2 TƐSALONIKADEENƆ 2:16 - Bokobaru Bible

¹⁶ Wa Dii Yesu Kirisi kↄ̃n Luda wa Deo yewazi, à gbɛ̃kɛɛ guu à wa làakari kpàɛwe ai gurↄ píngi, à tãmaa maaa dàwagu.

2 TƐSALONIKADEENƆ 2:16 Iomraidhean Croise

SAAMUNƆ 103:17

Dii ègↄ̃ gbɛ̃kɛɛ vĩ kↄ̃n a vĩakɛrinↄ zaa káaku ai gurↄ píngi, è à maaa kɛ ń nɛ́nↄnɛ kↄ̃n ń dionↄ,

LUKU 16:25

Ben Ibraĩ bè: Ma nɛ́, ǹ tó nnamana kɛ̀ lìganzi n wɛ̃̀ndigurↄ yã dↄngu kↄ̃n takaasi bíta kɛ̀ Lazaru kɛ̀o. À làakari kpaɛna gura kɛ̀ sa, ben ń kú wãwãa guu.

YOHANA 13:1

Lɛ Banla zĩbaa kpɛ́ à ká, Yesu dↄ̃̀ kɛ̀ a bↄna anduna kɛ̀kii guu tana a De kiia gurↄↄ kà. Lán à ye a gbɛ̃nↄzi anduna guu nà, à yeńzi ai a wɛ̃̀ndi lɛ́mmɛ.

YOHANA 15:13

Tó gbɛ̃ gì a wɛ̃̀ndizi a gbɛ̃nnanↄ yãnzi, gbɛ̃kee yenzi vĩ dɛ beeelaro.

YOHANA 15:9

Má yeazi lán ma Dee yemazi nà. Àgↄ̃ kú ma yenzi guu.

YOHANA 16:22

Lɛn apinↄ sↄ̃ a nↄ̀sɛ yakana lɛ gĩa. Mɛ́ ɛara mà a e dↄ, a pↄↄ é kɛ nna, gbɛ̃ke sↄ̃ é fↄ̃ à a pↄnnaa pì síawaro.

YOHANA 3:16

Zaakɛ Ludaa ye andunazi à kɛ̀ bíta, ben à a Nɛ́ mɛ̀n do léle kpà, lɛ gbɛ̃ kɛ̀ èe à náanɛ kɛɛ tón garo, sé àgↄ̃ wɛ̃̀ndi kɛ̀ è yãaroo vĩ.

YOHANA 4:14

Gbɛ̃ kɛ̀ eé í kɛ̀ mɛ́ kpáa mi sↄ̃, ímii é à dɛ ziki dↄro. Zaakɛ í kɛ̀ mɛ́ kpáa é gↄ̃ à nↄ̀sɛ guu íbↄki í kɛ̀ eé bↄɛnɛ wɛ̃̀ndi kɛ̀ eé yãaroo ũmɛ.

ZĨRINƆ 15:11

Lɛnlo! Wá sì kɛ̀ wé mìsina e Dii Yesu gbɛ̃kɛ yãnzi lán aↄ̃pinↄ bà se.

ZĨRINƆ 18:27

Kɛ̀ Apolo yezi à gá Girisi bùsun, Yesudeenↄ à gbà swɛ̃̀, ben aↄ̃ takada kɛ̃̀ Yesudee kɛ̀ aↄ̃ↄ kú gweenↄnɛ lɛ aↄ̃ à kũ ↄplaplaa. Kɛ̀ à kà gwe, à ↄ dà gbɛ̃ kɛ̀ aↄ̃ Yesu náanɛ kɛ̀ Luda gbɛ̃kɛɛ gãzĩnↄa maamaa.

ROMUDEENƆ 1:7

Ma takada kɛ̀kii kɛ̃̀are, a Romudee kɛ̀ Ludaa yeazi à a sisi a gↄ̃ à gbɛ̃nↄ ũ píngi. Luda wa De kↄ̃n Dii Yesu Kirisio gbɛ̃kɛɛ kɛare à a gba aafia.

ROMUDEENƆ 4:16

Beee yãnzi pↄ́ kɛ̀ Luda a lɛ́ gbɛ̃̀ ena nɛ́ à náanɛkɛna yãmɛ, lɛ àgↄ̃ dɛ à gbɛ̃kɛ yã ũ. Lɛ́gbɛ̃na pì sↄ̃ nɛ́ Ibraĩ bori pìnↄ pↄ́mɛ ń píngi, èe kɛ gbɛ̃ kɛ̀ aↄ̃ Musa doka kũna ńtɛ̃ɛnↄnlo, kↄ̃n gbɛ̃ kɛ̀ aↄ̃ↄe Luda náanɛ kɛɛ lán Ibraĩ bànↄomɛ dↄ. Ibraĩ nɛ́ wa píngi dezimɛ.

ROMUDEENƆ 4:4

Fĩabona zĩkɛrinɛ nɛ́ gbɛ̃kɛkɛnnɛnanlo, à asaiapↄmɛ.

