Zozie 9:15 - NYANMIƐN NDƐ'N 1998

¹⁵ Yɛ Zozie nin be trali aenguɛ-ɔ, b'ɔ kle kɛ be ko kun-man be. Kpɛnngbɛn'm be kusu be tali be nda sɔ wie.

Zozie 9:15 Iomraidhean Croise

2 Samiɛl 21:2

Famiɛn'n flɛli Gabaɔnfuɛ mun kɛ ɔ ´kan ndɛ ´kle be. Gabaɔnfuɛ'm be ti-man Izraɛlfuɛ . Be ti Amɔrfuɛ'm be onga. Izraɛlfuɛ'm be tali be nda laa kɛ be su kun-man be, kpɛkuun Izraɛlfuɛ mun nin Zidafuɛ mun bɔ Sail klo be dan'n ti i waan ɔ ´nunnun Gabaɔnfuɛ sɔ mun.

Ezipt Lɔ Tulɛ'n 23:32

Nán amun nin be tra aenguɛ, nán amun fa be amuɛn mun.

Zozie 10:1

Adɔni-Zedɛk b'ɔ ti Zerizalɛm famiɛn'n, ɔ tili i kɛ Zozie kwlali Aifuɛ mun nan ɔ nunnunnin klɔ'n mlɔnmlɔnmlɔn, yɛ ɔ kunnin i famiɛn'n kɛ ɔ fa kunnin Zeriko liɛ'n sa. Ɔ tili i ekun kɛ Gabaɔnfuɛ'm be nin Izraɛlfuɛ'm b'a tra aenguɛ nan be nin be yɛ be tran-an.

Zozie 10:4

«Gabaɔnfuɛ'm be nin Zozie b'a tra aenguɛ. I sɔ'n ti, amun bla wa uka min nan e nin be e kun.»

Zozie 11:19

Alɛ kunlɛ nun yɛ be kwlali klɔ nga be o lɛ'n be kwlakwla-a, san Evfuɛ nga be tran Gabaɔn lɔ'n be yɛ be nin Izraɛlfuɛ'm be dili anuansɛ-ɔ.

Zozie 9:16

Kɛ ɔ yoli sɔ'n, ɔ dili le nsan, kpɛkuun Izraɛlfuɛ'm be tili i kɛ sran sɔ'm be fin be wun koko lɛ.