NƐƐMAYA 8:6 - Bokobaru Bible

⁶ Ɛzɛra Dii Luda Bítade sáabu kpà, ben baade píngi ↄ sɛ̀ musu aↄ̃ bè: Aami! Aami! Ben aↄ̃ mì pɛ̀ɛ tↄↄtɛ wà dↄnzi kɛ̀ Diinɛ.

NƐƐMAYA 8:6 Iomraidhean Croise

NAANA 14:22

Ben Abramu bènɛ: Má sì kↄ̃n Dii Luda Musude musu kↄ̃n tↄↄtɛo Kɛ̀rio,

NAANA 24:26

Ben gↄ̃gbɛ̃ pì kùɛ à dↄnzi kɛ̀ Diinɛ à bè:

NƐƐMAYA 5:13

Ma a utadaa kpòkɛ ma bè: Luda gbɛ̃ kɛ̀ èe zĩi kɛ lɛ́ kɛ̀ à gbɛ̃̀ pìaroo kpokɛ lɛ à à bɛ kↄ̃n à auzikinↄ sía. Luda à kpokɛ lɛ à gↄ̃ kori lɛ. Gbɛ̃ pariinↄ bè: Aami! Ben aↄ̃ Dii sáabu kpà. Ben gbɛ̃nↄ kɛ̀ lán aↄ̃ à lɛ́ gbɛ̃̀ nà.

NƐƐMAYA 8:7

Gurↄↄ kɛ̀ gbɛ̃nↄↄ zɛna gwe, Levi kenↄ Musa doka dàdańnɛ. Levi pìnↄ tↄ́n yɛ̀: Yesua, Bani, Serebia, Yami, Akubu, Sabetai, Odia, Masia, Kelita, Azaria, Yozabada, Anana kↄ̃n Pelayao.

SAAMUNƆ 134:2

À a ↄↄ sɛ́ musu Dii kúkii kpa, à à sáabu kpá.

SAAMUNƆ 141:2

Ǹ tó ma aduakɛna ká n kiia lán tuaetiti tɛ́sukpɛ bà. Ǹ tó ma ↄ dↄna musu gↄ̃ dɛnnɛ sa uusiɛ ona ũ.

SAAMUNƆ 28:2

Mɛ́ɛ dↄnlɛ wii pɛɛmma, ǹ swã kpámazi, mɛ́ɛ ma ↄ sɛɛ n kúkii kpa.

SAAMUNƆ 41:13

Aubarikade Dii, Isarailinↄ Luda zaa káaku ai gurↄ píngi! Aami! Aami!

SAAMUNƆ 63:4

Mɛ́gↄ̃ n tↄ́ kpaa ai ma wɛ̃̀ndi lɛ́n, mɛ́ ↄ sɛ́ musu mà n sísi.

SAAMUNƆ 95:3

Zaakɛ Dii nɛ́ Luda kɛ̀ bítamɛ. Kí bítamɛ, à dɛ dii píngila.

BƆNA 12:27

à ońnɛ kɛ̀ Banla saa kɛ̀ wè o Diiamɛ, zaakɛ kɛ̀ à Igipitinↄ dɛ̀dɛ, à gɛ̃̀ wa Isarailinↄ kpɛ́la, èe wa dɛdɛro. Ben gbɛ̃nↄ kùɛ aↄ̃ dↄnzi kɛ̀ Diinɛ.

BƆNA 4:31

Aↄ̃ yã pì sì. Kɛ̀ aↄ̃ↄ mà Dii bé à mↄ̀ ń gwa à ń yã'ↄ̃amma è, ben aↄ̃ kùɛ wà dↄnzi kɛ̀nɛ.

MATIU 26:39

Kɛ̀ à gàa aɛ féte, ben à kùɛ tↄↄtɛ à adua kɛ̀ à bè: Baa, tó eé sí kɛ, ǹ tó togo'i kɛ̀ gɛ̃tɛmala. Mↄde èe kɛ lán má yezi nànlo, séde lán ń yezi nà.

MATIU 6:13

Ǹton tó wà fu yↄ̃agwanaaro, ǹ wa sí à zaaaa.

1 KƆRINTIDEENƆ 14:16

Tó n Luda tↄ́ nnaa sì kↄ̃n niniio, dian gbɛ̃ dufu kɛ̀ kú gwee é be, aami, sáabu kɛ̀ ń kpà yã musuu? Zaakɛ èe yã kɛ̀ ń ò dↄ̀rↄ dↄ̃ro.

ƐFESUDEENƆ 1:3

Wà Luda wa Dii Yesu Kirisi De sáabu kpá! Wa kuuna Kirisi guu Luda a Ninii aubarika píngi dàwagu zaa musu.

1 TIMƆTI 2:8

Má yezi gↄ̃gbɛ̃nↄ adua kɛ gu sãnda píngi, aↄ̃ ↄ sɛ́ musu gbãsĩ sai, pↄfɛ̃ kↄ̃n lɛokpakↄ̃aoo sai.

1 PITA 1:3

Wà Luda wa Dii Yesu Kirisi De sáabu kpá! À sùu bíta guu à wa i dufu kↄ̃n Yesu Kirisi fɛɛna gaan gbãaao, ben wá tãmaa kɛ̀ è ń nɛroo vĩ,

ZIA YÃ 7:11

Malaikanↄↄ zɛzɛna wà lìga kìta kↄ̃n gbɛ̃nsinↄ kↄ̃n pↄ́ bɛ̃ɛ mɛ̀n siigↄ̃ↄnↄzi ń píngi, ben aↄ̃ kùɛkuɛ kìta pì aɛ wà dↄnzi kɛ̀ Ludanɛ