Zozie 8:19 - NYANMIƐN NDƐ'N 1998

¹⁹ Kɛ ɔ tinngɛli cua'n klɔ'n i ndɛnman sa cɛ'n, yɛ Izraɛlfuɛ nga be fiali'n be fin be fiawlɛ nun ndɛndɛ be fiteli-ɔ. Be wanndi wluli klɔ'n nun lɔ, be fali klɔ'n nan b'a wɔ nun.

Zozie 8:19 Iomraidhean Croise

Zozie 8:18

Yɛ Anannganman seli Zozie kɛ: «Tinngɛ ɔ cua'n Ai ndɛnman afin n su wa fa man wɔ.» Yɛ Zozie tinngɛli i cua'n klɔ'n i ndɛnman-an.

Zozie 8:2

Sa nga a fa yoli Zeriko nin i famiɛn'n yɛ a ´fa yo Ai klɔ'n nin i famiɛn nin-ɔn. Sanngɛ klɔfuɛ'm bé bo ninnge nin be nnɛn'm be ti amun liɛ. Ko bu sa klɔ'n i sin lɛ.»

Zozie 8:20

Aifuɛ'm be ´nian bé sin-ɔn, wɛnsrɛn yɛ ɔ fin be klɔ'n nun fite yɛ. Be cuɛn bé wun kusu-ɔ, ɔ yo-man ye kun, afin Izraɛlfuɛ nga be wanndi kɔ aawlɛ'n wun lɔ'n be sali bé sin kɛ be nin be nga be su be su'n be ´kun.

Jɔlɛ Difuɛ Mun 20:33

Kpɛkuun Izraɛlfuɛ'm be kwlakwla be jasoli kan be jranjrannin lɛ'n be ko yiali Baal-Tamar lɔ nan be nga be bu sali'n, b'a fin Maare-Gibea b'a fite.

Jɔlɛ Difuɛ Mun 20:37

Be nga be fiali'n, be wanndili ndɛndɛ be ko tɔli Gibea klɔ'n su, be trali klɔfuɛ mun, be kunnin be ngba ɔ nin tokofi.