ƐFESUDEENƆ 4:12 - Bokobaru Bible

¹² lɛ Luda gbɛ̃nↄ gↄ̃ kú à zĩ soru guu, lɛ Kirisi mɛ̀ gbãa kũ,

ƐFESUDEENƆ 4:12 Iomraidhean Croise

LUKU 22:32

Ben ma adua kɛ̀nnɛ lɛ ma náanɛ kɛ̀ ń vĩi tón kɛ̃sãmmaro. Tó n liara n suma, ǹ n gbɛ̃nↄ gba gbãaa.

ZĨRINƆ 1:17

Wa gbɛ̃ndoomɛ yã à baka kú wa zĩi kɛ̀kii guu.

ZĨRINƆ 1:25

lɛ à bà gↄ̃ kú wamↄwa zĩ̀rinↄ zĩi kɛ̀kii guu yãnzi, zĩi kɛ̀ Yudasi bↄ̀n à gàa guu kɛ̀ kↄ̃ sìo guu.

ZĨRINƆ 11:23

Kɛ̀ à kà gwe, à è lán Luda aubarika kɛ̀ńnɛ nà, ben à pↄↄ kɛ̀ nna. À lɛ́ dàḿma ń píngi aↄ̃ zɛ kↄ̃n Diio kↄ̃n nↄ̀sɛo do.

ZĨRINƆ 20:24

Mↄde ma wɛ̃̀ndi bɛ̀ɛ vĩmɛ dↄro, séde mà yã kɛ̀ mɛ́ɛ pɛɛa le mà zĩi kɛ̀ Dii Yesu dàmɛɛ kɛ mà à mì dɛ. Àmbe Luda gbɛ̃kɛ baarunnakpana gbɛ̃nↄnɛ ũ.

ZĨRINƆ 20:28

À làakari dↄ a zĩndaa kↄ̃n sãa kɛ̀ Luda Nini a diɛ ń gbɛ̃nsi ũunↄ ń píngi. À Luda sↄsi gbɛ̃ kɛ̀ à ń lú kↄ̃n a zĩnda aruo pìnↄ gwa.

ZĨRINƆ 9:31

Beee gbɛra sↄsi kɛ̀ kú Yudea kↄ̃n Galilio kↄ̃n Samaria bùsuo kuu aafia píngi. Aↄ̃ↄe gbãa kũu wèe gaa aɛ vĩakɛna Diinɛ guu, aↄ̃ↄe kaara kɛ̀ Luda Nini ń làakari kpàɛńnɛ yãnzi.

ROMUDEENƆ 12:5

Lɛmɛ, baa kↄ̃n wa parikɛɛo, wa mɛ̀ dↄ̃nkↄ̃ Kirisi guumɛ, mɛ̀gu daanↄn wa ũ.

ROMUDEENƆ 12:7

Tó zĩ̀rikɛɛmɛ, ǹ kɛ. Tó yãdannɛnamɛ, ǹ dańnɛ.

ROMUDEENƆ 14:19

Beee yãnzi wàgae kↄ̃ aafia wɛtɛ wàgↄ̃ kↄ̃ sɛɛ lezĩ.

ROMUDEENƆ 15:14

Ma gbɛ̃nↄ, má dↄ̃ sãnsãn kɛ̀ maakɛɛ pɛ̀kↄ̃rɛawa, á yã píngi dↄ̃ wásawasa, é fↄ̃ à lɛ́ dakↄ̃a.

ROMUDEENƆ 15:2

Wa baade gae yã kɛ̀ eé kɛ a gbɛ̃daaanɛ nnaa kɛ à bↄna maaa yãnzi kↄ̃n à kãsãpɛɛnao.

ROMUDEENƆ 15:29

Má dↄ̃ kɛ̀ tó mɛ́ mↄ́ a kiia, mɛ́ mↄ́are Kirisi aubarikao papanamɛ.

1 KƆRINTIDEENƆ 12:27

Ámbe Kirisi mɛ̀ ũ, bensↄ̃ a baade dɛ mɛ̀ pì guu ũ.

1 KƆRINTIDEENƆ 12:7

Luda Nini è didi baadea gbɛ̃ píngi kaarana yãnzimɛ.

1 KƆRINTIDEENƆ 14:12

Lɛmɛ apinↄ sↄ̃, lán á aĩa vĩ kↄ̃n Luda Nini gbaanↄ nà, à aĩa kɛ àgↄ̃ gáo aɛ lɛ sↄsi gbɛ̃nↄ e wà kãsãa pɛ́ɛ.

1 KƆRINTIDEENƆ 14:14

Tó ma adua kɛ̀ kↄ̃n yãkebori'onao, ma ninii bé à kɛ̀, ma laasuu e dↄmɛ aɛro.

1 KƆRINTIDEENƆ 14:26

Wé be diamɛ ma gbɛ̃nↄ? Tó a kↄ̃ kàkↄ̃a, a baade gaegↄ̃ lɛ̀ vĩ ke yãdannɛna ke yãwɛɛwɛ̃na ke yãkebori'ona ke yãke borii pì bↄkↄ̃tɛna. À à píngi kɛ, lɛ gbɛ̃nↄ e wà kãsãa pɛ́ɛ.

2 KƆRINTIDEENƆ 12:19

Ée daa yã wée bↄkii wɛtɛɛn yↄ́? Lɛnlo! Wée yã oo kↄ̃n Luda dↄ̃nao kuuna Kirisi guumɛ. Ma gbɛ̃ yenzideenↄ, ma beee òare píngi a kãsãpɛɛna yãnzimɛ.

