2 TƐSALONIKADEENƆ 1:11 - Bokobaru Bible

¹¹ Beee yãnzin weègↄ̃ adua kɛɛare kↄ̃sↄ̃kↄ̃sↄ̃zi, lɛ wa Luda tó a kuuna ká gwena kɛ̀ à a sisia, à yã maaa kɛ̀ a zɛ kↄ̃n à kɛnaonↄ kↄ̃n zĩi kɛ̀ ée kɛɛ à náanɛkɛna guunↄ píngi papaare kↄ̃n a gbãaao.

2 TƐSALONIKADEENƆ 1:11 Iomraidhean Croise

SAAMUNƆ 138:8

Dii é yã kɛ̀ à ò papamɛ. Dii, n gbɛ̃kɛɛ yãana vĩro, ǹton mamↄma kɛ̀ n ma kɛɛ tóro.

SAAMUNƆ 48:14

Zaakɛ Luda kɛ̀n wa Luda ũ gurↄ píngi, è dↄwe aɛ ai wà gá gáo gákiiamɛ.

SAAMUNƆ 51:18

Luda, ǹ aubarika da Zayↄn n pↄyezi maaa guu, ǹ Yerusalɛmu bĩi gba gbãaa,

SAAMUNƆ 68:20

Wa Luda nɛ́ Luda kɛ̀ è ń mì símɛ, Dii Luda bé è wa bↄ gaa lɛ́zĩ.

YAASINƆ 4:18

Gbɛ̃ maaanↄ zɛ́ dɛ lán gudↄna bàmɛ, à gupuraa ègↄ̃ bↄↄ lán ↄfãntɛ̃ bↄna bà.

DANIƐLI 3:17

Kí, tó wà wa zu mↄ̀datɛ guu, wa Dii kɛ̀ weè zↄ̀ dↄzi é fↄ̃ à wa bↄn à wa sí n ↄzĩ.

MAAKU 4:28

Tↄↄtɛ bé è pↄ́wɛɛ i a zĩnda. È kà pá gĩa, gbasa à nↄ̀ sí, à gbɛran è pia.

LUKU 12:32

Ma kpàsa nɛ́ngo gbɛ̃nↄ, àton vĩa kɛro, zaakɛ a De pↄyezimɛ à a kpá kpata pìn.

ROMUDEENƆ 1:9

Tó mɛ́ɛ adua kɛɛ gurↄ píngi, a yã è sãmaguro. Ludan ma sèedadee ũ. Àpin mɛ́ɛ dↄↄzi kↄ̃n nↄ̀sɛo do mɛ́ɛ à Nɛ́ yã baaru kpaa.

ROMUDEENƆ 11:29

Zaakɛ ludangbaanↄ kↄ̃n gbɛ̃ kɛ̀ à ń sísi à ń sɛ́nↄ è sí liɛro.

ROMUDEENƆ 15:14

Ma gbɛ̃nↄ, má dↄ̃ sãnsãn kɛ̀ maakɛɛ pɛ̀kↄ̃rɛawa, á yã píngi dↄ̃ wásawasa, é fↄ̃ à lɛ́ dakↄ̃a.

ROMUDEENƆ 8:30

Gbɛ̃ kɛ̀ à ń díɛ zaa káaku pìnↄn à ń sísi, ben à tò yã bↄ̀ kↄ̃n gbɛ̃ kɛ̀ à ń sísi pìnↄo nna, ben à tò gbɛ̃ kɛ̀ yã bↄ̀ńyo nnaa pìnↄ gↄ̃ gakui vĩ.

1 KƆRINTIDEENƆ 1:8

Wa Dii Yesu Kirisi é tó à zɛ gbãa ai gurↄ lɛ́ ká, lɛ àgↄ̃ kuu taari sai à mↄ́gurↄ.

ƐFESUDEENƆ 1:16

mɛ́ɛ kámma bo kↄ̃n Luda sáabukpanao a yã musuro. A yã ègↄ̃ dↄmagu ma aduakɛna guu.

