NƐƐMAYA 8:3 - Bokobaru Bible

³ À aɛ dↄ̀ gãalɛ kɛ̀ kú Í bĩilɛ pì saɛa, ben èe takada pì kyó kɛɛ zaa kↄngↄ idɛ'idɛ ai ↄfãntɛ̃ kà mìdangura gↄ̃gbɛ̃nↄ kↄ̃n nↄgbɛ̃nↄ kↄ̃n gbɛ̃ kɛ̀ aↄ̃é fↄ̃ wà maanↄ wáa. Baade píngi swã dↄ̀ Musa doka takada pì kyókɛnazi.

NƐƐMAYA 8:3 Iomraidhean Croise

NƐƐMAYA 8:1

Baade píngi kàkↄ̃a kↄ̃n lɛdolɛo gãalɛ kɛ̀ kú Í bĩilɛ saɛ, ben wà bè dannɛri Ɛzɛranɛ à bↄ kↄ̃n Musa doka kɛ̀ Dii dìɛ Isarailinↄnɛ takadao.

NƐƐMAYA 8:18

Ɛzɛra ègↄ̃ Luda doka takada kyó kɛɛ lán guu è dↄ nà naana zaa zĩbaagurↄ káakua ai à gàa à mì dɛ̀o. Aↄ̃ zĩbaa pì kɛ̀ gurↄ swɛɛplaamɛ. À gurↄ sↄraagↄ̃deea aↄ̃ kakↄ̃ana kɛ̀ lán wà dìɛ nà.

NƐƐMAYA 8:4

Dannɛri Ɛzɛra zɛna tinti lezĩ kɛ̀ wà kɛ̀ kↄ̃n lío musu lá pì kyókɛna yãnzi. Matitia kↄ̃n Sɛmao kↄ̃n Anayao kↄ̃n Uriao kↄ̃n Ilikiao kↄ̃n Masiao kú à ↄplaazi. Pedaya kↄ̃n Misailio kↄ̃n Malakiao kↄ̃n Asumuo kↄ̃n Asabadanao kↄ̃n Zakario kↄ̃n Mɛsulamuo kú à ↄzɛɛzi.

NƐƐMAYA 8:5

Kɛ̀ Ɛzɛra takada wɛ̃̀, baade píngi è, zaakɛ à zɛkii lezĩ dɛńla. Kɛ̀ à wɛ̃̀, baade píngi fɛ̀ɛ wà zɛ̀.

MAAKU 12:37

Kɛ̀ Dauda bènɛ Dii, à kɛ̀ dia eégↄ̃ dɛ à borii ũ dↄↄ? Ben parii e à yã maa pↄnnaao.

LUKU 19:48

mↄde aↄ̃ↄe à kɛna zɛ́ ero, kɛ̀ baade píngi swã kpá wèe à yã maa yãnzi.

LUKU 8:18

Beee yãnzi à yã ma kↄ̃n làakario. Gbɛ̃ kɛ̀ pↄ́ vĩin Luda é kaaranɛ. Gbɛ̃ kɛ̀ pↄ́ke vĩroo sↄ̃, baa pↄ́ kɛ̀ èe daa á vĩi Luda é sía.

ZĨRINƆ 13:15

Doka kↄ̃n annabinↄ takadanↄ kyókɛna gbɛra aduakɛkpɛ gbɛ̃nsinↄ gbɛ̃ zĩ̀ à bèńnɛ: Gbɛ̃nↄ, tó á kaarana yãke vĩ à o gbɛ̃nↄnɛ, à o.

ZĨRINƆ 13:27

Yerusalɛmudeenↄ kↄ̃n ń gbãadeenↄↄ e Yesu dↄ̃ro, aↄ̃ↄe annabinↄ takada kɛ̀ wègↄ̃ à kyó kɛɛ kámmabogurↄↄ zĩ píngi zɛ́ dↄ̃ro, ben aↄ̃ↄ tò annabi pìnↄ yã pàpa aↄ̃ yã vɛ̃̀ɛa.

