LUKU 6:23 - Bokobaru Bible

²³ Gurↄↄ kɛ̀ yã beeenↄ a le, à pↄnnaa kɛ à vĩvĩ kↄ̃n pↄnnaao, zaakɛ a láada bíta ludambɛ. Lɛn aↄ̃ dezinↄ kɛ̀ annabinↄnɛ lɛ.

LUKU 6:23 Iomraidhean Croise

2 SAMUƐLI 6:16

Kɛ̀ Dii àkpati e gɛ̃ɛ Dauda wɛ́tɛ guu, ben Solu nɛ́ Mikala e tↄↄtɛ gwaa windo guu. Kɛ̀ à è kí Dauda e vĩvĩi èe ↄ̃ wãa Dii aɛ, à kya kàn a swɛ̃̀ guu.

1 KINANƆ 18:4

Kɛ̀ Yɛzɛbɛli e Dii annabinↄ dɛdɛ yã, ben Obadia ń gbɛ̃ kenↄ sɛ̀ɛ gↄ̃ↄn basↄↄro à ń útɛ gbɛ̀wɛɛnↄ guu gↄ̃ↄn baplaa akurikuri, ben à ń gwá kↄ̃n pↄ́bleeo kↄ̃n ío.

1 KINANƆ 19:10

À wèàla à bè: Dii Luda Zĩ̀kpɛde, ma làakari fɛ̀ɛ maamaa, zaakɛ Isarailinↄ pã kpà n bà kuunańyo yãzi, ben aↄ̃ n gbãgbãkiinↄ gbòro aↄ̃ n annabinↄ dɛ̀dɛ kↄ̃n fɛ̃ɛdaao. Mámbe ma gↄ̃ mado, ben aↄ̃ↄe ma wɛɛ se.

1 KINANƆ 19:14

À wèàla à bè: Dii Luda Zĩ̀kpɛde, ma làakari fɛ̀ɛ maamaa, zaakɛ Isarailinↄ pã kpà n bà kuunańyo yãzi, ben aↄ̃ n gbãgbãkiinↄ gbòro aↄ̃ n annabinↄ dɛ̀dɛ kↄ̃n fɛ̃ɛdaao. Mámbe ma gↄ̃ mado, ben aↄ̃ↄe ma wɛɛ se.

1 KINANƆ 19:2

Ben Yɛzɛbɛli lɛ́kpãsã kɛ̀ Ilianɛ à bè: Ai zia mↄndaa'i, tó mɛ́ɛ kɛnnɛ lán ń kɛ̀ tãadeenↄnɛ nàro, tãanↄ yã kɛmɛ pãsĩpãsĩ!

1 KINANƆ 21:20

Kɛ̀ Ahabu Ilia è à bè: Ma ibɛɛ, ai tia nɛ́ɛ ma tóroo? Ben Ilia bènɛ: Ee, mɛ́ɛ n tóro, zaakɛ n n zĩnda dà yã kɛ̀ zaa Diinɛ kɛnan.

1 KINANƆ 22:27

é ońnɛ ma bè wà à da kpɛ́siaan, wàgↄ̃ burɛdi kpáa kↄ̃n ío fétefete ai mà gá suo aafia.

1 KINANƆ 22:8

Ben Isarailinↄ kína wèàla à bè: Gↄ̃gbɛ̃ kee kuu dↄ, à tↄ́n Mikaya, Imlã nɛ́mɛ. Eé fↄ̃ à yã gbekawe Diia, mↄde má ye à yãziro, zaakɛ è yã maaa e à omɛ zikiro, séde à zaaa. Ben Yosafata bè: Kí, ǹton o lɛro!

2 KINANƆ 6:31

Ben kína bè: Tó mɛ́ɛ Safata nɛ́ Ɛlisa mì zↄ̃ gbã̀aro, Luda yã kɛmɛ pãsĩpãsĩ.

NƐƐMAYA 9:26

Baa kↄ̃n beeeo aↄ̃ swã gbãa kũ̀, ben aↄ̃ bↄ̀ n yã kpɛɛ, aↄ̃ kpɛɛ lì n dokanɛ. Aↄ̃ annabi kɛ̀ aↄ̃ lɛ́ dàḿma lɛ aↄ̃ summaanↄ dɛ̀dɛ, aↄ̃ dↄkɛ̀nyo maamaa.

SAAMUNƆ 58:11

Gbɛ̃nↄ é be: Gbɛ̃ maaanↄ láada vĩ fá! Ludaa kuu, è yãkpaɛ kɛ anduna guu.

MATIU 5:12

À pↄnnaa kɛ à yáa dↄ, zaakɛ a láada bíta ludambɛ. Lɛn wà ĩa dà annabi kɛ̀ aↄ̃ↄ kú a ãanↄa lɛ.

LUKU 1:41

Kɛ̀ Ɛlizabɛti Mariama ì pì mà, à nɛ́ vĩ̀ à gbɛɛɛ guu, ben Luda Nini sù Ɛlizabɛtia,

LUKU 1:44

Gurↄↄ kɛ̀ ma n ì mà dé, nɛ́ kɛ̀ kú ma gbɛɛɛn vĩ̀ kↄ̃n pↄnnaao.

LUKU 6:35

Àgↄ̃ ye a ibɛɛnↄzi à à maaa kɛńnɛ. À pↄ́ sɛ̃kãńnɛ wɛ́ɛdↄzisai, é láada bíta e, égↄ̃ dɛ Luda Musude nɛ́nↄ ũ, zaakɛ è à maaa kɛ guturunↄnɛ kↄ̃n gbɛ̃ zaaanↄ.

