Zozie 8:31 - NYANMIƐN NDƐ'N 1998

³¹ Ɔ kplɛnnin i kɛ Anannganman i sufuɛ Moiz kan kleli Izraɛlfuɛ mun'n sa. Be klɛli ndɛ sɔ'n Moiz i fluwa'n nun kɛ: «Be `fa yɛbuɛ nga blalɛ nian kɛn-mɛn i'n yɛ be fa kplan Nyanmiɛn sɔwlɛ sɔ nin-ɔn!» Be yili tɛ nga be yrɛ i nnɛn'n kɔlikɔli'n kwlaa ɔ nin bo kun yolɛ i su tɛ'n.

Zozie 8:31 Iomraidhean Croise

2 Famiɛn Mun 14:6

sanngɛ ɔ'a kun-man sran kunfuɛ sɔ'm be mma mun. Ɔ niannin ng'ɔ ti klɛwa Moiz i mmla fluwa'n nun'n su . Fluwa sɔ nun'n, Anannganman kɛnnin i kɛ: «Sɛ ba'm be yo sa tɛ'n, nán be kun bé si mun, sɛ kusu siɛ'm be yo sa tɛ'n, nán be kun be mma mun. Sanngɛ man sran kun wu i bɔbɔ i sa tɛ'n i nuan.»

2 Famiɛn Mun 22:8

Kɛ Safan ko toli Ilkiza b'ɔ ti Nyanmiɛn nyrun jranfuɛ be su kpɛn'n lɔ'n, ɔ boli famiɛn'n i jasin'n kleli i. Ɔ seli Safan kɛ: «M'an wun mmla fluwa'n Anannganman i sua'n nun wa.» Ilkiza fa mɛnnin i nan ɔ'a kanngan.

2 Be Nyoliɛ 25:4

Sanngɛ ɔ'a kun-man be mma mun wie. Ɔ niannin mmla ng'ɔ ti klɛwa Moiz i fluwa'n nun'n su. Fluwa sɔ nun'n Anannganman kɛnnin i kɛ: «Sɛ ba'm be yo tɛ'n, nán be kun bé si mun, sɛ kusu siɛ'm be yo sa tɛ'n, nán be kun be mma mun. Sanngɛ man sran kun wu i bɔbɔ i sa tɛ'n i nuan.»

2 Be Nyoliɛ 35:12

Nnɛn nga be fa yi tɛ b'ɔ be yra be nnɛn'n kɔlikɔli'n, be sieli be ngunmin be fa mannin sran mun kɛ be awlobo'm be fa ti'n sa nan be `fa man Anannganman kɛ be klɛli i Moiz i fluwa'n nun'n sa. Kɛ be yoli nannin'm be sɔ-ɔ.

Ɛsdras 6:18

Kɛ Nyanmiɛn nyrun jranfuɛ'm bé sa su'n fa ti'n, kɛ Levifuɛ'm be akpasua'n fa ti'n, Izraɛlfuɛ'm be niannin su yɛ be siesieli be junman ng'ɔ fata kɛ be di man Nyanmiɛn Zerizalɛm lɔ nin-ɔn. Be niannin ng'ɔ ti klɛwa Moiz i fluwa'n nun'n su yɛ be yoli-ɔ.

Neemi 13:1

I blɛ sɔ nun'n, be kanngannin Moiz fluwa'n Izraɛlfuɛ'm be nyrun. Ɔ ti klɛwa i nun kɛ ɔ fata-man kɛ Amɔnfuɛ nin Moabfuɛ'm be wlu Nyanmiɛn i nvle'n nun mlɔnmlɔn le,

Ezipt Lɔ Tulɛ'n 18:12

Zetro yili tɛ nga be yrɛ i nnɛn'n kɔlikɔli'n ɔ nin bo kun yolɛ i su tɛ mun. Ɔ yili be mannin Nyanmiɛn. Yɛ Zetro, nin Moiz, nin Aarɔn, ɔ nin Izraɛl kpɛnngbɛn'm be kwlaa be wa dili like Nyanmiɛn nyrun lɛ-ɔ.

Ezipt Lɔ Tulɛ'n 24:5

Be kpali Izraɛl gbanflɛn wie mun kɛ be yi tɛ nga be yra be nnɛn'n kɔlikɔli'n be fa man Anannganman, nan be `fa nannin tola mun be `yi bo kun yolɛ i su tɛ mun be mɛn i.

Matthieu 12:26

Sɛ Satan fuan i bɔbɔ wun'n, wuun ɔ'a bu i bɔbɔ wun nun. ?Ɔ ´yo sɛ yɛ ɔ ´kwla sie i sran mun-ɔn?

Mmla'n 27:2

Cɛn nga amun kpɛ Zurdɛn'n nan amun wlu mɛn nga Anannganman amun Nyanmiɛn'n ɔ'a fa man amun yɛ'n nun lɔ'n, amun `kplankplan yɛbuɛ dandan mun, amun `kan be ayre ufue.

Mmla'n 27:8

Kpɛkuun amun `fa mmla nga i nun ndɛ'n kwlaa amun `klɛ be yɛbuɛ sɔ'm bé su, man ɔ fite kpa weiin.»

Zozie 1:8

Mmla ng'ɔ ti klɛwa fluwa nga nun'n, kan flan nun. Bu i akunndan wia su nin kɔnguɛ, kɛ ɔ ´yo nan w'a fa su sɛsɛsɛ'n ti. Sɛ a yo sɔ'n yɛ like nga a yo'n ɔ ´yo ye-ɔ.