Zozie 8:2 - NYANMIƐN NDƐ'N 1998

² Sa nga a fa yoli Zeriko nin i famiɛn'n yɛ a ´fa yo Ai klɔ'n nin i famiɛn nin-ɔn. Sanngɛ klɔfuɛ'm bé bo ninnge nin be nnɛn'm be ti amun liɛ. Ko bu sa klɔ'n i sin lɛ.»

Zozie 8:2 Iomraidhean Croise

2 Be Nyoliɛ 13:13

Zeroboam man i sonja wie'm be ko bu sali Zidafuɛ'm bé sin lɔ. Yɛ kun nga'm be jrannin be nyrun wa.

2 Be Nyoliɛ 20:22

Kɛ be boli Anannganman i manmanlɛ jue'm be tolɛ bo'n, Anannganman man sannganlɛ tɔli Amɔnfuɛ mun, nin Moabfuɛ mun, nin Edɔmfuɛ'm bɔ be bali Zidafuɛ'm be su tɔlɛ'n be afiɛn. Be ngunmin-ngunmin be kpɛli bé nyin be kunnin.

Jue Mun 39:6

Min nguan nyanman'n i tɛnndɛn'n ɔ ti kɛ bé sa klun'n i tɛtrɛ nun'n sa. Min nguan'n ti-man like fi ɔ nyrun. Man klɔ sran'n ɔ yo juejuejue sɛ, sanngɛ ɔ ti kɛ aunngban sa.

Nyanndra Mun 13:22

Klun-ufuefuɛ'n i osu aja'n ɔ ti i anunman'm be liɛ. Klunwifuɛ'm be ninnge'm be kaci sran kpa'n i liɛ.

Nyanndra Mun 28:20

Sran nga b'ɔ nian sa ng'ɔ ti i su'n su yo'n, san muae cɛ yɛ ɔ ´nyɛn i-ɔ. Sanngɛ sran nga bɔ i waan ɔ ´kpli nyɛn i wun'n, san ɔ ´tɔ nyrɛnnɛn nun.

Zeremi 17:11

Sran ng'ɔ fa gblɛ fa nyɛn i wun'n, ɔ ti kɛ cinndalo wie b'ɔ utu klenzua bɔ nɛ́n i yɛ ɔ toli'n su sa. I nguan'n wie-man nan ninnge sɔ'n b'a fi i sa. I agualiɛ su'n, ɔ kaci kɛ sinnglinfuɛ sa.»

Zeremi 51:12

An `man flanga'n su man be wun kɛ amun su di be klɔ wun talɛ wun junman. Be bɔ be nian amun su'n, man be sɔn. Amun `siesie be sɛsɛsɛ. Amun `sua Babilɔnifuɛ'm be wun aya. Akunndan nga Anannganman fɛli i Babilɔni wun'n, i nuan yialɛ su like yɛ ɔ o lɛ-ɔ.

Mmla'n 2:35

Sanngɛ e fali be su nnɛn mun, yɛ e fɛnnin be nun ninnge mun, e fali be ekun.

Mmla'n 20:14

Bla mun, nin ba kanngan mun'n, nin nnɛn mun'n, ɔ nin klɔ'n nun ninnge'm be liɛ'n, amun `fa be. Amun kpɔfuɛ nga Anannganman amun Nyanmiɛn'n fa be man amun'n, an `fa bé bo ninnge mun, be ti amun liɛ.

Mmla'n 3:2

Yɛ Anannganman seli min kɛ: «Nán sro i, m'an fɛ i, nin i sonja mun, ɔ nin i mɛn'n m'an wla ɔ́ sa nun. Sa nga a fa yoli Siɔn b'ɔ ti Amɔr famiɛn'n b'ɔ tran Ɛsbɔn'n laa'n, i kunngba'n yɛ a wa fa yo i-ɔ.»

