Zozie 8:20 - NYANMIƐN NDƐ'N 1998

²⁰ Aifuɛ'm be ´nian bé sin-ɔn, wɛnsrɛn yɛ ɔ fin be klɔ'n nun fite yɛ. Be cuɛn bé wun kusu-ɔ, ɔ yo-man ye kun, afin Izraɛlfuɛ nga be wanndi kɔ aawlɛ'n wun lɔ'n be sali bé sin kɛ be nin be nga be su be su'n be ´kun.

Zozie 8:20 Iomraidhean Croise

Bo Bolɛ 19:28

Ɔ ´nian Sodɔm nin Gomɔr be asa'n su lɔ'n, sin wɛnsrɛn su fite lɔ kɛ lika wie yɛ ɔ su yra sa.

Zɔb I Nyrɛnnɛn Wunlɛ 11:20

Sanngɛ sran nga be bu-man Nyanmiɛn like fi'n be ´minndɛ ukalɛ'n lele ngbɛn. Be su nyan-man fiawlɛ. Like nga be minndɛ i'n ɔ ti kunngba, yɛlɛ wie'n.

Jue Mun 76:5

Nyanmiɛn, kɛ a fin oka nga be ti adudua'n be su lɔ ´ba'n, a yo nyɛnmɛn o, a yo sro o.

Ezai 34:10

Kɔnguɛ o, wia nun o, ɔ su nuan-man. I wɛnsrɛn'n ɔ ´jaso tititi. Mɛn sɔ'n ɔ ´ka lɛ ngbɛn afuɛ'n kwlakwla, sran fi su si-man nun kun mlɔnmlɔn le.

Zozie 8:19

Kɛ ɔ tinngɛli cua'n klɔ'n i ndɛnman sa cɛ'n, yɛ Izraɛlfuɛ nga be fiali'n be fin be fiawlɛ nun ndɛndɛ be fiteli-ɔ. Be wanndi wluli klɔ'n nun lɔ, be fali klɔ'n nan b'a wɔ nun.

Zozie 8:21

Kɛ Zozie nin i sran liɛ'm be wunnin kɛ sonja nga be fiali klɔ'n sin lɔ'n be fali klɔ'n bɔ be wunnin sin wɛnsrɛn'n, be sali be sin kɛ be nin Aifuɛ'm be ´kun.

Sa nglô yile 18:9

Asiɛ'n su famiɛn mun bɔ be nin i lali'n, bɔ be nin i dili mɛn'n, kɛ ɔ ´yra bɔ be ´wun i wɛnsrɛn'n, be kwlaa be ´sun i, yɛ be ´bo awuyomo .

Sa nglô yile 19:3

Be seli ekun kɛ: «An `manman Nyanmiɛn! Klɔ dan'n i wɛnsrɛn'n jao kɔ tititi .»

Jɔlɛ Difuɛ Mun 20:38

Izraɛlfuɛ'm be nin be nga be fiali'n bé nuan yiali sa kun su. Sa sɔ'n yɛlɛ kɛ be nga be fiali'n, be wɔ klɔ'n nun nan wɛnsrɛn ng'ɔ ´jaso'n ɔ `yo lɔuun.

Jɔlɛ Difuɛ Mun 20:40

Kɛ e ijɔwa-a, nzɔliɛ nga be kleli'n bɔ yɛlɛ sin wɛnsrɛn'n, ɔ su fin klɔ nun ´fu kɔ. Kɛ Bɛnzamɛn akpasua'n su sran'm be ´nian bé sin-ɔn, klɔ wunmuan'n yɛ ɔ su yra yɛ.

Jɔlɛ Difuɛ Mun 20:41

Yɛ Izraɛlfuɛ'm be kusu be blili bé nyin-ɔn, kpɛkuun Bɛnzamɛn akpasua'n su sran'm be yɛ b'a mian yɛ, be wun-man kɔwlɛ, afin be wun i jrɛin kɛ b'a mlin mlɔnmlɔn a wie.