1 TƐSALONIKADEENƆ 1:3 - Bokobaru Bible

³ Lán èe zĩi kɛɛ a ludanaanɛkɛnaa nà, èe aĩa kɛɛ yenzi guu, bensↄ̃ èe mɛna kɛɛ wɛ́ɛdↄna wa Dii Yesu Kirisizi yãnzi, yã pìnↄ ègↄ̃ dↄwagu Luda wa De aɛzĩ.

1 TƐSALONIKADEENƆ 1:3 Iomraidhean Croise

NAANA 29:20

Ben Yakubu zĩi kɛ̀nɛ wɛ̃̀ swɛɛplaa Rasɛli yãnzi, ase à kɛ̀nɛ lán gurↄ plaaa bàmɛ kɛ̀ à yezi yãnzi.

LAASUUDEE 2:26

Luda è ↄ̃ndↄ̃ kↄ̃n dↄ̃nao kↄ̃n pↄnnaao kpá gbɛ̃ kɛ̀ à kɛ̀nɛa, mↄde è auziki kakↄ̃ana zĩi da durunkɛrinɛ lɛ à sí à kpá gbɛ̃ kɛ̀ à kɛ̀nɛa. Beee nɛ́ yã pãamɛ dↄ, pɛna gukoriamɛ.

YOHANA 14:15

Tó á yemazi, égↄ̃ yã kɛ̀ má dìɛnↄ kũna.

YOHANA 15:10

Tó á yã kɛ̀ má dìɛnↄ kũna, égↄ̃ kú ma yenzi guu, lán má yã kɛ̀ ma Dee dìɛnↄ kũna nà, bensↄ̃ má kú a yenzi guu.

ZĨRINƆ 10:31

à bè: Kↄnɛliu, Luda n aduakɛna sì, n gbadana kànɛ.

ZĨRINƆ 3:19

Bee yãnzi à nↄ̀sɛ liɛ à aɛ dↄ Ludaa, a durunnↄ é kɛ̃awa, lɛ à mↄ́are nↄ̀sɛkpaɛnao

ROMUDEENƆ 12:12

À pↄnnaa kɛ yã kɛ̀ a wɛ́ɛ dↄzi yã musu. À mɛna fↄ̃ nawɛ̃akɛna guu. À mɛ̀ kpá aduakɛnaa.

ROMUDEENƆ 15:13

Luda kɛ̀ gbɛ̃ píngi wɛ́ɛ dↄzi tó pↄnnaa pɛkↄ̃rɛawa kↄ̃n aafiao a náanɛ kɛ̀ ée kɛɛ yãnzi, lɛ a wɛ́ɛdↄzina kaara kↄ̃n à Ninii gbãaao.

ROMUDEENƆ 15:4

Yã kɛ̀ wà kɛ̃̀ yã píngi, wà kɛ̃̀ lɛ́danawaa yãnzimɛ. Luda yã pì è wa gba mɛna, è wa gba swɛ̃̀ lɛ wàgↄ̃ tãmaa vĩ.

ROMUDEENƆ 16:26

Luda kɛ̀ ègↄ̃ kuu gurↄ píngi dìɛ wà yã kɛ̀ kɛ̃na annabinↄ takadanↄ guu pì bↄ gupuraaa sa, lɛ bori píngi e à dↄ̃ aↄ̃ Luda náanɛ kɛ aↄ̃ gↄ̃ à yãmarinↄ ũ.

ROMUDEENƆ 16:6

À ì kpá Mariamaa, àmↄ kɛ̀ zĩi kɛ̀are maamaa.

ROMUDEENƆ 2:7

Gbɛ̃ kɛ̀ aↄ̃ↄe gakui kↄ̃n bɛ̀ɛo kↄ̃n mɛ̀vãsaio wɛtɛɛ bensↄ̃ aↄ̃ↄe à maaa kɛɛ kↄ̃n mɛnaonↄ é wɛ̃̀ndi kɛ̀ è yãaroo e.

1 KƆRINTIDEENƆ 13:13

Tia sa yã mɛ̀n aagↄ̃ↄ kɛ̀nↄ bé wà gↄ̃̀: Ludanaanɛkɛna kↄ̃n tãmaao kↄ̃n yenzio, mↄde yenzi bé à dɛńla.

1 KƆRINTIDEENƆ 15:58

Beee yãnzi ma gbɛ̃ yenzideenↄ, à zɛ gbãa gíngin bↄru kpɛɛ sai. À wɛ́ɛ tã Dii zĩizi gurↄ píngi, zaakɛ á dↄ̃ kɛ̀ zĩi kɛ̀ ée kɛɛ Diinɛ pãro.

2 KƆRINTIDEENƆ 2:17

Wá dɛ lán gbɛ̃ kɛ̀ aↄ̃ègↄ̃ laa taa kↄ̃n Luda yãonↄ bàro. Kirisi guu weè yã o kↄ̃n nↄ̀sɛpuraao kↄ̃n Luda dↄ̃nao à zĩ̀rinↄ ũ.

GALATIANƆ 1:4

Kirisi gì a wɛ̃̀ndizi wa De Luda pↄyezia, à wa durun kɛ̃̀we, lɛ à wa bↄ anduna tia zaaa kɛ̀kiin.

GALATIANƆ 5:13

Amↄanↄ sↄ̃ ma gbɛ̃nↄ, Luda a sisi à gↄ̃ wɛ̃ɛnɛnↄ ũmɛ, mↄde àton tó a gↄ̃na wɛ̃ɛnɛnↄ ũu pì gↄ̃are pↄyezikɛna zɛ́ ũro. Àgↄ̃ mì siɛkↄ̃nɛ kↄ̃n yenzio,

GALATIANƆ 5:6

Kirisi Yesu guu bã̀ngukɛna ke bã̀ngukɛnasai yãke vĩro, séde Yesu náanɛkɛna kɛ̀ è yenzi ińnɛ.

