: Auo, èe gbɛ̃nↄ sãsãamɛ.

1 YOHANA 1:8

Tó wa bè wá durun vĩro, wée wa zĩnda kɛkɛɛmɛ, yãpuraa kúwaro.

1 YOHANA 2:8

Baa kↄ̃n beeeo yã kɛ̀ mɛ́ɛ ooaree dufumɛ dↄ, wè à yãpuraa e à kiia kↄ̃n a kiiao, zaakɛ gusiaa e gɛ̃tɛɛ, ben gupura yãpura e puu sa.

1 YOHANA 5:20

Wá dↄ̃ kɛ̀ Luda Nɛ́ mↄ̀, ben à wa wɛ́ɛ kɛ̃̀, lɛ wà e wà Yãpuradee dↄ̃. Wá kú Yãpuradee pì guu kↄ̃n à Nɛ́ Yesu Kirisio. Àmbe Luda yãpuradee pì ũ. Àmbe wɛ̃̀ndi kɛ̀ è yãaroo ũ.