2 Ben Luda ɛ̀ara à yã ò Musanɛ à bè: Mámbe Dii ũ,
À bènɛ dↄ: Diin ma ũ, mámbe ma n bↄ Uru, Kaladia bùsun, lɛ mà bùsu kɛ̀kii kpámma yãnzi.
Gwãavĩ pìa mɛ́ ba Igipitila mà daudunↄ dɛdɛ bùsu pì gu píngia kↄ̃n pↄ́kãde nɛ́kya káakunↄ ń píngi, mɛ́ wí da Igipiti tãanↄa. Mámbe Dii ũ.
Tó ma tↄ́ bↄ̀ Fili'auna kↄ̃n a sↄ̃goronↄ kↄ̃n a sↄ̃deenↄ yã sàabu, Igipitinↄ égↄ̃ dↄ̃ sa kɛ̀ mámbe Dii ũ.
Dii nɛ́ zĩ̀karimɛ, à tↄ́n Dii.
Isarailinↄ fɛ̀ɛ Sini gbáan ń píngi, aↄ̃ↄe bùra káɛkaɛɛ lán Dii òńnɛ nà, ben aↄ̃ gàa wà bùra kàɛ Rɛfidimu. Aↄ̃ↄe í e wà mì gwero,
Mámbe Dii a Luda ũ. Ma a bↄɛ zↄ̀bleen Igipiti.
Luda wèàla à bè: Mámbe gbɛ̃ kɛ̀ má dɛ à ũu ũ. Ǹ ońnɛ kɛ̀ mámbe ma n zĩḿma.
Luda bènɛ dↄ: Ǹ o Isarailinↄnɛ kɛ̀ mamↄma Dii aↄ̃ dezinↄ Ibraĩ kↄ̃n Isaakuo kↄ̃n Yakubuo Luda bé à n zĩḿma. Ma tↄ́n gwe gurↄ píngi. Àgↄ̃ ma sisii lɛ ai a boriia.
à bè ambe Dii ũ, yã kɛ̀ ée oonɛn à o Fili'aunanɛ píngi.
Beee yãnzi ǹ o Isarailinↄnɛ kɛ̀ mámbe Dii ũ. Mɛ́ a bↄ zĩ gbãaa kɛ̀ Igipitinↄↄ dàaree guu, mɛ́ a bↄ zↄ̀bleen. Mɛ́ yãkpaɛ kɛńyo mà a bↄ kↄ̃n ma gã̀sã gbãaao.
Mɛ́ gáao bùsu kɛ̀ ma à lɛ́ gbɛ̃̀ Ibraĩnɛ kↄ̃n Isaakuo kↄ̃n Yakubuo guu. Mɛ́ a gba àgↄ̃ vĩ. Mámbe Dii ũ.