GALATIANƆ 6:9

Wàton kpasa kↄ̃n maakɛnaoro, zaakɛ tó wée kámma booro, wé àre e a gurↄↄa.

1 TƐSALONIKADEENƆ 3:6

Kɛ̀ Timↄti sù sa, à a ludanaanɛkɛna kↄ̃n a yenzio baaru kpàwe. À bè wa yã ègↄ̃ dↄagu kↄ̃n laasuu maaao, bensↄ̃ ée wa bɛgɛ kɛɛ lán wée a bɛgɛ kɛɛ nà.

2 TƐSALONIKADEENƆ 1:11

Beee yãnzin weègↄ̃ adua kɛɛare kↄ̃sↄ̃kↄ̃sↄ̃zi, lɛ wa Luda tó a kuuna ká gwena kɛ̀ à a sisia, à yã maaa kɛ̀ a zɛ kↄ̃n à kɛnaonↄ kↄ̃n zĩi kɛ̀ ée kɛɛ à náanɛkɛna guunↄ píngi papaare kↄ̃n a gbãaao.

2 TƐSALONIKADEENƆ 1:3

Wa gbɛ̃nↄ, à kↄ̃ sìo wàgↄ̃ Luda sáabu kpaa a yã musu gurↄ píngi, lán à maa nà, zaakɛ a ludanaanɛkɛna e gaa aɛ maamaa, bensↄ̃ yenzi kɛ̀ a baade vĩ kↄ̃o e kaara.

1 TIMƆTI 1:14

Ben wa Dii gbɛ̃kɛ bíta kɛ̀mɛ, à tò ma a náanɛ kɛ̀, ben má yenzi kɛ̀ dɛ wa pↄ́ ũ kuuna Kirisi Yesu guu vĩ.

1 TIMƆTI 2:3

Beee bé à maa, è ká Luda wa Mìsirinɛ

EBERUNƆ 10:36

Séde àgↄ̃ mɛna vĩ, lɛ à pↄ́ kɛ̀ Luda à lɛ́ gbɛ̃̀ e à pↄyezi kɛna gbɛra.

EBERUNƆ 11:17

Kɛ̀ Luda Ibraĩ yↄ̃̀ à gwà, ben Ibraĩ Luda náanɛ kɛ̀, à Isaaku kpà sa'opↄ ũ. Luda lɛ́ gbɛ̃̀nɛ yã à bè, Isaaku boriinↄn weégae benɛ a boriinↄ ũ. Baa kↄ̃n beeeo à zɛ̀ kↄ̃n a nɛ́ mɛ̀n doo pì kpanao.

EBERUNƆ 13:21

à a kɛkɛ kↄ̃n maa píngio, lɛ à à pↄyezi kɛ à yã kɛ̀ kànɛ kɛ wa guu Yesu Kirisi gãzĩ. Àmbe à gakui vĩ gurↄ píngi, aami.

EBERUNƆ 4:11

Tó lɛmɛ, wà wɛ́ɛ tã wà gɛ̃ kámmabokii pìn, lɛ wa gbɛ̃ke tón gí Luda yã mazi, à fu lán ń bàro yãnzi.

EBERUNƆ 6:15

Ibraĩ mɛna fↄ̃̀, ben à pↄ́ kɛ̀ Luda à lɛ́ gbɛ̃̀nɛ è.

1 PITA 3:4

Mↄde àgↄ̃ dɛ a nↄ̀sɛ guu yã kɛ̀ è yãaroo ũ, nↄ̀sɛyĩi kↄ̃n zĩndabusanao. Beee bé à bɛ̀ɛ vĩ Ludanɛ.

1 YOHANA 3:18

Ma nɛ́ yenzideenↄ, wàtongↄ̃ yekↄ̃zi kↄ̃n lɛ́oro. Wàgↄ̃ yekↄ̃zi yãpuraa guu kↄ̃n wa yãkɛnao.

1 YOHANA 3:21

Ma gbɛ̃ yenzideenↄ, tó wá laasuu e wa kù vĩro, wa swɛ̃̀ égↄ̃ diɛna Luda aɛ,

1 YOHANA 3:3

Gbɛ̃ kɛ̀ wɛ́ɛ dↄzi lɛ è a swɛ̃̀ pípi, lán Kirisi swɛ̃̀ pipina nà.

1 YOHANA 5:3

Zaakɛ yena Ludazi bé à dɛ yã kɛ̀ à dìɛnↄ kũna ũ. Yã kɛ̀ à dìɛ pìnↄↄ kuu asoo ũ sↄ̃ro.

ZIA YÃ 2:19

Má n yãkɛnanↄ dↄ̃, n yenzi, n ludanaanɛkɛna, n zĩkɛna kↄ̃n n mɛnakɛnao. Má dↄ̃ dↄ kɛ̀ yã kɛ̀ nɛ́ɛ kɛɛ zãa maa dɛ à káakupↄla.

ZIA YÃ 3:10

Zaakɛ ń yã kɛ̀ má dìɛnnɛ kũna n fↄ̃ n mɛna, mɛ́ n bↄ nawɛ̃a kɛ̀ èe mↄↄ anduna píngia guu lɛ à gbɛ̃ kɛ̀ aↄ̃ↄ kú tↄↄtɛanↄ lɛ́ à ń gwa.