ƐFESUDEENƆ 1:11 - Bokobaru Bible

¹¹ Luda kɛ̀ è yã píngi kɛ lán à zɛ̀o a pↄyezi guu nà gĩakɛ à wa diɛ lán èe wɛtɛɛ nà, à wa sɛ a pↄ́ ũ Kirisi guu,

ƐFESUDEENƆ 1:11 Iomraidhean Croise

SAAMUNƆ 37:18

Dii taarisaideenↄ yã dↄ̃, aↄ̃ baka ègↄ̃ dɛ ń pↄ́ ũ gurↄ píngi.

YAASINƆ 8:14

Lɛ́damma kↄ̃n faakɛɛo nɛ́ ma pↄ́mɛ, ma kiian gbãaa è bↄn kↄ̃n asãnsikɛɛo.

ZĨRINƆ 13:48

Kɛ̀ bori pãndenↄ yã pì mà, aↄ̃ pↄↄ kɛ̀ nna aↄ̃ bɛ̀ɛ lì Dii yãnɛ, ben gbɛ̃ kɛ̀ Luda ń díɛ wɛ̃̀ndi kɛ̀ è yãaro pↄ́ ũunↄ Yesu náanɛ kɛ̀.

ZĨRINƆ 2:23

Luda zɛ̀o a pↄyezi kↄ̃n a dↄ̃nao guu wà à kpàawa, ben á tò bori pãndenↄ à pà lía wà à dɛ̀.

ZĨRINƆ 20:27

Ma Luda pↄyezi píngi òare, mɛ́ɛ à ke utɛarero.

ZĨRINƆ 20:32

Tia sa mɛ́ɛ a naa Ludanɛ a ↄzĩ kↄ̃n à gbɛ̃kɛ yã kɛ̀ eé fↄ̃ à gbãaa kaaraareeo, à a gba zɛ́ lɛ a baka gↄ̃ kú kↄ̃n à gbɛ̃nↄ ń píngi.

ZĨRINƆ 26:18

lɛ ǹ ń wɛ́ɛ kɛ̃ńnɛ, aↄ̃ kpɛɛ li gusiaanɛ wà aɛ dↄ gupuraaa, aↄ̃ bↄ Setãn gbãaan wà gɛ̃ Luda pↄ́n, lɛ aↄ̃ durunnↄ e à kɛ̃ḿma, aↄ̃ baka gↄ̃ kú kↄ̃n Luda gbɛ̃nↄ ma náanɛkɛna yãnzi.

ZĨRINƆ 4:28

Aↄ̃ↄ kɛ̀ lán n gĩakɛ n zɛo nà n gbãaa kↄ̃n n pↄyezinao guu.

ROMUDEENƆ 11:34

Dé bé à Dii nↄ̀sɛ dↄ̃ↄ? Dé bé à yã dànɛ à lɛ́dammari ũu?

ROMUDEENƆ 8:17

Lán à nɛ́nↄn wa ũ nà, à túbiblerinↄn wa ũ. Luda túbiblerinↄn wa ũ, wé ble lɛdo kↄ̃n Kirisiomɛ. Tó wa nawɛ̃a kɛ̀o, wégↄ̃ kúo à gakui guu.

ROMUDEENƆ 8:28

Wá dↄ̃ kɛ̀ yã píngi è bↄ maa gbɛ̃ kɛ̀ aↄ̃ↄ ye Ludazinↄnɛ, gbɛ̃ kɛ̀ à ń sísi à ń sɛ́ lán èe wɛtɛɛ nànↄ.

ROMUDEENƆ 8:29

Zaakɛ Ludaa dìɛ zaa káaku kɛ̀ gbɛ̃ kɛ̀ à gĩakɛ à ń dↄ̃nↄ bↄkↄ̃ba kↄ̃n a Nɛ́o, lɛ àgↄ̃ dɛ daudu ũ dãaro pariinↄ tɛ́.

ROMUDEENƆ 8:30

Gbɛ̃ kɛ̀ à ń díɛ zaa káaku pìnↄn à ń sísi, ben à tò yã bↄ̀ kↄ̃n gbɛ̃ kɛ̀ à ń sísi pìnↄo nna, ben à tò gbɛ̃ kɛ̀ yã bↄ̀ńyo nnaa pìnↄ gↄ̃ gakui vĩ.

