ƐFESUDEENƆ 5:2 - Bokobaru Bible

² Lán Kirisi yewazi nà à gì a wɛ̃̀ndizi wa yãnzi sa'obↄ kɛ̀ à gũ nna Ludanɛ ũ, à tó yekↄ̃zina dↄare aɛ lɛ se.

ƐFESUDEENƆ 5:2 Iomraidhean Croise

NAANA 8:21

Kɛ̀ Dii à gũu mà, à kɛ̀nɛ nna, ben à laasuu lɛ̀ à bè: Mɛ́ ɛara mà láari zĩ tↄↄtɛa gbɛ̃ntee yãnzi dↄro, zaakɛ gbɛ̃ntee laasuu ègↄ̃ zaa zaa à ↄ̀wazikɛgurↄmɛ. Mɛ́ ɛara mà pↄ́ wɛ̃̀ndideenↄ kaatɛ lán má kɛ̀ nà dↄro.

MATIU 20:28

Zaakɛ Gbɛ̃ntee Nɛ́ e mↄ́ lɛ wà zĩi kɛnɛro, à mↄ̀ lɛ à zĩi kɛńnɛmɛ, à a zĩnda wɛ̃̀ndi kpá lɛ à gbɛ̃nↄ bo pari yãnzi.

YOHANA 13:34

Mɛ́ɛ yã dufu diɛɛare, àgae yekↄ̃zi. Lán má yeazi nà, apinↄ sↄ̃ àgae yekↄ̃zi lɛ dↄ.

YOHANA 6:51

Mámbe pↄ́ble wɛ̃̀ndidee kɛ̀ bↄ̀ musu pì ũ. Tó gbɛ̃ à kɛ̀ blè, eégↄ̃ kuu gurↄ píngi. Pↄ́blee kɛ̀ mɛ́ kpáḿman ma mɛ̀baasi ũ, lɛ anduna gↄ̃ wɛ̃̀ndi vĩ yãnzi.

ROMUDEENƆ 15:16

ma gↄ̃ Kirisi Yesu zĩkɛri ũ bori pãndenↄnɛ. Mɛ́ɛ baaru nnaa kɛ̀ bↄ̀ Luda kiia kpaańnɛ, lɛ aↄ̃ kuuna gↄ̃ adona Luda Nini gãzĩ, aↄ̃ gↄ̃ Ludanɛ sa'obↄ kɛ̀ è kɛnɛ ũ.

ROMUDEENƆ 4:25

Luda à kpàḿma lɛ à e à wa taarinↄ kɛ̃we yãnzimɛ, ben à à fɛ̀ɛ wɛ̃̀ndio lɛ yã e à bↄwao nna yãnzi.

ROMUDEENƆ 8:3

Yã kɛ̀ Musa doka e fↄ̃ à kɛ̀ro gbɛ̃ntee gbãasaikɛ yãnzi, Ludaa kɛ̀. À a zĩnda Nɛ́ zĩ̀ gbɛ̃ntee ũ lán wamↄwa durundeenↄ bà durun kɛ̃nnɛna yãnzi, ben à wí dà durun-a a Nɛ́ mɛ̀ pì gãzĩ,

ROMUDEENƆ 8:37

Yã beeenↄ guu píngi wá dɛ zĩ̀blerila gbɛ̃ kɛ̀ yewazi gãzĩ.

1 KƆRINTIDEENƆ 16:14

À yã píngi kɛ kↄ̃n yenzio.

1 KƆRINTIDEENƆ 5:7

À burɛdi ɛ̃zɛ̃ zi kwɛ́ɛ, é gↄ̃ flawa dufu ũ a sɛ́sɛ'ɛ̃zɛ̃ sai, lán à kↄ̃sìo àgↄ̃ dɛ nà, zaakɛ Kirisi gà wa Banla sãnɛ bↄ̀rↄ ũmɛ.

