1 TƐSALONIKADEENƆ 2:9 - Bokobaru Bible

⁹ Ma gbɛ̃nↄ, à tó wa zĩkɛna kↄ̃n nawɛ̃ao yã dↄagu. Gurↄↄ kɛ̀ wée baaru nnaa kɛ̀ bↄ̀ Luda kiia pì kpaaare, weègↄ̃ zĩi kɛɛ fãantɛ̃ kↄ̃n gwãavĩo, lɛ wàton gↄ̃ a gbɛ̃kenɛ asoo ũro yãnzi.

1 TƐSALONIKADEENƆ 2:9 Iomraidhean Croise

2 KINANƆ 6:2

Wà gá Yodazi, wa baade é lí zↄ̃ wà kpɛ́ dↄo gwe, guu kɛ̀ wégↄ̃ kun. Ben Ɛlisa bè: À gá.

NƐƐMAYA 5:15

Dↄn'aɛde káaku kɛ̀ à dↄ̀mɛ aɛnↄ aso tìisi tↄ̃̀ gbɛ̃nↄa, aↄ̃ pↄ́ble kↄ̃n geepiwɛ̃ɛo sì baadea kↄ̃n kondogi ↄↄ mɛ̀n baplaplaao. Aↄ̃ ìbanↄ gbãaa blèḿma dↄ. Mapi sↄ̃, mɛ́ɛ kɛ lɛro, zaakɛ má Luda vĩa vĩ.

NƐƐMAYA 5:18

Lán guu è dↄ nà wègↄ̃ zù kɛkɛɛmɛ mɛ̀n doodo kↄ̃n sã mɛ̀kpananↄ mɛ̀n swɛɛdodo kↄ̃n koonↄ, bensↄ̃ wègↄ̃ geepiwɛ̃ɛ baa bítabita gurↄ kuri kↄ̃n gurↄ kurio. Baa kↄ̃n beeeo mɛ́ɛ dↄn'aɛdekɛ pↄ́blee gbekaḿmaro, zaakɛ zĩi kɛ̀ gbɛ̃ beeenↄↄ e kɛɛ bíta.

SAAMUNƆ 32:4

N ↄ tↄ̃̀ma fãantɛ̃ kↄ̃n gwãavĩo, ma gbãaa yã̀a lán guwãagurↄ ↄfãntɛ̃ bé à ma lɛɛ bà.

SAAMUNƆ 88:1

Dii Luda ma Mìsiri, mɛ́ɛ wii pɛɛnzi fãantɛ̃ kↄ̃n gwãavĩo.

YAASINƆ 31:18

Ègↄ̃ dↄ̃ kɛ̀ é yàra e, à fitia tɛ́ ègↄ̃ nana gwãavĩmɛ.

LUKU 18:7

Luda é zɛ kↄ̃n gbɛ̃ kɛ̀ à ń sɛ́ aↄ̃ↄe wii lɛɛa fãantɛ̃ kↄ̃n gwãavĩnↄoroo? Eé kɛ kↄkↄkↄ kↄ̃n weńlanaon yↄ́?

LUKU 2:37

ben à gↄ̃̀ gyaanↄↄ ũ ai wɛ̃̀ basiigↄ̃ awɛɛsiigↄ̃. È bↄ Luda uaro, ègↄ̃ dↄↄ Ludazi fãantɛ̃ kↄ̃n gwãavĩo kↄ̃n lɛ́yinao kↄ̃n aduakɛnao.

ZĨRINƆ 18:3

ben à pìtaḿma, èe zĩi kɛɛńyo kɛ̀ ↄzĩdↄ̃nkↄ̃kɛrinↄn ń ũ yãnzi. Zaakɛ bisakutakɛrinↄn ń ũ ń píngi.

ZĨRINƆ 20:24

Mↄde ma wɛ̃̀ndi bɛ̀ɛ vĩmɛ dↄro, séde mà yã kɛ̀ mɛ́ɛ pɛɛa le mà zĩi kɛ̀ Dii Yesu dàmɛɛ kɛ mà à mì dɛ. Àmbe Luda gbɛ̃kɛ baarunnakpana gbɛ̃nↄnɛ ũ.

ZĨRINƆ 20:31

Beee yãnzi àgↄ̃ kú a làakaria. Lán ma lɛ́ dà a baadea kↄ̃n wɛ́ɛ'io nà fãantɛ̃ kↄ̃n gwãavĩo wɛ̃̀ aagↄ̃ↄ dagura kámmabosai, à tó à yã gↄ̃ dↄagu.

ROMUDEENƆ 1:1

Mamↄma Pↄlu, Kirisi Yesu zↄ̀bleri, Luda ma sisi à ma diɛ a zĩ̀ri ũ, baaru nnaa

ROMUDEENƆ 15:16

ma gↄ̃ Kirisi Yesu zĩkɛri ũ bori pãndenↄnɛ. Mɛ́ɛ baaru nnaa kɛ̀ bↄ̀ Luda kiia kpaańnɛ, lɛ aↄ̃ kuuna gↄ̃ adona Luda Nini gãzĩ, aↄ̃ gↄ̃ Ludanɛ sa'obↄ kɛ̀ è kɛnɛ ũ.

ROMUDEENƆ 15:19

kↄ̃n sèedanↄ kↄ̃n dabudabuyãnↄ gbãaao kↄ̃n Luda Nini gbãaao. Bↄna Yerusalɛmu ma liga wɛ́tɛ kↄ̃n wɛ́tɛo ai Ilirikumu bùsun, ma Kirisi baaru kpàakpa kɛ̀ papana.

