EBERUNƆ 12:7 - Bokobaru Bible

⁷ À wɛ́ɛtãmma diɛ totona ũ. Luda bé èe beee kɛare, kɛ̀ à nɛ́nↄn a ũ yãnzi. Nɛ́ kee kuu kɛ̀ à de gí à à totoziↄ́?

EBERUNƆ 12:7 Iomraidhean Croise

YAASINƆ 19:18

Ǹ n nɛ́ toto a gurↄↄa, mↄde ǹton tó à gɛ̃ ↄla ai à garo.

YAASINƆ 29:15

Totona kↄ̃n flã̀o è tó gbɛ̃ ↄ̃ndↄ̃ kũ, nɛ́ kɛ̀ wà à tò a zĩndanɛ è wí da a daamɛ.

YAASINƆ 13:24

Gbɛ̃ kɛ̀ è a nɛ́ gbɛ̃roo zàn, gbɛ̃ kɛ̀ ye a nɛ́zi è à toto káaku.

YAASINƆ 29:17

Ǹ n nɛ́ toto, eé n làakari kpáɛnnɛ, eé tó n pↄↄ kɛ nna.

2 SAMUƐLI 7:14

Mɛ́gↄ̃ dɛnɛ De ũ, eégↄ̃ dɛ ma nɛ́ ũ. Tó à taari kɛ̀, mɛ́ wɛ́ɛ tãa kↄ̃n gòomɛ, lán gbɛ̃ntee è gbɛ̃ gbɛ̃ nà.

YAASINƆ 22:15

Faasaiyã ègↄ̃ kú nɛ́nↄ swɛ̃̀n, totona kↄ̃n flã̀o é tó aↄ̃ kɛ̃a.

1 KINANƆ 1:6

À dee e kpãkɛ̃zi ziki à be, à kɛ̀ dia nɛ́ɛ kɛɛ lɛɛro. Àpi sↄ̃ nɛ́ gↄ̃ maaamɛ. Abusalomu bé à yↄ̃ mì à kpàa.

1 SAMUƐLI 3:13

Ma bènɛ mɛ́ tó yã gae wí à bɛdeenↄ musu ai gurↄ píngi à zaaa kɛ̀ à à yã dↄ̃ yãnzi. À nɛ́nↄ ń zĩnda kpɛ bↄ̀, ben èe gíńnɛro.

1 SAMUƐLI 2:34

N nɛ́ gↄ̃ↄn plaa Ɔfini kↄ̃n Finɛasio é gaga gurↄ dↄ̃nkↄ̃ zĩ aↄ̃ plaa ń píngi. Beee égↄ̃ dɛnnɛ sèeda ũ kɛ̀ yã kɛ̀ á ò é kɛ píngi.

1 SAMUƐLI 2:29

Dii bè, bↄ́ bé à tò eè a sa'onↄbↄ zↄ̃ kↄ̃n gbáo kↄ̃n gbaa kɛ̀ á dìɛ aↄ̃ mↄ́oare a kpɛ́ guuo? À bè, bↄ́yãnzi nɛɛ̀ n nɛ́nↄ diɛ dɛalazi, ben ée mɛ̀ kpaa kↄ̃n a gbɛ̃ Isarailinↄ sa'onↄbↄ maaao?

ZĨRINƆ 14:22

aↄ̃ↄe Yesudeenↄ gbaa gbãaa, aↄ̃ↄe lɛ́ daaḿma aↄ̃ zɛ gbãa Yesu náanɛkɛna guu wà bè: Séde wà nawɛ̃a kɛ maamaa gĩa, gbasa wà gɛ̃ kpata kɛ̀ bↄ̀ Luda kiia guu.

1 KƆRINTIDEENƆ 11:32

Tó à wa taari è, èe wa totoomɛ, lɛ yã tón vɛ̃ɛwa kↄ̃n andunaoro yãnzi.