1 TƐSALONIKADEENƆ 4:3 - Bokobaru Bible

³ Ludaa yezi a kuuna gↄ̃ adona, à mì kɛ̃ pãpãkɛnaa.

1 TƐSALONIKADEENƆ 4:3 Iomraidhean Croise

SAAMUNƆ 143:10

Ḿbe ma Luda ũ, ǹ n pↄyeziyã damɛ. Ǹ tó n Nini maaa dↄmɛ aɛ gusararaan.

SAAMUNƆ 40:8

Má ye n pↄyezi kɛmɛ, ma Luda, n doka kú ma swɛ̃̀ guu.

MATIU 12:50

Zaakɛ gbɛ̃ kɛ̀ è ma De kɛ̀ kú musu pↄyezi kɛɛn ma dãaro kↄ̃n ma dãreo kↄ̃n ma dao ũ.

MATIU 15:19

Zaakɛ zaa swɛ̃̀ guun laasuu zaaa è bↄn: Gbɛ̃dɛna, zinakɛna, pãpãkɛna, kpãi'ona, ɛgɛtona kↄ̃n gbɛ̃sↄ̃sↄ̃nao.

MATIU 5:32

Mapi sↄ̃, mɛ́ɛ ooare, gbɛ̃ kɛ̀ gì a naↄ̃zi, tó èe kɛ à gↄ̃pↄsɛɛ kɛ̀nlo, à zã pì bé è tó à gↄ̃ zinakɛri ũ. Gbɛ̃ kɛ̀ nↄↄ kɛ̀ wà gìzi sɛ̀ sↄ̃ zina kɛ̀n gwe.

MATIU 7:21

Èe kɛ gbɛ̃ kɛ̀ ègↄ̃ ma sisii Dii, Dii, bé eé gɛ̃ kpata kɛ̀ bↄ̀ Luda kiia guuro, sé gbɛ̃ kɛ̀ è ma De kɛ̀ kú musu pↄyezi kɛɛ.

MAAKU 3:35

Gbɛ̃ kɛ̀ è Luda pↄyezi kɛɛn ma dãaro kↄ̃n ma dãreo kↄ̃n ma dao ũ.

YOHANA 4:34

Ben Yesu bèńnɛ: Ma pↄ́bleen gbɛ̃ kɛ̀ ma zĩi pↄyezikɛna ũ ai mà zĩi kɛ̀ à dàmɛɛ mì dɛ.

YOHANA 7:17

Gbɛ̃ kɛ̀ yezi à zɛ kↄ̃n Luda pↄyezikɛnao égↄ̃ dↄ̃ tó ma yãdannɛna dɛ Luda pↄ́ ũ, kesↄ̃ ma zĩnda yãn mɛ́ɛ oo.

ZĨRINƆ 15:20

Wà takada kɛ̃ńnɛ aↄ̃ mì kɛ̃ tãa pↄ́bleea kↄ̃n pãpãkɛnao kↄ̃n nↄ̀bↄ kòtokpasaio kↄ̃n aruo.

ZĨRINƆ 15:29

À mì kɛ̃ nↄ̀bↄ kɛ̀ wà saa òo tãaaa kↄ̃n aruo kↄ̃n nↄ̀bↄ kòtokpasaio kↄ̃n pãpãkɛnao. À maa à mì kɛ̃ beeenↄa. Wà kↄ̃ e aafia!

ZĨRINƆ 20:32

Tia sa mɛ́ɛ a naa Ludanɛ a ↄzĩ kↄ̃n à gbɛ̃kɛ yã kɛ̀ eé fↄ̃ à gbãaa kaaraareeo, à a gba zɛ́ lɛ a baka gↄ̃ kú kↄ̃n à gbɛ̃nↄ ń píngi.

ZĨRINƆ 26:18

lɛ ǹ ń wɛ́ɛ kɛ̃ńnɛ, aↄ̃ kpɛɛ li gusiaanɛ wà aɛ dↄ gupuraaa, aↄ̃ bↄ Setãn gbãaan wà gɛ̃ Luda pↄ́n, lɛ aↄ̃ durunnↄ e à kɛ̃ḿma, aↄ̃ baka gↄ̃ kú kↄ̃n Luda gbɛ̃nↄ ma náanɛkɛna yãnzi.