2 KƆRINTIDEENƆ 2:14

Ma sáabu kɛ̀ Ludanɛ, zaakɛ ègↄ̃ dↄↄwe aɛ gurↄ píngi, weègↄ̃ zĩ̀blerinↄ ũ Kirisi guu, weè à dↄ̃na gũu dagula gu sãnda píngia.

2 KƆRINTIDEENƆ 2:15

Zaakɛ wá dɛ tuaetiti gũnnadee kɛ̀ Kirisi kpàta Ludanɛ ũ gbɛ̃ kɛ̀ èe ń mì siinↄ tɛ́ kↄ̃n gbɛ̃ kɛ̀ aↄ̃ↄe kaatɛɛnↄ.

2 KƆRINTIDEENƆ 8:9

Á wa Dii Yesu Kirisi gbɛ̃kɛɛ dↄ̃. Pↄ́dee ina gↄ̃̀ pↄ́saidee ũ a yãnzi, ben à pↄ́saidekɛɛ guu à a kɛ pↄ́deenↄ ũ.

GALATIANƆ 1:4

Kirisi gì a wɛ̃̀ndizi wa De Luda pↄyezia, à wa durun kɛ̃̀we, lɛ à wa bↄ anduna tia zaaa kɛ̀kiin.

GALATIANƆ 2:20

Mámbe má kuu dↄro, Kirisi bé à kú ma guu. Tia sa ma gbɛ̃nteekɛɛ guu má kú Luda Nɛ́ kɛ̀ yemazi à gì a wɛ̃̀ndizi ma yãnzi náanɛkɛna guumɛ.

ƐFESUDEENƆ 1:4

À wa sɛ a guu anduna kaɛna ã, lɛ wa kuuna gↄ̃ dɛnɛ adona see sai. Yenzi guu

ƐFESUDEENƆ 3:17

lɛ Kirisi vɛ̃ɛ a swɛ̃̀n a náanɛ kɛ̀ ée kɛɛ yãnzi, a kãsãpɛɛna gↄ̃ gbãa yenzi guu,

ƐFESUDEENƆ 3:19

lɛ à e à à yenzi kɛ̀ weé fↄ̃ wà à lɛ́ dↄ̃ píngiroo dↄ̃, Luda papana píngi pɛkↄ̃rɛawa.

ƐFESUDEENƆ 4:15

Auo, wé yãpuraa o kↄ̃n yenzio wà gbã yã píngi musu Kirisi kɛ̀ dɛ à mì ũu guu.

ƐFESUDEENƆ 4:2

À kↄ̃ fↄ̃ àgↄ̃ yekↄ̃zi zĩndabusana guu kↄ̃n nↄ̀sɛyĩio kↄ̃n mɛnao.

ƐFESUDEENƆ 5:15

Àgↄ̃ a táa'ona dↄ̃ maamaa. Àtongↄ̃ dɛ yↄ̃nkↄↄnↄ ũro, sé ↄ̃ndↄ̃rinↄ.

ƐFESUDEENƆ 5:25

A gↄ̃gbɛ̃nↄ sↄ̃, a baade gↄ̃ ye a naↄ̃zi lán Kirisi ye sↄsizi nà, à gì a wɛ̃̀ndizi à yãnzi.

FILIPIDEENƆ 4:18

Ma pↄ́ kɛ̀ á kpã̀sãmɛɛ è, à pàpa ai à dìzi. Ɛpafarↄditu a gbaanↄ kpàma, pↄ́ mↄ̀ma sa. À dɛ sa'obↄ kɛ̀ à gũ nna Ludanɛ bensↄ̃ è kánɛ à sí ũ.

KƆLƆSEDEENƆ 3:14

À píngi musu à yenzi kɛ̀ è yã pìnↄ kakↄ̃a wásawasa daala.

1 TƐSALONIKADEENƆ 4:9

Wé e wà yekↄ̃zina yã oarero, zaakɛ a zĩndanɛ Luda yekↄ̃zina dàare.

