1 SAMUƐLI 4:10 - Bokobaru Bible

¹⁰ Ben Filisitininↄ fɛ̀ɛ Isarailinↄzi kↄ̃n zĩ̀o aↄ̃ ń fu, ben aↄ̃ baade bàa lɛ̀ wà tà bɛ, zaakɛ aↄ̃ dɛdɛna kɛ̀ bíta. Filisitininↄ ń gbɛ̃ kɛ̀ aↄ̃ↄ tɛ́ kɛ̀sɛnↄ dɛ̀dɛ gↄ̃ↄn bↄrↄ baaakuri.

1 SAMUƐLI 4:10 Iomraidhean Croise

2 SAMUƐLI 18:17

Aↄ̃ Abusalomu gɛ̀ sɛ̀ aↄ̃ↄ zù wɛ̀ɛ bíta guu lákpɛn gwe, ben aↄ̃ gbɛ̀ kàkↄ̃aa, à gↄ̃̀ gbɛ̀didikↄ̃ana bíta ũ. Isarailinↄ sↄ̃ bàa lɛ̀, baade tà a bɛ.

2 SAMUƐLI 18:7

Dauda zĩ̀kpɛɛnↄ zĩ̀ blè Isarailinↄa. Gbɛ̃ kɛ̀ aↄ̃ gàga zĩ beeeanↄↄ pari, gↄ̃ↄn bↄrↄ baromɛ.

2 SAMUƐLI 19:8

Ben kí fɛ̀ɛ à gàa à vɛ̃̀ɛ bĩilɛa. Kɛ̀ wà ò gbɛ̃nↄnɛ kí vɛ̃ɛna gãnulɛa, ben aↄ̃ mↄ̀ wà zɛ̀ à aɛ ń píngi. Isarailinↄ bàa lɛ̀, baade tà a bɛ.

2 SAMUƐLI 20:1

Gaabude ke bé à kú gwe, à tↄ́n Sɛba, Bikiri nɛ́, Bɛyãmi boriimɛ. Ben à kuru pɛ̀ à bè: Wa baka kakↄ̃ana kↄ̃n Daudaoro, wa bà kú kↄ̃n Yɛsɛ nɛ́oro, a Isarailinↄ, a baade tá a bɛ.

1 KINANƆ 12:16

Kɛ̀ Isarailinↄↄ è kína gì ń yã mazi, aↄ̃ bènɛ: Wa bà kú kↄ̃n Daudaoro, wa lɛ́ kú Yɛsɛ nɛ́ yãnlo. Isarailinↄ, a baade tá a bɛ! Dauda bori, ǹ n zĩnda bɛ kũ! Ben Isarailinↄ tà ń bɛ.

1 KINANƆ 22:36

Kɛ̀ ↄfãntɛ̃ e gɛ̃ɛ, zĩ̀kpɛɛnↄ wiii kàkũn wà bè, baade tá a bùsun ai a bɛ wɛ́tɛ.

2 KINANƆ 14:12

Isarailinↄ zĩ̀ blè Yudanↄa, ben Yudanↄ bàa sì wà tà ń bɛ.

SAAMUNƆ 78:9

Ɛflaimu boriinↄ nɛ́ kàzurinↄmɛ, ben aↄ̃ bↄ̀ru kpɛɛ zĩ̀ guu.

1 SAMUƐLI 3:11

Ben Dii bènɛ: Ǹ ma! Mɛ́ yã kɛ Isarailinↄ tɛ́, gbɛ̃ kɛ̀ à à baaru mà é kɛkɛ à swã wɛ̃mɛ.

1 SAMUƐLI 4:2

Filisitininↄ zĩ̀'ↄↄ pòro aↄ̃ gàao Isarailinↄzi. Kɛ̀ zĩ̀ gbãa kũ̀, ben Filisitininↄ Isarailinↄ blè aↄ̃ ń dɛdɛ zĩ̀lan gwe lán gↄ̃ↄn bↄrↄ siigↄ̃ taka bà.