EBERUNƆ 2:2 - Bokobaru Bible

² Zaakɛ yã kɛ̀ Ludaa dìɛ malaikanↄ gãzĩ nɛ́ tiasimɛ, ben wà fĩa bò gbɛ̃ kɛ̀ aↄ̃ gì mazi aↄ̃ mìkpɛɛ zùnɛnↄnɛ a zɛ́a,

EBERUNƆ 2:2 Iomraidhean Croise

SAAMUNƆ 68:17

Luda sↄ̃goronↄↄ lɛ́ vĩro, à kà bↄrↄ lɛo ũgbangba. Dii bↄ̀o zaa Sinai, à mↄ̀ à pìta a guu kɛ̀ kú adonan.

NARONA 11:33

Kɛ̀ aↄ̃ à nↄ̀bↄ dà ń lɛ́n gↄ̃ↄ, aↄ̃ↄe e wà só bítaro, ben Dii pↄ fɛ̃̀ńzi à gagyãa kàńgu.

NARONA 21:6

Ben Dii mlɛ̃̀ pãsĩnↄ zĩ̀ḿma aↄ̃ ń lɛ́lɛ, ben aↄ̃ gàga paripari.

ZĨRINƆ 7:53

A doka kɛ̀ malaikanↄ sùo sì, mↄde ée zĩi kɛ à yãaro.

GALATIANƆ 3:19

Bↄ́yãnzi à doka dìɛzi dↄↄ? À doka kàara ai Ibraĩ borii kɛ̀ Luda lɛ́ gbɛ̃̀ à yã musu gↄ̃ mↄ́mɛ, lɛ gbɛ̃nↄ e wà dↄ̃ kɛ̀ wà dɛ taarideenↄ ũ Luda kiia yãnzi. Luda a doka pì kpà malaikanↄa, aↄ̃ nà yãkɛkɛrinɛ a ↄzĩ, à diɛ gbɛ̃nↄnɛ.

EBERUNƆ 1:1

Luda yã ò wa dezinↄnɛ yã káaku annabinↄ gãzĩ gɛ̃̀n baaagↄ̃ zɛ́nↄn pari,

EBERUNƆ 10:28

Wè gbɛ̃ kɛ̀ gì Musa doka dazi dɛ à wɛ́ɛ gwana sai gↄ̃ↄn plaa ke aagↄ̃ sèedakɛna musu.

EBERUNƆ 10:35

Beee yãnzi àton tó a wↄ́rↄngↄ kɛ̀ àre vĩare bíta kɛ̃awaro.

EBERUNƆ 11:26

À dìɛ kɛ̀ wí kɛ̀ wè daḿma Kirisi yãnzi dɛ Igipiti auzikila, zaakɛ ziaa zĩ láadan à wɛ́ɛ kúa.

EBERUNƆ 11:6

Gbɛ̃ke yã è ká Ludanɛ à náanɛkɛna sairo. Séde gbɛ̃ kɛ̀ èe sↄ̃ↄzi sí kɛ̀ à kuu bensↄ̃ è fĩa bo a kii wɛtɛrinↄnɛ.

EBERUNƆ 12:25

À làakari kɛ àton gí yã'ori pì yã maziro. Lán gbɛ̃ kɛ̀ aↄ̃ gì Luda lɛ́damma mazi tↄↄtɛ kɛ̀nↄↄ e bↄro nà, wapinↄ se, lán Ludaa e lɛ́ daawa zaa musu, tó wa kpɛɛ lìnɛ, weé wa pↄ́ o dↄↄ́?

2 PITA 1:19

Beee ↄ̀dↄawe kɛ̀ yã kɛ̀ annabinↄↄ ò nɛ́ yãpuramɛ. À maa à làakari dↄ yã pìa fitia kɛ̀ èe gu bùgubugu puu ũ ai gudↄnao sↄsↄnɛ gↄ̃ gá fɛɛ a swɛ̃̀n, lɛ guu dↄawa.

YUDA 1:5

Kɛ̀ Dii Isarailinↄ bↄ̀ Igipiti, à gbɛran à gbɛ̃ kɛ̀ aↄ̃ↄe a náanɛ kɛroonↄ dɛ̀dɛ. Má yezi mà yã pì dↄagu, baa kɛ̀ á dↄ̃ kↄ̀.