ROMUDEENƆ 1:29

Yã zaa píngi pɛ̀kↄ̃rɛḿma: Nↄ̀sɛ pãsĩ, wɛ́ɛkaka, kɛna kↄ̃o ĩi, nↄ̀sɛgↄ̃aanↄ, gbɛ̃dɛna, swèe, gbɛ̃blena kↄ̃n mↄnafikikɛnao. Kↄmↄtↄdeenↄn ń ũ,

ROMUDEENƆ 12:2

Àton tɛ́ anduna tiaa kɛ̀ tuubaziro. À tó Luda a dà liɛ, a làakari e à gↄ̃ dufu, lɛ à e à à pↄyezi dↄ̃, yã kɛ̀ maa, ben à nna, ben à papana.

ROMUDEENƆ 6:22

Tia sa lán a bↄ durun yãn nà ée dↄↄ Ludazi, a àren kuuna adona ũ, à mìdɛna sↄ̃ nɛ́ wɛ̃̀ndi kɛ̀ è yãaroomɛ.

1 KƆRINTIDEENƆ 1:30

Apinↄ sↄ̃, Ludaa tò á kú Kirisi Yesu guu, ben à gↄ̃̀ wa ↄ̃ndↄ̃ↄ ũ. Kuuna Kirisi pì guu Ludaa tò yã bↄ̀wao nna, wa kuuna adona, bensↄ̃ à wa mì sì.

1 KƆRINTIDEENƆ 7:2

Mↄde kɛ̀ pãpãkɛna dàgula yãnzi, gↄ̃gbɛ̃ píngi gↄ̃ a zĩnda nↄↄ vĩ, nↄgbɛ̃ píngi gↄ̃ a zĩnda gↄ̃ↄ vĩ.

2 KƆRINTIDEENƆ 12:21

Vĩa e ma kũu kɛ̀ tó ma ɛara ma mↄ a kiia, ma Luda é tó wí ma kũ a aɛzĩ. Gbɛ̃ kɛ̀ aↄ̃ durun kɛ̀ yã, aↄ̃ gbãsĩ kɛ̀, aↄ̃ pãpãa kɛ̀, aↄ̃ wísaiyã kɛ̀nↄ, tó aↄ̃ↄe nↄ̀sɛ liɛ wà mì kɛ̃̀ yã pìnↄaro, mɛ́ pↄsiaa kɛńyo.

GALATIANƆ 5:19

Wá wa gbɛ̃nteekɛdanↄ dↄ̃ sãnsãn: Pãpãkɛna, gbãsĩkɛna, wísaiyã,

ƐFESUDEENƆ 5:17

Beee yãnzi àtongↄ̃ mìsaideenↄ ũro, àgↄ̃ dↄ̃ lán Dii pↄyezi dɛ nà.

ƐFESUDEENƆ 6:6

Àton zĩi kɛńnɛ ń wɛ́ɛ yãnziro. Àgae Luda pↄyezi kɛ kↄ̃n yãpuraao kɛ̀ ámbe Kirisi zↄ̀nↄ ũ yãnzi.

KƆLƆSEDEENƆ 1:9

Beee yãnzi zaa gurↄↄ kɛ̀ wa a baaru mà, weègↄ̃ wɛ́ɛ kɛɛare Ludaa yãana sai, lɛ à tó à a pↄyezi dↄ̃ wásawasa, à Ninii a gba ↄ̃ndↄ̃ kↄ̃n wɛ́ɛzɛ̃ɛo píngi,

KƆLƆSEDEENƆ 3:5

Beee yãnzi à anduna yã kɛ̀ aↄ̃ↄ kú a nↄ̀sɛ guunↄ dɛ: Pãpãkɛna, wíyã, mɛ̀fɛɛna, yã zaa nidɛna kↄ̃n wãkũo. Pↄ́ kɛ̀ gbɛ̃ è à wãkũ kɛɛ gↄ̃̀nɛ à dii ũmɛ.

KƆLƆSEDEENƆ 4:12

A gbɛ̃ndo Ɛpafara, Kirisi Yesu zↄ̀bleri ì kpàawa. Ègↄ̃ aĩa kɛɛ kↄ̃n aduakɛnaareeo gurↄ píngi, lɛ à e à kàsara kũ àgↄ̃ papana Luda pↄyezi guu.

1 TƐSALONIKADEENƆ 4:2

Á yã kɛ̀ wá dàare kↄ̃n Dii Yesu tↄ́o dↄ̃.

