ƐFESUDEENƆ 1:5 - Bokobaru Bible

⁵ à gĩakɛ à wa diɛ a nɛ́nↄ ũ Yesu Kirisi gãzĩ lán èe wɛtɛɛ a pↄyezi guu nà,

ƐFESUDEENƆ 1:5 Iomraidhean Croise

DANIƐLI 4:35

Gbɛ̃ kɛ̀ aↄ̃ↄ kú anduna guunↄ ń píngi dɛnɛ pↄ́ke ũro. È kɛ lán à yezi nà kↄ̃n gbãadee kɛ̀ aↄ̃ↄ kú musunↄ kↄ̃n gbɛ̃ntee kɛ̀ aↄ̃ↄ kú tↄↄtɛnↄ. Gbɛ̃ke è fↄ̃ à kpànɛro, gbɛ̃ke è fↄ̃ à benɛ bↄ́n èe kɛɛro.

MATIU 1:25

Mↄde èe à dↄ̃ nↄgbɛ̃ ũro ai à gàa à nɛ́gↄ̃gbɛ̃ pì ì. Ben à tↄ́ kpànɛ Yesu.

MATIU 11:26

Lɛmɛ, Baa, zaakɛ n pↄyezinamɛ.

LUKU 10:21

Zĩ beeea Luda Nini Yesu pↄↄ kɛ̀ nna maamaa à bè: Baa, musu kↄ̃n tↄↄtɛo Dii, ma n sáabu kɛ̀, kɛ̀ n yã beeenↄ ùtɛ yãdↄ̃rinↄnɛ kↄ̃n ↄ̃ndↄ̃rinↄ n bↄo kyódↄ̃risainↄnɛ. Lɛmɛ, Baa, zaakɛ n pↄyezinamɛ.

LUKU 11:32

Yãkpaɛkɛgurↄↄ zĩ Ninɛvadeenↄ é fɛɛ wà yã da tↄ̃ↄrigbɛ̃nↄla, zaakɛ kɛ̀ Ninɛvadeenↄ Yunusa waazi mà, aↄ̃ ń nↄ̀sɛ lìɛ, ben gbɛ̃ kɛ̀ bíta dɛ Yunusalaa kú kɛ̀ sa.

LUKU 12:32

Ma kpàsa nɛ́ngo gbɛ̃nↄ, àton vĩa kɛro, zaakɛ a De pↄyezimɛ à a kpá kpata pìn.

YOHANA 1:12

Gbɛ̃ kɛ̀ aↄ̃ zɛ̀o wà à náanɛ kɛ̀nↄ sↄ̃, à ń gbá zɛ́ aↄ̃ gↄ̃̀ Luda nɛ́nↄ ũ.

YOHANA 11:52

Èe kɛ Yudanↄ ńtɛ̃ɛnlo, ai kↄ̃n Luda nɛ́ kɛ̀ aↄ̃ↄ fãakↄ̃ananↄ dↄ, lɛ à ń kɛ mɛ̀ dↄ̃nkↄ̃ ũ.

YOHANA 20:17

Yesu bènɛ: Ǹton ↄ kɛmaro, mɛ́ɛ tá ma De kiia kↄ̀ro. Ǹ gá ǹ o ma gbɛ̃nↄnɛ mɛ́ɛ taa ma De kↄ̃n ń Deo kiia, ma Luda kↄ̃n ń Ludao kiia.

ZĨRINƆ 13:48

Kɛ̀ bori pãndenↄ yã pì mà, aↄ̃ pↄↄ kɛ̀ nna aↄ̃ bɛ̀ɛ lì Dii yãnɛ, ben gbɛ̃ kɛ̀ Luda ń díɛ wɛ̃̀ndi kɛ̀ è yãaro pↄ́ ũunↄ Yesu náanɛ kɛ̀.