1 TIMƆTI 2:6

À a zĩnda kpà à baade píngi bò, ben wà à sèeda kɛ̀ a gurↄↄa.

1 TIMƆTI 4:12

Ǹton tó wà dↄkɛnyo kɛ̀ ń dɛ gↄ̃kparɛ ũ yãnziro. Ǹ tó n kuuna zɛ́ ↄdↄa Yesudeenↄnɛ yã'ona guu kↄ̃n yãkɛnao kↄ̃n yenzio kↄ̃n ludanaanɛkɛnao kↄ̃n kuuna gbãsĩ saio.

TITU 2:14

À a zĩnda kpà wa yãnzi, à wa bↄ zaa píngi guu, à wa gbãsĩ gògo, lɛ wà gↄ̃ a zĩnda gbɛ̃ kɛ̀ aↄ̃ↄ maakɛna aĩa vĩinↄ ũ.

EBERUNƆ 8:3

Zaakɛ gbadana kↄ̃n sa'onao yãnzin wè sa'oriki píngi kázi, à maa àpi gↄ̃ pↄ́ vĩ à kpá se.

EBERUNƆ 9:14

weé Kirisi pↄ́ o dↄↄ́? À a zĩnda kpà Ludaa see sai kↄ̃n Ninii kɛ̀ ègↄ̃ kuu ai gurↄ píngi gbãaao. À aru è wa swɛ̃̀ pípiwe bↄna kɛkɛkɛna gɛ̀ pìnↄ guu, lɛ wà zĩi kɛ Luda Wɛ̃̀ndidenɛ.

EBERUNƆ 9:23

Zaakɛ à kↄ̃ sìo wà gbãsĩ bↄ pↄ́ kɛ̀ kú ludambɛɛ taka pìnↄn lán beee bà, sa'opↄ kɛ̀ dɛ beeelaa kↄ̃ sì kↄ̃n ludambɛ pↄ́ pìnↄ.

EBERUNƆ 9:26

Tó èe kɛ lɛro, lɛ èe nawɛ̃a kɛɛ gɛ̃̀n baaagↄ̃ zaa andunakaɛgurↄ. Yãpuraa guu à mↄ̀ gɛ̃̀n domɛ gurↄↄ kɛ̀ anduna kà a kákiia sa, à a zĩnda kpà sa'opↄ ũ, lɛ à durun mì dɛ.

1 PITA 4:8

Yã kɛ̀ dɛ à píngilaan yɛ̀: Àgↄ̃ yekↄ̃zi kↄ̃n nↄ̀sɛo do, zaakɛ yenzi è pↄ́ kúɛ durunnↄa pari.

1 YOHANA 3:16

Yã kɛ̀ wá yenzi pì dↄ̃̀an yɛ̀: Kirisi a zĩnda kpà wa yãnzi. Wapinↄ sↄ̃, séde wà wa zĩnda kpá wa Yesude daanↄa.

1 YOHANA 3:23

Yã kɛ̀ à dìɛween yɛ̀: Wà à Nɛ́ Yesu Kirisi náanɛ kɛ, wégↄ̃ yekↄ̃zi lán à dìɛwe nà.

ZIA YÃ 1:5

kↄ̃n Yesu Kirisi kɛ̀ dɛ sèeda yãpuradee ũuo gbɛ̃kɛɛ kɛare, aↄ̃ a gba aafia. Yesu pìn gàafɛɛ káaku ũ, àmbe anduna kínanↄ gbãadee ũ. À yewazi à wa bↄ wa durunnↄn kↄ̃n à aru gbãaao

ZIA YÃ 5:9

Aↄ̃ lɛ̀ dufu sì wèe bee: N ka ǹ takada pì sí ǹ kãɛ'ↄ pìnↄ gogo, zaakɛ wà n dɛ, n gbɛ̃nↄ bò Ludanɛ kↄ̃n n aruo bori píngi guu, boriyã píngi guu, gbɛ̃ píngi guu, bùsu píngi guu.