LUKU 4:2 - Bokobaru Bible

² Ibilisi à yↄ̃̀ à gwà gwe ai gurↄ baplaa. Gurↄↄ mↄ̀a èe pↄ́ke blero. Kɛ̀ gurↄ baplaaa pì pàpa, nↄaa e à dɛɛ.

LUKU 4:2 Iomraidhean Croise

NAANA 3:15

Mɛ́ íbɛtɛ da mpi kↄ̃n nↄgbɛ̃o dagura, n bori kↄ̃n à boriio dagura. À borii é n mì wí, nɛ́ à gbátoge kɛ̃nna.

1 KINANƆ 19:8

Ben à fɛ̀ɛ à pↄ́ blè à í mì. Pↄ́blee pì tò à gbãaa è, ben à táa ò gurↄ baplaa fãantɛ̃ kↄ̃n gwãavĩo ai à gàa à kà Luda kpiii kɛ̀ wè be Orɛbua.

ƐSITA 4:16

Ǹ gá ǹ Yuda kɛ̀ aↄ̃ↄ kú Susanↄ kakↄ̃a ń píngi, à lɛ́ yi ma yã musu. Àton pↄ́ blero àton í miro gurↄ aagↄ̃ fãantɛ̃ kↄ̃n gwãavĩo. Mapi kↄ̃n ma ìbanↄ wé lɛ́ yi lɛ se. Beee gbɛra mɛ́ gá kína kiia, baa tó má gana zɛ́ vĩro. Tó mɛ́ gamɛ, mà ga.

BƆNA 24:18

Ben Musa gɛ̃̀ tɛ́luguu pì guu à ɛ̀ara à dìdi kpiii pìa. À kú gwe ai gurↄ baplaa fãantɛ̃ kↄ̃n gwãavĩo.

BƆNA 34:28

Musa kú kↄ̃n Diio gwe ai gurↄ baplaa fãantɛ̃ kↄ̃n gwãavĩo pↄ́blena sai ímina sai. Ben Dii a bà kuunańyo yã mɛ̀n kurinↄ kɛ̃̀ gbɛ̀ walaa pìnↄa.

YUNUSA 3:7

À bè wà kpàakpa kɛ a wɛ́tɛn lán kɛ̀ bà: Lán kína kↄ̃n a ìbanↄ dìɛ nàn yɛ̀. Gbɛ̃nteenↄ kↄ̃n pↄ́kãdeenↄ píngi, pↄ́blee tón gɛ̃ ń lɛ́nlo, aↄ̃ton í miro.

MATIU 21:18

Kɛ̀ guu dↄ̀ kↄngↄ idɛ'idɛ, à lìara e suu wɛ́tɛn, ben nↄaa e à dɛɛ.

MATIU 4:2

Yesu lɛ́ yì fãantɛ̃ kↄ̃n gwãavĩo ai gurↄ baplaa. Kɛ̀ nↄaa e à dɛɛ,

LUKU 4:3

Ben Ibilisi bènɛ: Tó Luda Nɛ́n n ũ, ǹ be gbɛ̀ kɛ̀ li burɛdi ũ.

YOHANA 4:6

Yakubu lↄ̀gↄ kú gwe. Yesu táa ò à kpàsa, ben a vɛ̃̀ɛ lↄ̀gↄ pì saɛ. Ɔfãntɛ̃ kà mìdangura.

EBERUNƆ 2:18

Zaakɛ à nawɛ̃a kɛ̀ à yↄ̃agwana fↄ̃̀, eé fↄ̃ à gbɛ̃ kɛ̀ wèe ń lɛɛ wà ń gwaanↄ faaba kɛ.

EBERUNƆ 4:15

Zaakɛ wá sa'oriki vĩ kɛ̀ eé fↄ̃ à wa wɛ̃nda dↄ̃ wa gbãasaikɛɛ guu. Wà à yↄ̃̀ wà gwà lán wa bà yã píngi guu, èe durun kɛro.

1 SAMUƐLI 17:16

Filisitini pì è bↄ à a zĩnda ↄdↄańnɛ kↄngↄ kↄ̃n uusiɛo ai gurↄ baplaa.