ƐFESUDEENƆ 1:5

à gĩakɛ à wa diɛ a nɛ́nↄ ũ Yesu Kirisi gãzĩ lán èe wɛtɛɛ a pↄyezi guu nà,

ƐFESUDEENƆ 1:9

à tò wa a pↄyezi asii dↄ̃̀ lán à zɛ̀o à kɛ Kirisi gãzĩ nà.

FILIPIDEENƆ 1:6

Má dↄ̃ sãnsãn, lán Luda zĩ maaa dàɛ a tɛ́ nà, eégↄ̃ kɛɛ ai à gá mì dɛo Kirisi Yesu mↄ́gurↄzĩ.

FILIPIDEENƆ 2:13

Zaakɛ Luda bé èe zĩi kɛɛ a guu, lɛ àgↄ̃ ye à pↄyezizi gbasa à kɛ.

FILIPIDEENƆ 3:14

Mɛ́ɛ pɛɛ pↄ́ kɛ̀ ma wɛ́ɛ dↄzia, lɛ mà àre kɛ̀ Luda wa sisia gana musu e Kirisi Yesu gãzĩ.

1 TƐSALONIKADEENƆ 1:3

Lán èe zĩi kɛɛ a ludanaanɛkɛnaa nà, èe aĩa kɛɛ yenzi guu, bensↄ̃ èe mɛna kɛɛ wɛ́ɛdↄna wa Dii Yesu Kirisizi yãnzi, yã pìnↄ ègↄ̃ dↄwagu Luda wa De aɛzĩ.

2 TƐSALONIKADEENƆ 1:5

Beee ↄ̀dↄa kɛ̀ Luda è yã gↄ̃gↄ̃ kↄ̃n gbɛ̃nↄ a zɛ́amɛ. Beee yãnzi a ka à gɛ̃ kpata kɛ̀ bↄ̀ Luda kiia guu kɛ̀ ée nawɛ̃a kɛɛ à yãnzi.

2 TƐSALONIKADEENƆ 2:14

Luda a sisi à a sɛ baaru nnaa kɛ̀ wá kpàare yãnzi, lɛ a baka gↄ̃ kú wa Dii Yesu Kirisi gakui guu.

EBERUNƆ 12:2

Wà wɛ́ɛ pɛ́ Yesua kɛ̀ bↄ̀ kↄ̃n wa ludanaanɛkɛna zɛ́o bensↄ̃ à zɛ́ pì kɛ̀ papana. À gana lía fↄ̃̀, èe à wíyã daro pↄnnaa kɛ̀ diɛnanɛ ena yãnzi, ben à gàa à vɛ̃̀ɛ Luda kíblekita ↄplazi.

EBERUNƆ 3:1

Beee yãnzi ma gbɛ̃nↄ, amↄa kɛ̀ Luda a sisi a mↄ a kiianↄ, à laasuu lɛ́ Yesu kɛ̀ Luda à zĩ̀ Sa'oriki kɛ̀ wa zɛo ũua.

1 PITA 5:10

Luda Aubarikapingide a sisi a gakui kɛ̀ è yãarooa Kirisi guu. Tó a nawɛ̃a kɛ̀ féte, eé a bↄ maa, eé a zɛ gíngin, eé a gba gbãaa, eé a kãsãa pɛ́ɛ.

ZIA YÃ 3:4

Baa kↄ̃n beeeo ń gbɛ̃nↄ vĩ Saadi gwe féte kɛ̀ aↄ̃ↄe ń pↄ́kãsãanↄ gbãsĩ kpáro. Wé táa o lɛdo kↄ̃n pↄ́ puraao dana, zaakɛ aↄ̃ kà à lɛ́zĩ.

ZIA YÃ 5:10

N ń kpá kpatan, aↄ̃ gↄ̃̀ wa Luda gbã̀gbãrinↄ ũ, aↄ̃égↄ̃ kí blee tↄↄtɛa.