GALATIANƆ 3:18

Tó wè Luda aubarika e dokakũna guu, ɛ̃ndɛ̃ èe bↄ à lɛ́gbɛ̃na guu dↄro. Mↄde Luda gbɛ̃kɛɛ kɛ̀ Ibraĩnɛ, kɛ̀ à à lɛ́ gbɛ̃̀nɛ yãnzimɛ.

ƐFESUDEENƆ 1:14

Àmbe túbi kɛ̀ wé e kpɛ́gaau ũ ai Luda gↄ̃ gá a gbɛ̃nↄ bo, lɛ aↄ̃ à tↄ́ gakuidee bↄ yãnzi.

ƐFESUDEENƆ 1:18

Mɛɛ̀ wɛ́ɛ kɛa à a nↄ̀sɛ wɛ̃are, lɛ à e à tãmaa kɛ̀ à a sisia dↄ̃, à túbi gakuidee auziki kɛ̀ à dìɛ a gbɛ̃nↄnɛ

ƐFESUDEENƆ 1:5

à gĩakɛ à wa diɛ a nɛ́nↄ ũ Yesu Kirisi gãzĩ lán èe wɛtɛɛ a pↄyezi guu nà,

ƐFESUDEENƆ 1:8

kɛ̀ à kɛ̀we à gɛ̃̀ ↄla yãnzi. Ɔ̃ndↄ̃ píngi kↄ̃n wɛ́ɛzɛ̃ píngio guu

ƐFESUDEENƆ 1:9

à tò wa a pↄyezi asii dↄ̃̀ lán à zɛ̀o à kɛ Kirisi gãzĩ nà.

ƐFESUDEENƆ 3:11

Luda pↄyezi kɛ̀ kuu zaa gurↄ píngi pì lɛ́ pàpa Kirisi Yesu wa Dii gãzĩ.

KƆLƆSEDEENƆ 1:12

lɛ àgↄ̃ De Luda sáabu kpaa, zaakɛ à wa ka baka kɛ̀ à dìɛ a gbɛ̃nↄnɛ gupuraan-a.

KƆLƆSEDEENƆ 3:24

Àgↄ̃ dↄ̃ kɛ̀ é Dii láada e a baka ũ. Dii Kirisin ée dↄↄzi.

TITU 2:14

À a zĩnda kpà wa yãnzi, à wa bↄ zaa píngi guu, à wa gbãsĩ gògo, lɛ wà gↄ̃ a zĩnda gbɛ̃ kɛ̀ aↄ̃ↄ maakɛna aĩa vĩinↄ ũ.

TITU 3:7

Beee yãnzi yã bↄ̀wao nna à gbɛ̃kɛ yãnzi, wa gↄ̃ túbiblerinↄ ũ, wá wɛ́ɛ dↄ auzɛnnazi.

EBERUNƆ 6:17

Ludaa yezi à ↄdↄa gbɛ̃ kɛ̀ à lɛ́gbɛ̃na é gↄ̃ ń pↄ́ ũunↄnɛ wásawasa kɛ̀ à lɛ́ liɛna vĩro, ben à sì kↄ̃n a kuunao.

YEMISI 2:5

À ma, ma gbɛ̃ yenzideenↄ. Luda gbɛ̃ kɛ̀ aↄ̃ↄ dɛ gbãasaideenↄ ũ anduna gbɛ̃nↄnɛ sɛ̀ aↄ̃gↄ̃ gbãa à náanɛkɛna guu, lɛ wà kpata kɛ̀ à à lɛ́ gbɛ̃̀ gbɛ̃ kɛ̀ aↄ̃ↄ yezinↄnɛ ble.

1 PITA 1:4

zaakɛ túbi kɛ̀ diɛnaare ludambɛɛ pì è yakaro, è gbãsĩ kpáro, à maaa è yãaro.

1 PITA 3:9

Àtongae à zaaa fĩa bo kↄ̃n à zaaaoro. Àtongae gbɛ̃ kɛ̀ à a sↄ̃sↄ̃ sↄ̃sↄ̃ro. À sa maaa onɛ, zaakɛ Luda a sisi, lɛ à aubarika daagu yãnzimɛ.