1 TƐSALONIKADEENƆ 4:4

A baade gↄ̃ a zĩnda kũna dↄ̃ kↄ̃n bɛ̀ɛo gbãsĩ sai,

1 TƐSALONIKADEENƆ 5:18

Àgↄ̃ Luda sáabu kpaa yã píngi musu. Beee bé à dɛare à pↄyezi ũ Kirisi Yesu guu.

1 TƐSALONIKADEENƆ 5:23

Luda Aafiade tó a kuuna gↄ̃ kú adona yã sãnda píngi guu, à a nini kↄ̃n a wɛ̃̀ndio kↄ̃n a mɛ̀o dãkpaare aafia taari sai ai wa Dii Yesu Kirisi mↄ́gurↄↄ zĩ.

2 TƐSALONIKADEENƆ 2:13

Wa gbɛ̃ Dii yenzideenↄ, à maa wàgↄ̃ Luda sáabu kpaa gurↄ píngi a yã musu, zaakɛ Luda a sɛ zaa káaku, lɛ à bↄ kↄ̃n à Ninii kɛ̀ tò wa gↄ̃ a pↄ́ ũ gbãaao a yãpura sina yãnzi.

TITU 2:14

À a zĩnda kpà wa yãnzi, à wa bↄ zaa píngi guu, à wa gbãsĩ gògo, lɛ wà gↄ̃ a zĩnda gbɛ̃ kɛ̀ aↄ̃ↄ maakɛna aĩa vĩinↄ ũ.

EBERUNƆ 10:36

Séde àgↄ̃ mɛna vĩ, lɛ à pↄ́ kɛ̀ Luda à lɛ́ gbɛ̃̀ e à pↄyezi kɛna gbɛra.

EBERUNƆ 12:16

A gbɛ̃ke tóngↄ̃ dɛ pãpãkɛri ke ludayãdarisai ũ lán Isau bàro. À a daudukɛzɛ yà pↄ́ gɛ̃̀n do blena yãnzi.

EBERUNƆ 13:21

à a kɛkɛ kↄ̃n maa píngio, lɛ à à pↄyezi kɛ à yã kɛ̀ kànɛ kɛ wa guu Yesu Kirisi gãzĩ. Àmbe à gakui vĩ gurↄ píngi, aami.

EBERUNƆ 13:4

Baade gae nↄsɛna da yã bɛ̀ɛdee ũ. Aↄ̃ton ń daɛkii gbãsĩ kpáro, zaakɛ Luda é yãkpaɛ kɛ kↄ̃n zinakɛrinↄ kↄ̃n pãpãkɛrinↄo.

1 PITA 1:2

De Luda gĩakɛ à a dↄ̃, ben à a sɛ, a gↄ̃ à pↄ́ ũ kↄ̃n à Ninii gbãaao, lɛ à mì siɛ Yesu Kirisinɛ, à aru a gbãsĩ gogo. Luda gbɛ̃kɛ kↄ̃n aafiao kaaraare.

1 PITA 4:2

Gurↄↄ kɛ̀ gↄ̃̀are a kuuna guu, a dà zaaa tóngae dↄare aɛ dↄro, sé Luda pↄyezi.

1 YOHANA 2:17

Anduna e gɛ̃tɛɛ kↄ̃n a pↄ́nidɛnao, mↄde ludapↄyezikɛri égↄ̃ kuu gurↄ píngimɛ.

ZIA YÃ 21:8

Mↄde vĩadeenↄ kↄ̃n náanɛsaideenↄ kↄ̃n zaakɛrinↄ kↄ̃n gbɛ̃dɛrinↄ kↄ̃n zinakɛrinↄ kↄ̃n ɛ̃zɛ̃deenↄ kↄ̃n tãagbãgbãrinↄ kↄ̃n mↄnafikideenↄ píngi, aↄ̃ baka égↄ̃ dɛ tɛ́ sɛ̀bɛ kɛ̀ è kũ kↄ̃n ↄfãntɛ̃gbↄ̃o ũmɛ. Ga plaadeen gwe.

ZIA YÃ 22:15

Mↄde lɛwannↄ égↄ̃ kú gwero, ɛ̃zɛ̃deenↄ kↄ̃n pãpãkɛrinↄ kↄ̃n gbɛ̃dɛrinↄ kↄ̃n tãagbãgbãrinↄ kↄ̃n gbɛ̃ kɛ̀ aↄ̃ↄ ye mↄnafiki yãkɛnazinↄ.