1 KƆRINTIDEENƆ 4:12

Weè zĩ gbãaa kɛ ai wà kpasa. Tó wà wa ka, weè sa maaa ońnɛmɛ. Tó wà ĩa dàwa, weè mɛna fↄ̃.

1 KƆRINTIDEENƆ 9:15

Baa kↄ̃n beeeo mɛ́ɛ zɛ́ pìnↄ ke sɛ́ro, bensↄ̃ mɛ́ɛ beee oo lɛ wà kɛmɛ yãnzinlo. Gaa maamɛ dɛ beeela. Gbɛ̃ke é e à kpá ma ĩadãna kɛ̀nɛro.

1 KƆRINTIDEENƆ 9:18

Bↄ́mɛ ma asaia ũu? Tó ma baaru nnaa pì kpà ↄsãsãna sai, tó mɛ́ɛ iko kɛ̀ má vĩ baaru nnaa pì kpana guu kɛḿmaro, ma asaian gwe.

1 KƆRINTIDEENƆ 9:4

Má pↄ́blena kↄ̃n íminao zɛ́ vĩ ma zĩi guuroo?

2 KƆRINTIDEENƆ 11:27

Ma zĩ gbãaa kɛ̀ kↄ̃n wãwãao, ma itɛ̃ kɛ̀ à gɛ̃̀n lɛ́ vĩro, nↄaa ma dɛ, ímii ma dɛ, mɛɛ̀gↄ̃ kuu pↄ́blee sai gɛ̃̀n baaagↄ̃, má tɛ́ bũu ĩa guu.

2 KƆRINTIDEENƆ 11:9

Gurↄↄ kɛ̀ má kúao, tó pↄ́ e kɛ̃sãama, mɛɛ̀ ĩa da gbɛ̃kearo. Wa gbɛ̃ kɛ̀ aↄ̃ bↄ̀ Masedonia bùsunnↄ mↄ̀mɛ kↄ̃n pↄ́ kɛ̀ èe kɛ̃sãamaao. Mɛ́ɛ we mà kɛ a gbɛ̃kenɛ asoo ũro, bensↄ̃ mɛ́ we mà kɛ a gbɛ̃kenɛ asoo ũro.

2 KƆRINTIDEENƆ 6:5

Wà wa gbɛ̃, wà wa ka kpɛ́siaan, wà fɛ̀ɛwazi. Wa zĩ gbãaa kɛ̀, wée e wà ii òro, nↄaa wa dɛ.

FILIPIDEENƆ 4:16

Baa gurↄↄ kɛ̀ má kú Tɛsalonika, a pↄ́ kɛ̀ mɛ́ɛ à ni dɛɛnↄ kpã̀sãmɛ dɛ gɛ̃̀n doola.

1 TƐSALONIKADEENƆ 1:3

Lán èe zĩi kɛɛ a ludanaanɛkɛnaa nà, èe aĩa kɛɛ yenzi guu, bensↄ̃ èe mɛna kɛɛ wɛ́ɛdↄna wa Dii Yesu Kirisizi yãnzi, yã pìnↄ ègↄ̃ dↄwagu Luda wa De aɛzĩ.

1 TƐSALONIKADEENƆ 2:2

Á dↄ̃ lán wà wɛ́ɛ tã̀wa nà, wa nawɛ̃a kɛ̀ káaku zaa Filipi, ben Luda wa gba kùgbãaa, wa à baaru nnaa kpàare ↄsi kↄ̃n ↄsiio.

1 TƐSALONIKADEENƆ 2:6

Wée sáabu wɛtɛ gbɛ̃ntee kiiaro, apinↄ ke gbɛ̃ pãndenↄ.

1 TƐSALONIKADEENƆ 3:10

Gwãavĩ kↄ̃n fãantɛ̃o weègↄ̃ wɛ́ɛ kɛɛ maamaa, lɛ wà e wà wɛ́ɛ sikↄ̃lɛ, wà pↄ́ kɛ̀ kɛ̃̀sã a ludanaanɛkɛna guu papaare.

1 TIMƆTI 1:11

Yãzɛdee pì kↄ̃ sɛ̀ kↄ̃n baaru nnaa gakuidee kɛ̀ Luda aubarikadee à kpana nàmɛ ma ↄzĩo.

1 TIMƆTI 4:10

Weè zĩi kɛ, weè ↄsi ká à musu, zaakɛ wa wɛ́ɛ dↄ Luda Wɛ̃̀ndidezi. Àmbe gbɛ̃ sãnda píngi Mìsiri ũ, atɛ̃nsa à náanɛkɛrinↄ.

1 TIMƆTI 5:5

Gyaanↄↄ kɛ̀ gbɛ̃ke vĩro wɛ́ɛ dↄ Ludazi, àgↄ̃ adua kɛɛ àgↄ̃ dↄnlɛ gbekaaa gwãavĩ kↄ̃n fãantɛ̃o.

2 TIMƆTI 1:3

Ma sáabu kɛ̀ ma dezinↄ Ludanɛ kɛ̀ mɛɛ̀ dↄzi kↄ̃n nↄ̀sɛ puraao, zaakɛ n yã ègↄ̃ dↄↄmagu yãana sai ma aduakɛna gwãavĩ kↄ̃n fãantɛ̃o guu.