Zozie 8:6 - NYANMIƐN NDƐ'N 1998

⁶ Be wa wanndi su e su, kpɛkuun e ´cuɛn be e kɔ klɔ wun mmua. Be wa bu i kɛ e su wanndi be nyrun kɛ klikli liɛ'n sa.

Zozie 8:6 Iomraidhean Croise

Ezipt Lɔ Tulɛ'n 14:3

Famiɛn'n wa bu i kɛ wuun amun su wlan lika'n nun daan sa nan amun ´mlin aawlɛ flɛnnɛn'n nun.

Ezipt Lɔ Tulɛ'n 15:9

E kpɔfuɛ'm be waan: ‹E ´fuan be lele e ´to be kpɔ, e ´cɛcɛ bé bo ninnge'm be nun, e ´fɛ i kwlaa nga e klo'n, e ´fa tratra su, e ´cuɛn e tokofi mun nan e ´nunnun be.›

Akunndanfuɛ'n 8:11

Kɛ be ka-man bé ja nun lɛ be tu-man sran ng'ɔ yo sa tɛ'n i fɔ kɛ ɔ nin i fata'n sa'n, i ti yɛ sa tɛ yolɛ'n i akunndan'n wo sran'm be anwlɛn'n nun b'ɔ wie-man le nin-ɔn.

Akunndanfuɛ'n 9:12

Kɛ kpatra'n b'ɔ ´wun i wun-ɔn, lala ɔ'a trɛ i'n, annzɛ anunman'n b'ɔ ´wun i wun-ɔn, aya ɔ'a trɛ i'n, kɛ klɔ sran'n kusu ɔ ti sɔ-ɔ, ɔ si-man cɛn nga nyrɛnnɛn'n ɔ wa tɔ i su-ɔ. Blɛ wie'n, sran'n sunnzun-man kɛ sa su wa nyɛn i, kpɛkuun sa wie ɔ'a tɔ i su ɔ'a blɛblɛ i wun.

Zozie 8:5

E nin sran nga be nin min o wa'n e ´wunnge klɔ'n wun lɔ. Kɛ klɔ'n sufuɛ'm be ´fite kɛ be nin e be ´kun'n, e ´wanndi be nyrun kɛ klikli nun'n liɛ'n sa.

Zozie 8:7

Kɛ ɔ yo sɔ'n, amun kusu amun `fin amun fiawlɛ'n nun fite, kpɛkuun amun `ko fa klɔ'n. Anannganman amun Nyanmiɛn'n ɔ'a fa be ɔ'a man amun.

Jɔlɛ Difuɛ Mun 20:32

Bɛnzamɛn akpasua'n su sran'm be waan: «Aa! Y'a kwla be ekun kɛ titi'n sa.» Izraɛlfuɛ'm be kusu be waan: «E `wanndi nan e `cuɛn be e wɔ atin'm bé su klɔ'n wun mmua.»