2 TƐSALONIKADEENƆ 3:3 - Bokobaru Bible

³ Dii náanɛ vĩ, eé a gba gbãaa, eé a sí à zaaaa.

2 TƐSALONIKADEENƆ 3:3 Iomraidhean Croise

NAANA 48:16

à Malaika kɛ̀ ma bↄ à zaaan píngi, à aubarika da nɛ́ kɛ̀kiinↄn, à tó wàgↄ̃ ń sísii ma tↄ́a, kↄ̃n ma dezinↄ Ibraĩ kↄ̃n Isaakuo tↄ́o, à tó aↄ̃gↄ̃ kↄ̃ↄ maamaa anduna guu.

SAAMUNƆ 121:7

Dii é n sí kisira sãnda píngia, eé n wɛ̃̀ndi dãkpannɛ.

SAAMUNƆ 19:13

Ǹton tó mamↄma n zↄ̀bleri taari kɛnnɛ gĩanziro, ǹton tó durunnↄ kí blemaro, mɛ́gↄ̃ kuu wásawasa taari bíta sai.

MATIU 5:37

Àgae be ee ke auo. Yã kɛ̀ dɛ beeelaa bↄ̀ à zaaa guumɛ.

MATIU 6:13

Ǹton tó wà fu yↄ̃agwanaaro, ǹ wa sí à zaaaa.

LUKU 11:4

Ǹ wa durunnↄ kɛ̃we, zaakɛ weè kɛ̃ gbɛ̃ kɛ̀ aↄ̃ taari kɛ̀weenↄnɛ ń píngi. Ǹton tó wà fu yↄ̃agwanaaro.

YOHANA 17:15

Mɛ́ɛ wɛ́ɛ kɛɛmma, èe kɛ lɛ ǹ ń bↄ anduna guunlo, mↄde lɛ ǹ ń dãkpa zaaa yãnzimɛ.

1 KƆRINTIDEENƆ 1:9

Luda náanɛ vĩ. Àmbe à a sisi, a gↄ̃ kↄ̃ gbɛ̃ ũ kↄ̃n à Nɛ́ Yesu Kirisi wa Diio.

1 KƆRINTIDEENƆ 10:13

Yↄ̃agwana kee e a lero, séde kɛ̀ è baade píngi lee baasiro. Luda náanɛ vĩ, eé tó wà a yↄ̃ wà gwa dɛ a gbãa lɛ́laro. Yↄ̃agwana guu eé a gba zɛ́ à mɛna fↄ̃ à bↄn.

1 TƐSALONIKADEENƆ 5:24

Luda kɛ̀ à a sisi à a sɛ náanɛ vĩ, eé yã pì kɛare.

2 TƐSALONIKADEENƆ 2:17

À a làakari kpáɛare, à a gba gbãaa yãmaakɛna kↄ̃n yãmaa'onao guu píngi.

2 TIMƆTI 4:18

Dii é ma bↄ yã zaaa guu píngi, eé ma mì sí ai mà gá káo à kpatan musu. Àmbe à gakui vĩ gurↄ píngi, aami.

1 PITA 5:10

Luda Aubarikapingide a sisi a gakui kɛ̀ è yãarooa Kirisi guu. Tó a nawɛ̃a kɛ̀ féte, eé a bↄ maa, eé a zɛ gíngin, eé a gba gbãaa, eé a kãsãa pɛ́ɛ.

2 PITA 2:9

Tó lɛmɛ, lɛ Dii gbɛ̃ kɛ̀ naaziinↄ bↄna yↄ̃agwana guu zɛ́ dↄ̃, bensↄ̃ à gbɛ̃ zaaa kũna dↄ̃ lɛ à wɛ́ɛ tãa yãkpaɛkɛgurↄↄ zĩ.

YUDA 1:24

Luda mɛ̀n do wa Mìsiri é fↄ̃ à a dãkpa lɛ àton furo. Eé a kpan'aɛ kɛ a gakui guu see sai kↄ̃n pↄnnaao kↄ̃n wa Dii Yesu Kirisi gbãaao. Àmbe à gakui vĩ kↄ̃n bítakɛɛo kↄ̃n gbãaao kↄ̃n ikoo zaalɛ gurↄↄ e naaro kↄ̃n à tiaao ai gurↄ píngi. Aami.