Zozie 8:8 - NYANMIƐN NDƐ'N 1998

⁸ Kɛ amun fa klɔ'n cɛ'n, amun `wɔ nun kɛ Anannganman kannin'n sa. Amun `niɛn i kwlaa nga n ´kɛn yɛ'n su yo.»

Zozie 8:8 Iomraidhean Croise

2 Samiɛl 13:28

Absalɔm seli i gbanflɛn'm be kɛ: «Amun `nian Amnɔn su kpa, sɛ nzan'n ti i kpa'n, kɛ n ´se kɛ: ‹Amun `kun Amnɔn,› kpɛkuun amun `kun i. M bɔbɔ min dunman nun amun `jran kekle, amun `tra amun anwlɛn. Nán srɛ kun amun.»

Mmla'n 20:16

Sanngɛ mɛn nga Anannganman amun Nyanmiɛn'n fa mannin amun kɛ amun fa be'n, be liɛ'n, sɛ amun nin klɔ kun sufuɛ'm be kun alɛ'n, nán amun yaci like ba kun sa nguan nun.

Zozie 1:16

Be tɛli Zozie su kɛ: «Ndɛ kwlaa nga a kan'n, e ´fa su. Kan kwlaa nga a sunman ye'n, e ´kɔ.

Zozie 1:9

Nán ɔ́ wla fi ndɛ nga n kan kleli wɔ'n su: jran kekle, yo yakpafuɛ, nán srɛ kun wɔ, nán ɔ klun titi wɔ, afin min Anannganman ɔ Nyanmiɛn'n lika kwlaa nga a ´kɔ'n n jin ɔ́ sin.»

Zozie 6:24

I sin be wɔli klɔ'n nin i nun ninnge'n kwlaa be nun, san jɛtɛ ufue nin sika ɔkwlɛ, ɔ nin blalɛ mun yɛ be kali lɛ-ɔ. Be liɛ'n, be sieli be Anannganman i bɔlɛ siewlɛ'n nun.

Zozie 8:13

Kan alɛ kunfuɛ'm bé sunman be takali be ngblaliɛ'n yɛlɛ klɔ'n i nglo lɔ. Kɛ ɔ ´yo sɔ'n, wuun wie'm be kusu b'a fia klɔ'n i wia atɔliɛ lɔ. Aliɛ cɛnnin Zozie kongo nun lɛ.

Zozie 8:2

Sa nga a fa yoli Zeriko nin i famiɛn'n yɛ a ´fa yo Ai klɔ'n nin i famiɛn nin-ɔn. Sanngɛ klɔfuɛ'm bé bo ninnge nin be nnɛn'm be ti amun liɛ. Ko bu sa klɔ'n i sin lɛ.»

Zozie 8:22

Be nga'm be kusu be fɛ i klɔ'n nun lɔ kɛ be ´su Aifuɛ'm be su, kpɛkuun be kpɔfuɛ'm be kali be afiɛn'n nun. Ɔ man Izraɛlfuɛ'm be kunnin be kwlakwla. Be nun kun sa ɔ'a nyan-man wanndiwlɛ, be wie fi nyin a ka-man su, san be famiɛn'n.

Zozie 8:28

Zozie wɔli Ai klɔ'n nun, ɔ kacili klɔ nvuɛn, sran fi a tran-man su kun lele ndɛ.

Zozie 8:7

Kɛ ɔ yo sɔ'n, amun kusu amun `fin amun fiawlɛ'n nun fite, kpɛkuun amun `ko fa klɔ'n. Anannganman amun Nyanmiɛn'n ɔ'a fa be ɔ'a man amun.

Zozie 8:9

Zozie man sonja'm be ɔli kan ɔ kleli be kɛ be ko fia lɛ'n: Ai i wia atɔliɛ, Betɛl nin Ai be afiɛn. Le kun sɔ'n Zozie kusu nin be nga'm be lali.

Jɔlɛ Difuɛ Mun 4:6

Le kun ɔ sunmannin sran kɛ be ko flɛ Barak, Abinɔam ng'ɔ fin Kedɛs b'ɔ o Nɛftali lika nun lɔ'n i wa liɛ'n. Nan ɔ'a se i kɛ: «Ndɛ nga Anannganman b'ɔ ti Izraɛlfuɛ'm be Nyanmiɛn'n kaleli min kɛ n kan kle wɔ'n yɛ: ‹Kɔ Tabɔr oka'n wun lɔ nan fa Nɛftali nin Zabilɔn akpasua'n be su sran akpi blu (10.000).