BƆNA 3:1 - Bokobaru Bible

¹ Musa e a anzure Midiã bùsu sa'ori pↄ́kãdeenↄ dãa à vĩ̀ gbáala ai à kà kpiii kɛ̀ wè sísi Orɛbu kiia.

BƆNA 3:1 Iomraidhean Croise

1 KINANƆ 19:19

Ben Ilia fɛ̀ɛ à bↄ̀ gwe à gàa à Safata nɛ́ Ɛlisa lè, èe bú wii kↄ̃n zùnↄ swaaro kuri awɛɛplaa. Àmbe à tɛ́ zù swaaro kpɛɛdeezi. Ben Ilia sↄ̃̀zi à a gyaba gò à dààla.

1 KINANƆ 19:8

Ben à fɛ̀ɛ à pↄ́ blè à í mì. Pↄ́blee pì tò à gbãaa è, ben à táa ò gurↄ baplaa fãantɛ̃ kↄ̃n gwãavĩo ai à gàa à kà Luda kpiii kɛ̀ wè be Orɛbua.

SAAMUNƆ 106:19

Aↄ̃ mↄ̀ pì zaa Orɛbu lán zùswaree bà, aↄ̃ dↄnzi kɛ̀ ń tãa kɛ̀ aↄ̃ↄ pìnɛ.

BƆNA 17:6

Mɛ́ zɛ n aɛ Orɛbu gbɛ̀si saɛ gwe. Ǹ gbɛ̀si pì lɛ́, í é bↄ lɛ aↄ̃ mi. Ben Musa kɛ̀ lɛ Isaraili gbɛ̃nsinↄ wáa.

BƆNA 18:12

Ben Yɛtoro sa'opↄ kɛ̀ wè ká tɛ́n à tɛ́ kũ ò Ludaa kↄ̃n sa'opↄ pãndenↄ dↄ. Ben Aruna kↄ̃n Isaraili gbɛ̃nsinↄ ń píngi mↄ̀ wà pↄ́ blèo Luda aɛ.

BƆNA 19:11

Aↄ̃gↄ̃ kú soru guu ziando, zaakɛ à gurↄ aagↄ̃dee zĩ mɛ́ pita mà zɛ Sinai kpiii musu baade píngi wáa.

BƆNA 19:2

aↄ̃ fɛ̀ɛ Rɛfidimu. Kɛ̀ aↄ̃ kà Sinai gbáan, ben aↄ̃ bùra kàɛ gwe Sinai kpiii saɛ.

BƆNA 19:3

Musa dìdi à gàa Luda kiia kpiii pì musu, ben Dii lɛ́ zùzi à bè: Ǹ yã kɛ̀kii o Yakubu bori Isarailinↄnɛ:

BƆNA 2:16

Midiã sa'ori nɛ́nↄgbɛ̃nↄ vĩ gↄ̃ↄn swɛɛplaa, ben aↄ̃ mↄ̀ wà í tↄ̀, aↄ̃ↄ kà pↄ́kãdeenↄ gbãngo ímikiin ń de pↄ́kãdeenↄnɛ.

BƆNA 2:18

Kɛ̀ aↄ̃ tà ń de Ruɛli kiia, à ń lá à bè: À kɛ̀ dia a su idɛ lɛ gbã̀a?

BƆNA 2:21

Musa mↄ̀, ben à wè à vɛ̃̀ɛ kↄ̃n gↄ̃gbɛ̃ pìo, ben gↄ̃gbɛ̃ pì a nɛ́nↄgbɛ̃ Zipora kpàa nↄↄ ũ.

BƆNA 24:13

Ben à fɛ̀ɛ kↄ̃n a kpàasi Yↄsuao, aↄ̃ↄe gaa didi Luda kpiiia.

BƆNA 3:12

Luda bènɛ: Mɛ́gↄ̃ kúnyo. Zĩna kɛ̀ ma n zĩi sèedan yɛ̀. Tó n ń bↄ́ɛ Igipiti, é dↄnzi kɛmɛ kpiii kɛ̀ kiia.

BƆNA 3:5

Luda bènɛ: Ǹton sↄ̃ziro. Ǹ n kyatee bↄbↄ, zaakɛ guu kɛ̀ ń zɛn kú adonamɛ.

BƆNA 33:6

Ben Isarailinↄ ń zãblebↄnↄ bↄ̀bↄ, aↄ̃ↄe da dↄro zaa Orɛbu kpii kiia.

BƆNA 4:18

Musa tà a anzure Yɛtoro kiia à bènɛ: Ǹ ma gba zɛ́ mà tá ma gbɛ̃nↄ kiia Igipiti, mà e tó aↄ̃ↄ kpɛ́ kú wɛ̃̀ndio ai tia. Yɛtoro bènɛ: Ǹ pita aafia.

BƆNA 4:27

Dii bè Arunanɛ: Ǹ gá da Musalɛ gbáan. Ben à gàa à à lè Luda kpiii kiia, à lɛ́ pɛ̀ à gasua.

NARONA 10:29

Obabun Musa anzure Ruɛli nɛ́ ũ, Midiã boriimɛ. Musa bènɛ: Wée daa zɛ́n gana bùsu kɛ̀ Dii bè é wa gbaan. Ǹ mↄ́ ǹ gáwao, wé yã maaa kɛnnɛ, zaakɛ Dii nnamana gwe lɛ́ gbɛ̃̀we.

NARONA 10:33

Isarailinↄ bùra fɛ̀ɛ Dii kpiii saɛ aↄ̃ táa ò gurↄ aagↄ̃. Wà dↄ̀ aɛ kↄ̃n Dii bà kuunańyo àkpatio lɛ à bùrakaɛkii ↄdↄańnɛ.

LUKU 2:8

Sãdãrinↄↄ kú bùsu dↄ̃nkↄ̃ pì guu, aↄ̃ↄe ii sɛ̃̀tɛ aↄ̃ↄe ń sãanↄ dãkpaa gwãavĩ.

ZĨRINƆ 7:30

Wɛ̃̀ baplaaa gbɛran malaika bↄ̀ à mↄ̀zi gbáan Sinai kpiii saɛ gyanto tɛ́ guu.

YÃGƆ̃GƆ̃RINƆ 4:11

Keni bori Eberu bↄ̀ Keninↄ bùsun yã, à mↄ̀ à bùra kàɛ gbíi lí kɛ̀ kú Zananimu gbáru Kɛdɛsi saɛ. Keninↄ nɛ́ Musa anzure Obabu boriinↄ dokemɛ.

1 SAMUƐLI 16:11

Ben à Yɛsɛ là à bè: N gↄ̃kparɛnↄ lɛ́n yɛ̀ ń píngiↄ́? À wèàla à bè: Aↄ̃ gbɛ̃ zãadee bé à kú kɛ̀ro, èe sãa dãamɛ. Ben Samuɛli bènɛ: Ǹ gbɛ̃ zĩ wà à sísi. Wé pↄ́ke kɛro séto à sù.