Zozie 9:1 - NYANMIƐN NDƐ'N 1998

¹ Famiɛn nga be o Zurdɛn i bue ng'ɔ kpɛ wia atɔliɛ lɔ'n su'n: oka'n su lɔfuɛ mun o, be nga be tran lika kpɛtɛkplɛɛ'n nun mun o, be nga be o Mediterane jenvie nuan su lele fa ju Liban wun lɔ mun o, be kwlaa be tili Ai i nunnunlɛ ndɛ'n. I sɔ'n ti Ɛtfuɛ mun, nin Amɔrfuɛ, nin Kanaanfuɛ mun, nin Ferezfuɛ mun, nin Evfuɛ mun, ɔ nin Zɛbisfuɛ'm be famiɛn'm

Zozie 9:1 Iomraidhean Croise

2 Samiɛl 24:7

Be sinnin Tir bɔ talɛ si i wun'n su, yɛ be sinnin Evfuɛ mun nin Kanaanfuɛ'm be klɔ laa'm be su. I sin be sinnin Zida nvle'n i ngua lɔ klɔ nga be flɛ i Beɛr-Seba'n su.

Ezipt Lɔ Tulɛ'n 23:23

Min anz'n ´dun mmua amun nyrun, ɔ ´fa amun kɔ Amɔrfuɛ mun, nin Ɛtfuɛ mun, nin Ferezfuɛ mun, nin Kanaanfuɛ mun, nin Evfuɛ mun, ɔ nin Zɛbisfuɛ'm be mɛn'n nun lɔ, yɛ n ´nunnun nvle sɔ mun.

Ezipt Lɔ Tulɛ'n 23:31

Amun mɛn liɛ'n ´bo i bo ndɛma jenvie'n su lele ´fa ju Mediterane jenvie'n su, yɛ ɔ ´fɛ i Sinai aawlɛ flɛnnɛn'n su lele fa ju Efrat nzue ba'n su. Afin n wa fa be nga be o lika sɔ'm be nun'n n ´wla amún sa nun nan amun kan bé bo.

Ezipt Lɔ Tulɛ'n 3:17

I sɔ'n ti, i waan ɔ ´de amun Eziptfuɛ sɔ'm bɔ be kle amun nyrɛnnɛn'n bé sa nun, nan ɔ ´fa amun kɔ Kanaanfuɛ mun, nin Ɛtfuɛ mun, nin Amɔrfuɛ mun, nin Ferezfuɛ mun, nin Evfuɛ mun, ɔ nin Zɛbisfuɛ'm be mɛn liɛ'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman.›

Ezipt Lɔ Tulɛ'n 34:11

Amun `nian nga n se amun kɛ amun yo i ndɛkɛn yɛ'n su kpa amun `yo. N wa dun mmua amun nyrun, n ´fuan Amɔrfuɛ mun, nin Kanaanfuɛ mun, nin Ɛtfuɛ mun, nin Ferezfuɛ mun, nin Evfuɛ mun, ɔ nin Zɛbisfuɛ mun.

Kalɛ 13:29

Amalɛkfuɛ'm be tran ngua lɔ lika'n nun, Ɛtfuɛ'm be nin Zɛbisfuɛ mun, ɔ nin Amɔrfuɛ mun be tran oka-oka lika'm be nun, yɛ Kanaanfuɛ'm be tran be liɛ jenvie'n wun koko lɛ Zurdɛn nzue ba'n i nuan.»

Kalɛ 34:6

Wia atɔliɛ lɔ'n, mɛn'n i nuan su yɛlɛ Mediterane jenvie'n.

Mmla'n 1:7

Amun `jaso be wɔ siɛn'n. Amun `wɔ Amɔrfuɛ'm be lika'n b'ɔ ti oka-oka'm be nun lɔ. Kanaanfuɛ'm be lika nga be mantan-mantan lɛ'n, amun `wɔ lɔ. Be lika kpɛtɛkplɛɛ'm be nun o, be lika bɔ be ti oka-oka'm be nun o, be lika tɔnun'm be nun o, ngua lɔ lika'm be nun o, ɔ nin jenvie nuan lɔ lika'm be nun o, amun `wɔ lɔ. Amun `wɔ lele ju Liban lɔ, amun `ju Efrat nzue ba dan'n i nuan lɔ.

Mmla'n 3:25

Yaci man n kpɛ Zurdɛn nzue ba'n, nan mín nyin mma `gua mɛn klanman ng'ɔ o Zurdɛn'n i bue kun lɔ'n i wun, man n wun i nun oka nglanman mun ɔ nin Liban mɛn'n.»

Mmla'n 4:49

Lika sɔ'n, ɔ fɛ i Zurdɛn'n sin lɔ lika kpɛtɛkplɛɛ b'ɔ o wia afiliɛ bue liɛ su lɔ'n lele ɔ fa ju jenvie b'ɔ ti njin nzue klakla'n wun lɔ, ɔ ju Pisga oka'n i bo.

Mmla'n 7:1

Anannganman amun Nyanmiɛn'n ɔ ´fa amun wlu mɛn nga amun wa ko fa'n nun. Ɔ ´kankan nvle nga be o yɛ'n be bo amun nyrun: Ɛtfuɛ, Girgazfuɛ, Amɔrfuɛ, Kanaanfuɛ, Ferezfuɛ, Evfuɛ, yɛ Zɛbisfuɛ mun. Be sɔnnin tra amun, yɛ be lɛ wunmiɛn tra amun.