ZĨRINƆ 14:10

ben à bènɛ kↄ̃n kòto gbãaao: Ǹ fɛɛ ǹ zɛ n gbáa. Ben à vĩ̀ à zɛ̀ à nà táa'onaa.

ZĨRINƆ 3:8

À vĩ̀ à zɛ̀, ben à nà táa'onaa. À gɛ̃̀ńyo Luda ua, èe táa oo èe vĩvĩi èe Luda sáabu kpaa.

ZĨRINƆ 5:41

Zĩ̀rinↄ bↄ̀ gbãadeenↄ kiia kↄ̃n pↄnnaao, zaakɛ aↄ̃ↄ è wà kà kɛ̀ wà wí daḿma Yesu tↄ́ yãnzi.

ROMUDEENƆ 5:3

Èe kɛ beee adoro, wée pↄnnaa kɛɛ kↄ̃n wa nawɛ̃akɛnao dↄ, zaakɛ wá dↄ̃ kɛ̀ nawɛ̃a è mↄ́ kↄ̃n mɛnao,

2 KƆRINTIDEENƆ 12:10

Àmbe à tò mɛɛ̀ pↄnnaa kɛ kↄ̃n gbãasaikɛɛo kↄ̃n wídammao kↄ̃n nawɛ̃ao kↄ̃n ĩadammao kↄ̃n wɛ́ɛtãmmao Kirisi yãnzi, zaakɛ gurↄↄ kɛ̀ ma gbãaa kɛ̃̀sãman mɛɛ̀gↄ̃ gbãa.

KƆLƆSEDEENƆ 1:24

Tia sa mɛ́ɛ pↄnnaa kɛɛ kↄ̃n nawɛ̃a kɛ̀ mɛ́ɛ kɛɛ a yãnzio. Nawɛ̃a kɛ̀ Kirisi kɛ̀ sↄsi kɛ̀ dɛ à mɛ̀ ũ yãnzi, mɛ́ɛ pↄ́ kɛ̀ gↄ̃̀ papaa ma mɛ̀ guu.

2 TIMƆTI 2:12

Tó wa mɛna fↄ̃̀, wé kí bleo. Tó wa lɛ́ sɛ̀zi, eé sɛ́wazi se.

EBERUNƆ 11:26

À dìɛ kɛ̀ wí kɛ̀ wè daḿma Kirisi yãnzi dɛ Igipiti auzikila, zaakɛ ziaa zĩ láadan à wɛ́ɛ kúa.

EBERUNƆ 11:6

Gbɛ̃ke yã è ká Ludanɛ à náanɛkɛna sairo. Séde gbɛ̃ kɛ̀ èe sↄ̃ↄzi sí kɛ̀ à kuu bensↄ̃ è fĩa bo a kii wɛtɛrinↄnɛ.

YEMISI 1:2

Ma gbɛ̃nↄ, nawɛ̃a borii pari. À pↄ́ kɛ̀ eé a lee diɛ pↄnna yã ũ,

1 PITA 4:13

Lán a bà kú Kirisi nawɛ̃akɛna guu nà, à pↄnnaa kɛo, lɛ à e àgↄ̃ pↄnna bíta vĩ gurↄↄ kɛ̀ Kirisi pì é bↄ gupuraaa kↄ̃n gakuio.

ZIA YÃ 2:17

Gbɛ̃ kɛ̀ swã vĩ à yã kɛ̀ Luda Ninii e oo sↄsinↄnɛ ma. Mɛ́ gbɛ̃ kɛ̀ zĩ̀ blè gba mana kɛ̀ utɛna, mɛ́ à gba gbɛ̀ puraa kɛ̀ wà tↄ́ dufu kɛ̃̀a dↄ. Gbɛ̃ke tↄ́ pì dↄ̃ro, séde gbɛ̃ kɛ̀ má kpàa pì.

ZIA YÃ 2:26

Gbɛ̃ kɛ̀ zĩ̀ blè bensↄ̃ à yã kɛ̀ má yezinↄ kũna ai a lɛ́a, mɛ́ à gba zɛ́ à iko vĩ boriinↄa.

ZIA YÃ 2:7

Gbɛ̃ kɛ̀ swã vĩ à yã kɛ̀ Luda Ninii e oo sↄsinↄnɛ ma: Mɛ́ gbɛ̃ kɛ̀ zĩ̀ blè gba zɛ́ à lí wɛ̃̀ndidee kɛ̀ kú Luda swadako guu bɛɛ ble.

ZIA YÃ 21:7

Gbɛ̃ kɛ̀ zĩ̀ blè bé eégↄ̃ pↄ́ kɛ̀nↄ vĩ píngi. Mɛ́gↄ̃ dɛ à Luda ũ, eégↄ̃ dɛ ma nɛ́ ũ.

ZIA YÃ 3:12

Mɛ́ gbɛ̃ kɛ̀ zĩ̀ blè kɛ ma Luda kpɛ́ wesagba ũ. Eé bↄ zikiro. Mɛ́ ma Luda tↄ́ kɛ̃a kↄ̃n ma Luda wɛ́tɛ Yerusalɛmu dufu kɛ̀ eé pita bↄna à kiia zaa musu tↄ́o kↄ̃n ma tↄ́ dufuo.

ZIA YÃ 3:5

Lɛn gbɛ̃ kɛ̀ zĩ̀ blè égↄ̃ pↄ́kãsã puraa dana lɛ. Mɛ́ à tↄ́ dɛdɛ wɛ̃̀ndi takadan zikiro. Mɛ́ zɛo ma De kↄ̃n a malaikanↄ aɛ.