2 KƆRINTIDEENƆ 13:11

Tↄ̀, ma gbɛ̃nↄ, à pↄnnaa kɛ. À yã kɛkɛ à bↄ maa. À ma lɛ́damma ma. À lɛ́dolɛ kɛ àgↄ̃ nna kↄ̃o, Luda yenzide aafiadee gↄ̃ kúao.

2 KƆRINTIDEENƆ 13:9

Tó wá gbãa vĩro bensↄ̃ á gbãa, wa pↄↄ ègↄ̃ nnamɛ. Weè adua kɛare, lɛ à kɛkɛ à bↄ maa.

2 KƆRINTIDEENƆ 3:8

weé Ninii pì zɛ́ gakui yã o dↄↄ́?

2 KƆRINTIDEENƆ 4:1

Beee yãnzi lán Luda zĩ beee dàwe a sùu guu nà, weè kpasaoro.

2 KƆRINTIDEENƆ 5:18

Beee bↄ̀ Luda kiiamɛ píngi. À wa kɛao nna Kirisi gãzĩ, ben à gbɛ̃nↄ kɛnaao nna zĩi dàwe.

2 KƆRINTIDEENƆ 6:3

Weè yã kɛ̀ eé tó gbɛ̃ fuu kɛro, lɛ wàton wa zĩi taari ero yãnzi.

2 KƆRINTIDEENƆ 7:1

Ma gbɛ̃ yenzideenↄ, lán Luda lɛ́ gbɛ̃̀we lɛ nà, wà mì kɛ̃ yã kɛ̀ è mɛ̀ kↄ̃n niniio gbãsĩ lɛ́a mámmam, wà wa kuuna adona lɛ́ papa vĩakɛna Ludanɛ guu.

ƐFESUDEENƆ 1:23

Sↄsi pìn Kirisi mɛ̀ ũ, à dɛ Kirisi kɛ̀ è pↄ́ píngi papa gu píngia papana ũ.

ƐFESUDEENƆ 4:16

À guun mɛ̀gu píngi è kↄ̃ kũn aↄ̃ nakↄ̃a kↄ̃n tĩinↄ gbãaao, ben mɛ̀guunↄ è zĩi kɛ a zɛ́a, mɛ̀ ègↄ̃ gbãa àgↄ̃ kaara kↄ̃n yenzio.

ƐFESUDEENƆ 4:29

Àton tó yã zaa ke bↄ a lɛ́nlo, séde à zɛ́dee kɛ̀ eé gbɛ̃ kaara, à kɛ àre ũ gbɛ̃ kɛ̀ aↄ̃ↄe maanↄnɛ.

ƐFESUDEENƆ 4:4

Mɛ̀ mɛ̀n domɛ, bensↄ̃ Ninii pì mɛ̀n domɛ. Lɛn tãmaa kɛ̀ Luda a sisia mɛ̀n do lɛ se.

KƆLƆSEDEENƆ 1:24

Tia sa mɛ́ɛ pↄnnaa kɛɛ kↄ̃n nawɛ̃a kɛ̀ mɛ́ɛ kɛɛ a yãnzio. Nawɛ̃a kɛ̀ Kirisi kɛ̀ sↄsi kɛ̀ dɛ à mɛ̀ ũ yãnzi, mɛ́ɛ pↄ́ kɛ̀ gↄ̃̀ papaa ma mɛ̀ guu.

KƆLƆSEDEENƆ 1:28

À waazin weè kɛ gbɛ̃ pínginɛ, weè lɛ́ daoḿma, weè yã dao baade pínginɛ kↄ̃n ↄ̃ndↄ̃ píngio, lɛ wà gá kↄ̃n baadeo papana Luda aɛzĩ Kirisi guu.

KƆLƆSEDEENƆ 4:17

À o Akipunɛ, à làakari dↄ Dii zĩi kɛ̀ wà dànɛa, à à mì dɛ.

1 TIMƆTI 1:12

Ma Kirisi Yesu wa Dii kɛ̀ ma gba gbãaa sáabu kɛ̀, zaakɛ à ma náanɛ kɛ̀, à ma sɛ mà zĩi kɛare.

2 TIMƆTI 4:11

Luku bé à gↄ̃̀mao ado. Ǹ Maaku sɛ́ à mↄ́ lɛdo, zaakɛ è dↄmalɛ zĩi guu maamaa.

2 TIMƆTI 4:5

Mpi sↄ̃, ǹgↄ̃ làakari vĩ yã píngi musu. Ǹ nawɛ̃a fↄ̃, ǹ baarunnakpari kɛna kɛ, ǹ n zĩ lɛ́ papa.

EBERUNƆ 13:17

À a dↄn'aɛdeenↄ yã ma à mì siɛńnɛ, lɛ aↄ̃ e wà zĩi kɛ kↄ̃n pↄnnaao, zaakɛ aↄ̃ↄ dɛ gbɛ̃ kɛ̀ aↄ̃é ń zĩ yã tↄ̃kɛ̃ Ludanɛnↄ ũ. Tó aↄ̃ↄe zĩi kɛɛ kↄ̃n lɛ́suuo, eé àre kɛarero.

EBERUNƆ 6:1

Beee yãnzi wà Kirisi yãdannɛna káakupↄnↄ kpá kpɛɛ, wà gá aɛ ai wà gↄ̃ gbɛ̃ papananↄ ũ. Èe kɛ wé ɛara wàgↄ̃ yãtãkpaɛna kɛ̀nↄ gbɛ̀ sísi dↄnlo: Kpɛɛlina yã gɛ̀nↄnɛ, ludanaanɛkɛna,