1 SAMUƐLI 2:3 - Bokobaru Bible

³ Àton yã bↄɛ kↄ̃n yↄ̃nkↄↄoro, àton tó wadayã bↄ a lɛ́nlo, zaakɛ Dii Ludan yãdↄ̃ri ũ, àmbe è wa yãkɛnanↄ yↄ̃ à gwa.

1 SAMUƐLI 2:3 Iomraidhean Croise

1 KINANƆ 8:39

zaa n kúkiia musu ǹgae zɛo ǹ sùu kɛo, nɛ́ dↄàlɛ. Ǹgae fĩa bonɛ a yãkɛnaa, zaakɛ ń à nↄ̀sɛ dↄ̃. Ḿbe ń baade píngi nↄ̀sɛ dↄ̃.

AYUBA 31:6

Luda ma yↄ̃ a zɛ́a à gwa, eé dↄ̃ kɛ̀ má taari vĩro.

SAAMUNƆ 147:5

Wa Dii bíta, à iko vĩ maamaa, à ↄ̃ndↄ̃ↄ lɛ́ vĩro.

SAAMUNƆ 17:10

Aↄ̃è gbɛ̃ke wɛ́ɛ gwaro, aↄ̃ lɛ́ è ĩadãyã o.

SAAMUNƆ 31:18

ǹ tó ɛgɛtori pìnↄ nɛ́nɛ naɛ. Aↄ̃è dↄkɛ kↄ̃n gbɛ̃ maaanↄ, aↄ̃è kya káńgu kↄ̃n ĩadãnao.

SAAMUNƆ 44:21

Luda é gí eziↄ́? Zaakɛ àmbe à wa nↄ̀sɛguuyãnↄ dↄ̃ píngi.

SAAMUNƆ 75:5

Àton kùsɛ bii ludambɛaro, àton waa nↄnↄmaziro.

SAAMUNƆ 94:4

Zaakɛrinↄ è wada yã o, aↄ̃è yã bↄɛ aↄ̃è ĩa dã ń píngi.

YAASINƆ 16:2

Baade è a yãkɛna e maamɛ, mↄde Dii ń nↄ̀sɛguuyãnↄ yↄ̃ à gwa.

YAASINƆ 24:12

Tó n bè: O'o, wá dↄ̃ yãro fá, Luda kɛ̀ nↄ̀sɛguuyã dↄ̃ é eroo? N wɛ̃̀ndi gwàri à yã dↄ̃, eé fĩa bo baadenɛ a yãkɛnaamɛ.

YAASINƆ 8:13

Vĩakɛna Diinɛn zana à zaaan ũ. Ma za zĩndasɛna lezĩn kↄ̃n ĩadãnao kↄ̃n kuuna zaaao kↄ̃n yãlɛkpɛɛ'onao.

DANIƐLI 4:37

Mamↄma Nɛbukanɛza mɛ́ɛ musu Kína sáabu kpaa sa mɛ́ɛ bɛ̀ɛ liinɛ mɛ́ɛ à tↄ́ kpaa, zaakɛ à yãkɛnanↄↄ maa píngi, ègↄ̃ yã kɛɛ a zɛ́a. Eé fↄ̃ à gbɛ̃ kɛ̀ è a zĩnda sɛ́ lezĩ busa.

DANIƐLI 5:27

Tɛkɛli bè, wà n tìisi lɛ́ gwà kilooa wà è nɛ́ɛ kiloo sɛ́ro.

EBERUNƆ 4:12

Luda yã bɛ̃ɛ bensↄ̃ à gbãa, à lɛ́ nna dɛ fɛ̃ɛda kpa plaplaaala. È ń zↄ̃ à gɛ̃ nↄ̀sɛ guu ai niniin, è gɛ̃ mɛ̀pɛpɛkↄ̃rɛkiin ai wá ufun, è laasuu kↄ̃n nↄ̀sɛ yão gwagwa.

ZIA YÃ 2:23

Mɛ́ à ìbanↄ dɛdɛ gagyãao, sↄsinↄ píngi é dↄ̃ kɛ mámbe mɛɛ̀ gbɛ̃nↄ laasuu kↄ̃n ń swɛ̃̀o tàasi kɛ, mɛ́ fĩa bo a baadenɛ a yãkɛnaa.

1 SAMUƐLI 16:7

Ben Dii bènɛ: Ǹton à zɛna ke à gbã̀akɛɛ gwaro, ma gizimɛ. Mɛɛ̀ gbɛ̃ gwa lán gbɛ̃ntee è gwa nàro. Gbɛ̃ntee è gbɛ̃ gwa a mɛ̀amɛ, mapi sↄ̃, swɛ̃̀n mɛɛ̀ gwa.