ROMUDEENƆ 5:8

ben Ludaa ↄ̀dↄawe dian á yewazi nà, zaakɛ wa durundekɛɛ guun Kirisi gà wa gɛ̃ɛ ũ.

ƐFESUDEENƆ 5:2

Lán Kirisi yewazi nà à gì a wɛ̃̀ndizi wa yãnzi sa'obↄ kɛ̀ à gũ nna Ludanɛ ũ, à tó yekↄ̃zina dↄare aɛ lɛ se.

ƐFESUDEENƆ 5:25

A gↄ̃gbɛ̃nↄ sↄ̃, a baade gↄ̃ ye a naↄ̃zi lán Kirisi ye sↄsizi nà, à gì a wɛ̃̀ndizi à yãnzi.

KƆLƆSEDEENƆ 1:23

tó á zɛna gbãa a ludanaanɛkɛna guu degena sai gíngin, tó ée kɛ̃ tãmaa kɛ̀ á vĩ baaru nnaa kɛ̀ á mà guuaro. Wà baaru nnaa pì kpà gbɛ̃ kɛ̀ Ludaa kɛ̀ tↄↄtɛ kɛ̀nↄnɛ píngi kɛ̀ mamↄma Pↄlu, ma gↄ̃ à kpàri ũ.

KƆLƆSEDEENƆ 1:5

kɛ̀ a wɛ́ɛ dↄ pↄ́ kɛ̀ diɛnaare ludambɛɛzi yãnzi. A yãpura yã mà zaa zi baaru nnaa kɛ̀ wá kpàaree guu.

1 TƐSALONIKADEENƆ 1:3

Lán èe zĩi kɛɛ a ludanaanɛkɛnaa nà, èe aĩa kɛɛ yenzi guu, bensↄ̃ èe mɛna kɛɛ wɛ́ɛdↄna wa Dii Yesu Kirisizi yãnzi, yã pìnↄ ègↄ̃ dↄwagu Luda wa De aɛzĩ.

1 TƐSALONIKADEENƆ 3:11

Luda wa De kↄ̃n wa Dii Yesuo zɛ́ bↄwe wà mↄ́ wà a gwa.

2 TƐSALONIKADEENƆ 2:13

Wa gbɛ̃ Dii yenzideenↄ, à maa wàgↄ̃ Luda sáabu kpaa gurↄ píngi a yã musu, zaakɛ Luda a sɛ zaa káaku, lɛ à bↄ kↄ̃n à Ninii kɛ̀ tò wa gↄ̃ a pↄ́ ũ gbãaao a yãpura sina yãnzi.

TITU 1:2

lɛ aↄ̃ wɛ́ɛ gↄ̃ dↄ wɛ̃̀ndi kɛ̀ è yãaroozi, kɛ̀ Luda à lɛ́ gbɛ̃̀ zaalɛ anduna e káɛro. Eè ɛgɛɛ to sↄ̃ro.

TITU 2:13

wa wɛ́ɛ gↄ̃ dↄ gurↄ aubarikadee kɛ̀ wée dãazi. Àmbe wa Luda bíta wa Mìsiri Yesu Kirisi mↄ́gurↄ gakuidee ũ.

EBERUNƆ 7:19

Zaakɛ doka pì e tó gbɛ̃ke gↄ̃̀ papanaro. Ben tãmaa kɛ̀ sã̀ↄ zɛ́ bↄ̀we, kɛ̀ wa sↄ̃o Ludazi.

1 YOHANA 3:16

Yã kɛ̀ wá yenzi pì dↄ̃̀an yɛ̀: Kirisi a zĩnda kpà wa yãnzi. Wapinↄ sↄ̃, séde wà wa zĩnda kpá wa Yesude daanↄa.

ZIA YÃ 1:5

kↄ̃n Yesu Kirisi kɛ̀ dɛ sèeda yãpuradee ũuo gbɛ̃kɛɛ kɛare, aↄ̃ a gba aafia. Yesu pìn gàafɛɛ káaku ũ, àmbe anduna kínanↄ gbãadee ũ. À yewazi à wa bↄ wa durunnↄn kↄ̃n à aru gbãaao

ZIA YÃ 22:5

Gwãavĩ égↄ̃ kuu dↄro, gbɛ̃ke bà égↄ̃ kú kↄ̃n fitia ke ↄfãntɛ̃ gupuraaoro, kɛ̀ Dii Luda é guu puńnɛ yãnzi. Aↄ̃égↄ̃ kí blee ai gurↄ píngi.

ZIA YÃ 3:9

Setãn aduakɛkpɛ gbɛ̃ kɛ̀ aↄ̃è ń zĩnda diɛ Yudanↄ ũ bensↄ̃ aↄ̃ↄ dɛ à ũroonↄ, mɛ́ tó ɛgɛdee pìnↄ mↄ́ wà kúɛnnɛ, aↄ̃é dↄ̃ kɛ̀ má yenzi.