Zozie 1:15

lele san be ´fa mɛn nga Anannganman fa man be nzue i bue kun lɔ'n. Bé wun ´jɔ be wie kɛ amun sa ka nan amu'an sa be sin mɛn nga Anannganman i sufuɛ Moiz fa mannin amun Zurdɛn'n i bue nga su'n nun.»

Zozie 1:4

Amun lika'n ɔ ´fɛ i aawlɛ flɛnnɛn b'ɔ o ngua wa yɛ'n lele ´fa ju Liban b'ɔ o nglo lɔ lika'n nun'n i nun. Ɔ ´sin nzue ba dan bɔ be flɛ i Efrat i nuan wia afiliɛ lɔ ´fa sin Ɛtfuɛ'm be mɛn'n nun lele ´fa ju wia atɔliɛ lɔ jenvie dan, bɔ be flɛ i Mediterane'n i nuan. I kwlaa ng'ɔ o lɛ'n ti amun liɛ.

Zozie 10:23

Yɛ be yoli kɛ Zozie fa kannin'n sa-a. Be fali Zerizalɛm, nin Ebrɔn, nin Zarmit, nin Lakis, ɔ nin Eglɔn be famiɛn'm be blɛli i.

Zozie 11:17

Ɔ kwlali famiɛn nga bé mɛn'n wo oka ti su trɔnmintrɔnmin ɔ nin Baal-Gad lika'm be afiɛn nun'n. Oka sɔ'n mantan Seir lika'n b'ɔ o ngua lɔ'n. Baal-Gad kusu o Liban kongo nun lɔ, Ɛrmɔn oka'n i bo ngua nglo lɔ lika'n nun lɔ. Ɔ kunnin i sɔ famiɛn liɛ'm be kwlakwla.

Zozie 13:5

I Gɛbal nvle nin o, i Baal-Gad lɔ Liban nin o, i wia afiliɛ lɔ Ɛrmɔn oka wun lɔ nin o,

Zozie 15:12

Wia atɔliɛ lɔ awɛ'n yɛlɛ Mediterane jenvie'n. Kɛ lika nga be fa mannin Zida awlobo-awlobo mun'n i nuan'n fa sin yɛ ɔ o lɛ-ɔ.

Zozie 22:4

Anannganman b'ɔ ti amun Nyanmiɛn'n i kusu man amun niaan'm b'a nyan alaje kɛ ɔ fua kleli be'n sa. Siɛn atin'n la nun, amun kwla sa amun sin kɔ mɛn nga Moiz b'ɔ ti Anannganman i sufuɛ'n fa cɛcɛli amun Zurdɛn'n i bue ng'ɔ kpɛ wia afiliɛ lɔ nun.

Zozie 22:7

Moiz fali Bazan nvle'n wie mannin Manase i akpasua'n bue'n. Akpasua bue ng'ɔ ka lɛ'n, ɔ mannin be lika liɛ be niaan'm bé wun lɔ Zurdɛn'n i bue kun lɔ.

Zozie 23:4

Nvle nga m'an dun mmua m'an kwla be nin o, ɔ nin be ng'ɔ fata kɛ amun kwla be Zurdɛn'n b'ɔ o wia afiliɛ lɔ'n, ɔ nin Mediterane jenvie'n b'ɔ o wia atɔliɛ lɔ'n be afiɛn'n nun mun o, amun wunnin kɛ n tuli bé wun fɔtɔ n fa be cɛcɛli amun akpasua'n kwlaa.

Zozie 24:11

Amun kpɛli Zurdɛn'n be bali Zeriko. Zerikofuɛ'm be nin amun kunnin. Amɔrfuɛ nin Ferezfuɛ, nin Kanaanfuɛ, nin Ɛtfuɛ, nin Girgazfuɛ, nin Evfuɛ, ɔ nin Zɛbisfuɛ mun be kusu be nin amun kunnin. N fali be kwlaa m mannin amun.

Zozie 3:10

Amun wa wun i jrɛiin kɛ Nyanmiɛn b'ɔ lafi-man'n, ɔ o amun afiɛn nan ɔ wa fuan Kanaanfuɛ mun, nin Ɛtfuɛ mun, nin Evfuɛ mun, nin Ferezfuɛ mun, nin Girgazfuɛ mun, nin Amɔrfuɛ mun, ɔ nin Zɛbisfuɛ mun amun nyrun sakpa.

Zozie 3:17

Kɛ nzrafuɛ'm be ´sin'n, wuun Nyanmiɛn nyrun jranfuɛ nga be sua Nyanmiɛn i alaka'n be jin Zurdɛn'n i afiɛn aunnyan siɛ'n su, b'a keje-man be wun lele san sran'm be kwlaa be sinnin.

Zozie 5:1

Kɛ Amɔrfuɛ nga be o Zurdɛn i bue kun lɔ'n nin Kanaanfuɛ nga be o be liɛ jenvie nga be flɛ i Mediterane i nuan'n, be famiɛn'm be tili i kɛ Anannganman jrannin Zurdɛn'n nan ɔ mannin Izraɛlfuɛ'm be atin be kpɛli'n, be wawɛ'n wanndili bé wun. B'a nyan-man anwlɛn kun kɛ be nin Izraɛlfuɛ'm be ´jran be ´kun alɛ.

Zozie 6:27

Anannganman jrannin Zozie sin. Ɔ man Zozie i dunman'n fuli nvle wunmuan sɔ'n nun.

Zozie 9:7

Izraɛlfuɛ'm be tɛli be su kɛ: «Atrɛkpa-a, amun fin e wun koko wa, yɛ e nin amun e wa tra aenguɛ-ɔ!»