2 TƐSALONIKADEENƆ 1:5 - Bokobaru Bible

⁵ Beee ↄ̀dↄa kɛ̀ Luda è yã gↄ̃gↄ̃ kↄ̃n gbɛ̃nↄ a zɛ́amɛ. Beee yãnzi a ka à gɛ̃ kpata kɛ̀ bↄ̀ Luda kiia guu kɛ̀ ée nawɛ̃a kɛɛ à yãnzi.

2 TƐSALONIKADEENƆ 1:5 Iomraidhean Croise

SAAMUNƆ 111:7

À yãkɛnanↄ náanɛ vĩ bensↄ̃ à zɛ́ vĩ, à yãdannɛnanↄ yãpuraa vĩ píngi.

SAAMUNƆ 33:5

À ye maakɛɛzi kↄ̃n yãzɛdeeo, Dii yenzi anduna pà.

SAAMUNƆ 50:6

Ludan yãkpaɛkɛri ũ, musudeenↄ è à yãkɛna a zɛ́a kpàakpa kɛ.

SAAMUNƆ 72:2

lɛ à dↄ n gbɛ̃nↄnɛ aɛ a zɛ́a, à yã gↄ̃gↄ̃ talakanↄnɛ súusu,

SAAMUNƆ 99:4

Kína pì gbãaa vĩ, à ye yãzɛdeezi, àmbe à yãkpaɛkɛna a zɛ́a dìɛ, à yã gↄ̃̀gↄ̃ Yakubu boriinↄnɛ a zɛ́a.

DANIƐLI 4:37

Mamↄma Nɛbukanɛza mɛ́ɛ musu Kína sáabu kpaa sa mɛ́ɛ bɛ̀ɛ liinɛ mɛ́ɛ à tↄ́ kpaa, zaakɛ à yãkɛnanↄↄ maa píngi, ègↄ̃ yã kɛɛ a zɛ́a. Eé fↄ̃ à gbɛ̃ kɛ̀ è a zĩnda sɛ́ lezĩ busa.

LUKU 20:35

mↄde gbɛ̃ kɛ̀ Ludaa dìɛ kɛ̀ aↄ̃ kↄ̃ sìo wà bↄ gaan aↄ̃ anduna dufu leenↄ é nↄↄ sɛ́ro, aↄ̃é zã kɛro.

LUKU 21:36

À itɛ̃ kɛ, àgↄ̃ adua kɛɛ baabↄrɛ, lɛ à fↄ̃ à piti yã kɛ̀ èe mↄↄa píngi à zɛ Gbɛ̃ntee Nɛ́ aɛ.

ZĨRINƆ 13:46

Ben Pↄlu kↄ̃n Banabao yã òńnɛ kↄ̃n kùgbãaao wà bè: Ámbe à kↄ̃ sìo wà Luda yã oare gĩa káaku. Zaakɛ a gizi ée daa ée ká à wɛ̃̀ndi kɛ̀ è yãaroo ero, wé ɛara wà aɛ dↄ bori pãndenↄa sa.

ZĨRINƆ 14:22

aↄ̃ↄe Yesudeenↄ gbaa gbãaa, aↄ̃ↄe lɛ́ daaḿma aↄ̃ zɛ gbãa Yesu náanɛkɛna guu wà bè: Séde wà nawɛ̃a kɛ maamaa gĩa, gbasa wà gɛ̃ kpata kɛ̀ bↄ̀ Luda kiia guu.

ROMUDEENƆ 2:5

N swãgbãaa kɛ̀, nɛ́ɛ nↄ̀sɛ liɛro, nɛ́ɛ pↄfɛ̃ kaakↄ̃anzi ai Luda pↄfɛ̃pitammagurↄↄ zĩ, tó Luda yãkpaɛkɛna kↄ̃n gbɛ̃nↄ a zɛ́a bↄ̀ gupuraaa.

ROMUDEENƆ 8:17

Lán à nɛ́nↄn wa ũ nà, à túbiblerinↄn wa ũ. Luda túbiblerinↄn wa ũ, wé ble lɛdo kↄ̃n Kirisiomɛ. Tó wa nawɛ̃a kɛ̀o, wégↄ̃ kúo à gakui guu.

ƐFESUDEENƆ 4:1

Mamↄma kɛ̀ má dɛ pisina ũ Diinɛ, ma wɛ́ɛ kɛ̀awa a kuuna gↄ̃ dɛ lán Luda a sisi àgↄ̃ dɛ nà.

FILIPIDEENƆ 1:28

Àton tó a ibɛɛnↄ yãke vĩa a kũro. Beee égↄ̃ dɛńnɛ sèeda ũ kɛ̀ aↄ̃ mì pɛ̀ kaatɛnaa, amↄanↄ sↄ̃ é bↄ maa. Luda kɛnan gwe.

KƆLƆSEDEENƆ 1:12

lɛ àgↄ̃ De Luda sáabu kpaa, zaakɛ à wa ka baka kɛ̀ à dìɛ a gbɛ̃nↄnɛ gupuraan-a.

1 TƐSALONIKADEENƆ 2:14

Wa gbɛ̃nↄ, a yã kɛ̀ sɛ̃nkpɛ kↄ̃n Luda gbɛ̃ kɛ̀ aↄ̃ↄ kú Kirisi Yesu guu zaa Yudeanↄo, zaakɛ a bùsudeenↄ wɛ́ɛ tã̀awa se lán Yudanↄↄ tã̀ḿma nà.

2 TƐSALONIKADEENƆ 1:11

Beee yãnzin weègↄ̃ adua kɛɛare kↄ̃sↄ̃kↄ̃sↄ̃zi, lɛ wa Luda tó a kuuna ká gwena kɛ̀ à a sisia, à yã maaa kɛ̀ a zɛ kↄ̃n à kɛnaonↄ kↄ̃n zĩi kɛ̀ ée kɛɛ à náanɛkɛna guunↄ píngi papaare kↄ̃n a gbãaao.

2 TIMƆTI 2:12

Tó wa mɛna fↄ̃̀, wé kí bleo. Tó wa lɛ́ sɛ̀zi, eé sɛ́wazi se.

ZIA YÃ 15:4

Dii, dé bé à n vĩa vĩroo? Dé bé eé gí n tↄ́ kpázii? Zaakɛ n mɛ̀n do, ḿbe ń kú adona. Bori píngi é mↄ́ dↄnzi kɛnnɛ, zaakɛ n maakɛnanↄ bↄ̀ gupuraaa.

ZIA YÃ 16:7

Ben ma kòto mà bↄna sa'okiia à bè: Lɛmɛ, Dii Luda Gbãapingide, n yãkpaɛ kɛ̀ńyo a zɛ́amɛ, bensↄ̃ ń yãpuraa vĩ.

ZIA YÃ 19:2

zaakɛ è yãkpaɛ kɛ a zɛ́a kↄ̃n yãpuraaomɛ. À yãkpaɛ kɛ̀ kↄ̃n kaarua tↄ́dee kɛ̀ anduna yàka kↄ̃n a pãpãkɛnao. À a zↄ̀blerinↄ dɛdɛna gɛ̃ɛ bòa.

ZIA YÃ 3:4

Baa kↄ̃n beeeo ń gbɛ̃nↄ vĩ Saadi gwe féte kɛ̀ aↄ̃ↄe ń pↄ́kãsãanↄ gbãsĩ kpáro. Wé táa o lɛdo kↄ̃n pↄ́ puraao dana, zaakɛ aↄ̃ kà à lɛ́zĩ.