DANIƐLI 3:2 - Bokobaru Bible

² Ben à lɛ́kpãsã kɛ̀ a bùsu gbɛ̃nsinↄnɛ lɛ aↄ̃ kↄ̃ kakↄ̃a, kínanↄ, lɛ́dammarinↄ, zĩ̀kpɛ gbɛ̃nsinↄ, gbãadeenↄ, ↄↄ'utɛrinↄ, yãkpaɛkɛrinↄ, yãgↄ̃gↄ̃rinↄ kↄ̃n a bùsu kpatablerinↄ ń píngi, aↄ̃ mↄ́ pↄ́ kɛ̀ à pì à pɛ̀ɛ pì kya kɛ.

DANIƐLI 3:2 Iomraidhean Croise

1 KINANƆ 12:32

Ben à mↄ sↄraagↄ̃de gurↄ gɛ̃rodee dìɛ zĩbaa ũ lán Yudanↄ pↄ́ bà se, ben à saa ò tãagbãgbãkii kɛ̀ kú Bɛtɛli pìa. À saa ò zùswaree kɛ̀ à pì pìnↄa, ben à sa'orinↄ dìɛ gwe.

YAASINƆ 29:12

Tó gbãadee e swã kpaa ɛgɛyãzi, à ìbanↄ è gↄ̃ zaakɛrinↄ ũ ń píngimɛ.

DANIƐLI 3:27

Bùsu gbɛ̃nsinↄ kↄ̃n lɛ́dammarinↄ kↄ̃n zĩ̀kpɛ gbɛ̃nsinↄ kↄ̃n gbãadeenↄ kↄ̃n kínanↄ kàkↄ̃ańzi aↄ̃ↄ è tɛ́ pì e fↄ̃ à pↄ́ke wòḿmaro. Baa aↄ̃ mìkã e tɛ́ kũro, aↄ̃ utanↄↄ e yakaro, wèe tɛ́sukpɛ gũu maḿma sero.

DANIƐLI 3:3

Ben bùsu gbɛ̃nsi pìnↄ kↄ̃ kàkↄ̃a pↄ́ taka pì kyakɛnazi aↄ̃ zɛ̀zɛ à aɛ.

ZIA YÃ 17:2

Anduna kínanↄ pãpãa kɛ̀o, anduna gbɛ̃nↄ à pãpãkɛna wɛ̃ɛ mì wà kã̀.

YÃGƆ̃GƆ̃RINƆ 16:23

Filisitininↄ kínanↄ kↄ̃ kàkↄ̃a lɛ wà ń tãa Dagↄni gbãgbã, ben aↄ̃ↄe pↄnnaa kɛɛ wèe bè: Wa tãa wa ibɛɛ Samusĩ nàwe wa ↄzĩ.