ZĨRINƆ 15:21

Zaakɛ à gì kɛ̀ kɛ̀ wègↄ̃ Musa takada kyó kɛɛ aduakɛkpɛnↄ guu kámmabogurↄↄ zĩ píngi wègↄ̃ à doka waazi kɛɛ wɛ́tɛ kↄ̃n wɛ́tɛo.

ZĨRINƆ 16:14

Nↄgbɛ̃ kee kú gwe wè benɛ Lidia. Tiatira gbɛ̃mɛ, bisa wɛ́ɛ tɛ̃a búgu yàrimɛ, bensↄ̃ Luda dↄnzirimɛ. Èe yã kɛ̀ Pↄlu e oo maa, ben Dii a swɛ̃̀ wɛ̃̀nɛ à yã pì sì.

ZĨRINƆ 17:11

Gbɛ̃ beeenↄ nↄ̀sɛ maaa dɛ Tɛsalonikadeenↄla aↄ̃ Luda yã sì ↄplaplaa. Lán guu e dↄↄ nà aↄ̃ègↄ̃ Luda yã gwagwaa lɛ wà dↄ̃ tó Pↄlu yã pìnↄ yãpuraa vĩ.

ZĨRINƆ 20:11

Kɛ̀ à ɛ̀ara à dìdi musu, à burɛdi lìlikↄ̃rɛ a sò, ben à yã ò maamaa ai guu dↄ̀o, ben à dà zɛ́n.

ZĨRINƆ 20:7

Azumanɛngo zĩ wa kↄ̃ kàkↄ̃a, lɛ wà burɛdi só lɛdo. Pↄlu e waazi kɛɛńnɛ. Kɛ̀ à yezi à tá tó guu dↄ̀, ben à dà yãla ai lezãndo.

ZĨRINƆ 28:23

Aↄ̃ gurↄↄ dìɛkↄ̃nɛ kↄ̃n Pↄluo, ben aↄ̃ mↄ̀ à kiia ua kɛ̀ à pìtan paripari. À yezi aↄ̃ↄ a yãzɛ dↄ̃ Yesu yã musu, ben à nà Musa dokaa kↄ̃n annabinↄ yãnↄ, à kpata kɛ̀ bↄ̀ Luda kiia yã òńnɛ à bↄ̀kↄ̃tɛńnɛ zaa kↄngↄ ai uusiɛ.

DOKAGBƐSISINA 31:9

Musa doka pì kɛ̃̀ takada guu à kpà sa'ori Levi borii kɛ̀ aↄ̃ègↄ̃ Dii bà kuunańyo àkpati sɛnanↄa kↄ̃n Isaraili gbɛ̃nsinↄ ń píngi.

1 TƐSALONIKADEENƆ 2:13

Kɛ̀ a Luda yã kɛ̀ wá òaree pì mà, ée diɛ gbɛ̃ntee pↄ́ ũro, á sì lán à dɛ nà, Luda yã yãpuraa ũ. Àmbe e zĩi kɛɛ amↄa kɛ̀ ée à náanɛ kɛɛnↄ guu. Bee yãnzi dↄ weègↄ̃ Luda sáabu kpaa yãana sai.

YƆSUA 8:35

Yã kɛ̀ Musa dìɛnↄ tɛ́ píngi, à kee e gↄ̃ kɛ̀ Yↄsua gì à kyó kɛ pariinɛziro. Baa nↄgbɛ̃nↄ kↄ̃n nɛ́ fétenↄ kↄ̃n bↄ̀amↄ kɛ̀ aↄ̃ↄ kú ń tɛ́nↄↄ kú gwe ń píngi.

ZIA YÃ 2:29

Gbɛ̃ kɛ̀ swã vĩ à yã kɛ̀ Luda Ninii e oo sↄsinↄnɛ ma.

ZIA YÃ 3:22

Gbɛ̃ kɛ̀ swã vĩ à yã kɛ̀ Luda Ninii e oo sↄsinↄnɛ ma.