ROMUDEENƆ 8:23

Èe kɛ beeemɛ adoro, wamↄwa kɛ̀ wá Luda Nini vĩ kpɛ́gaau ũunↄ, wée mboo kpãi se ai Luda gↄ̃ gá wa mɛ̀ liɛ à wa sí a nɛ́nↄ ũ.

1 KƆRINTIDEENƆ 1:1

Mamↄma Pↄlu kɛ̀ Luda ma sisi à ma sɛ lán à yezi nà, ma gↄ̃ Kirisi Yesu zĩ̀ri ũ. Mapi kↄ̃n wa gbɛ̃ndo Sↄsↄtɛnɛo,

1 KƆRINTIDEENƆ 1:21

Luda ↄ̃ndↄ̃ↄ guu, èe tó anduna gbɛ̃nↄ a dↄ̃ kↄ̃n ń zĩnda ↄ̃ndↄ̃ↄoro. À kɛ̀nɛ à gbɛ̃ kɛ̀ aↄ̃ↄe a náanɛ kɛɛnↄ mì sí waazi kɛ̀ wà dìɛ mìsaiyã ũu pì gãzĩ.

2 KƆRINTIDEENƆ 6:18

mɛ́gↄ̃ dɛnɛ De ũ, égↄ̃ dɛ ma nɛ́gↄ̃gbɛ̃nↄ ũ kↄ̃n ma nɛ́nↄgbɛ̃nↄ. Dii Gbãapingide bé à ò.

GALATIANƆ 3:26

Kuuna Kirisi Yesu guu á dɛ Luda nɛ́nↄ ũ a píngi à náanɛ kɛ̀ ée kɛɛ yãnzi,

ƐFESUDEENƆ 1:11

Luda kɛ̀ è yã píngi kɛ lán à zɛ̀o a pↄyezi guu nà gĩakɛ à wa diɛ lán èe wɛtɛɛ nà, à wa sɛ a pↄ́ ũ Kirisi guu,

ƐFESUDEENƆ 1:9

à tò wa a pↄyezi asii dↄ̃̀ lán à zɛ̀o à kɛ Kirisi gãzĩ nà.

FILIPIDEENƆ 2:13

Zaakɛ Luda bé èe zĩi kɛɛ a guu, lɛ àgↄ̃ ye à pↄyezizi gbasa à kɛ.

KƆLƆSEDEENƆ 1:19

Zaakɛ à kà Ludanɛ a kíkɛ píngi pɛ́kↄ̃rɛa.

2 TƐSALONIKADEENƆ 1:11

Beee yãnzin weègↄ̃ adua kɛɛare kↄ̃sↄ̃kↄ̃sↄ̃zi, lɛ wa Luda tó a kuuna ká gwena kɛ̀ à a sisia, à yã maaa kɛ̀ a zɛ kↄ̃n à kɛnaonↄ kↄ̃n zĩi kɛ̀ ée kɛɛ à náanɛkɛna guunↄ píngi papaare kↄ̃n a gbãaao.

EBERUNƆ 2:4

Luda ɛ̀ara à yãpuraa kpà yã pìa kↄ̃n sèedanↄ kↄ̃n yãbↄnsaɛnↄ kↄ̃n dabuyã pari kɛnanↄ kↄ̃n a Ninii gbaa kɛ̀ à kpàatɛtɛńnɛnↄ a pↄyezia.

1 YOHANA 3:1

À gwa lán De Ludaa yewazi à kɛ̀ bíta nà ai è wa sisi a nɛ́nↄ. Wá sↄ̃ↄ dɛ à ũ! Anduna wa dↄ̃ro, kɛ̀ èe à dↄ̃ro yãnzi.

ZIA YÃ 21:7

Gbɛ̃ kɛ̀ zĩ̀ blè bé eégↄ̃ pↄ́ kɛ̀nↄ vĩ píngi. Mɛ́gↄ̃ dɛ à Luda ũ, eégↄ̃ dɛ ma nɛ́ ũ.