Zozie 10:1

Adɔni-Zedɛk b'ɔ ti Zerizalɛm famiɛn'n, ɔ tili i kɛ Zozie kwlali Aifuɛ mun nan ɔ nunnunnin klɔ'n mlɔnmlɔnmlɔn, yɛ ɔ kunnin i famiɛn'n kɛ ɔ fa kunnin Zeriko liɛ'n sa. Ɔ tili i ekun kɛ Gabaɔnfuɛ'm be nin Izraɛlfuɛ'm b'a tra aenguɛ nan be nin be yɛ be tran-an.

Zozie 10:28

Le kunngba sɔ'n nun Zozie fali Makeda klɔ'n. Ɔ kunnin i famiɛn'n ɔ nin i su sran'm be kwlaa. Sran ba kun a ka-man lɔ. Sa ng'ɔ fa yoli Zeriko famiɛn'n, i kunngba'n yɛ ɔ fa yoli Makeda famiɛn nin-ɔn.

Zozie 11:14

Izraɛlfuɛ'm be fali ninnge ɔ nin nnɛn nga be wunnin i klɔ sɔ'm bé su'n, sanngɛ be kunnin klɔ'n sufuɛ mun, sran fi a ka-man.

Zozie 6:21

Be kunnin klɔfuɛ'm be kwlaa, i yasua o, i bla o, i bakan o, i kpɛnngbɛn o, be kunnin ɔ liɛ nannin, nin bua, ɔ nin aflunmun'm be kwlakwla kpan.

Zozie 8:12

Zozie kpali be nun sran kɔe akpi nnun (5.000) kɛ be ko sa klɔ'n i wia atɔliɛ lɔ, Betɛl nin Ai be afiɛn.

Zozie 8:14

Kɛ nglɛmun Ai famiɛn'n wunnin Izraɛlfuɛ mun'n, ɔ nin i sonja'm be fiteli ndɛndɛ kɛ be nin be ´ko kun lika kunngba nga be nin be kunnin klikli lɔ'n, b'ɔ kɔ Zurdɛn i kongo wun lɔ'n. Ɔ si-man kɛ sran wie'm b'a bu b'a sa be kɔmin sin lɔ nan b'a siesie bé wun kɛ be nin be wa kun.

Zozie 8:19

Kɛ ɔ tinngɛli cua'n klɔ'n i ndɛnman sa cɛ'n, yɛ Izraɛlfuɛ nga be fiali'n be fin be fiawlɛ nun ndɛndɛ be fiteli-ɔ. Be wanndi wluli klɔ'n nun lɔ, be fali klɔ'n nan b'a wɔ nun.

Zozie 8:24

Kan Izraɛlfuɛ'm be kpɔfuɛ'm be fuannin be juli lɛ'n, lɛ yɛ be nunkunnin be klɔfuɛ sɔ mun-ɔn. Kɛ be kunnin be kwlakwla'n, be sali bé sin be klɔ'n nun lɔ nan b'a kun klɔfuɛ nga be kali lɔ'n.

Zozie 8:3

Zozie nin i sonja'm be kwlaa be siesieli bé wun kɛ be nin Aifuɛ'm be ´ko kun. Zozie kpali alɛ kunfuɛ akpi-akpi ablasan (30.000),

Zozie 8:7

Kɛ ɔ yo sɔ'n, amun kusu amun `fin amun fiawlɛ'n nun fite, kpɛkuun amun `ko fa klɔ'n. Anannganman amun Nyanmiɛn'n ɔ'a fa be ɔ'a man amun.

Zozie 8:8

Kɛ amun fa klɔ'n cɛ'n, amun `wɔ nun kɛ Anannganman kannin'n sa. Amun `niɛn i kwlaa nga n ´kɛn yɛ'n su yo.»

Zozie 8:9

Zozie man sonja'm be ɔli kan ɔ kleli be kɛ be ko fia lɛ'n: Ai i wia atɔliɛ, Betɛl nin Ai be afiɛn. Le kun sɔ'n Zozie kusu nin be nga'm be lali.

Zozie 9:3

Kɛ Gabaɔnfuɛ'm be tili sa nga Zozie fa wlali Zeriko nin Ai be nun'n,