Zozie 8:14 - NYANMIƐN NDƐ'N 1998

¹⁴ Kɛ nglɛmun Ai famiɛn'n wunnin Izraɛlfuɛ mun'n, ɔ nin i sonja'm be fiteli ndɛndɛ kɛ be nin be ´ko kun lika kunngba nga be nin be kunnin klikli lɔ'n, b'ɔ kɔ Zurdɛn i kongo wun lɔ'n. Ɔ si-man kɛ sran wie'm b'a bu b'a sa be kɔmin sin lɔ nan b'a siesie bé wun kɛ be nin be wa kun.

Zozie 8:14 Iomraidhean Croise

Akunndanfuɛ'n 9:12

Kɛ kpatra'n b'ɔ ´wun i wun-ɔn, lala ɔ'a trɛ i'n, annzɛ anunman'n b'ɔ ´wun i wun-ɔn, aya ɔ'a trɛ i'n, kɛ klɔ sran'n kusu ɔ ti sɔ-ɔ, ɔ si-man cɛn nga nyrɛnnɛn'n ɔ wa tɔ i su-ɔ. Blɛ wie'n, sran'n sunnzun-man kɛ sa su wa nyɛn i, kpɛkuun sa wie ɔ'a tɔ i su ɔ'a blɛblɛ i wun.

Ezai 19:11

Zɔan lɔ wlengbi'm be si-man ngwlɛlɛ mlɔnmlɔn, Ezipt famiɛn'n i awlo lɔ sran dandan mun bɔ be ngwlɛlɛ'n ti yɛ be fa be'n, be anyia'n i nunfuɛ'm be ti sinnglinfuɛ mun ngunmin kokoko. ?Ɔ yo sɛ yɛ amun kwla nyan atin se Ezipt famiɛn'n kɛ: «E ti ngwlɛlɛfuɛ'm be wa, e ti lalafuɛ famiɛn'm be wa» nin-ɔn?

Ezai 19:13

Zɔan lɔ famiɛn i awlo lɔ sran dandan'm b'a kaci sinnglinfuɛ mun, Nɔf lɔ wlengbi'm be su laka bé wun. Akpasua sɔ'm be su kpɛnngbɛn'm be su mlin Ezipt mɛn'n.

Daniɛl 4:31

Nɛbikadnɛzar waan: «Kɛ afuɛ nso nga be kleli'n juli'n, m mannin mín nyin'n su n niannin nyanmiɛn su lɔ, kpɛkuun min klɔ sran ngwlɛlɛ'n ɔ sɛli i sin i osu'n nun kɛ laa'n sa. N yoli Nyanmiɛn bɔ like fi nun-mɛn i sin'n b'ɔ o lɛ tititi'n i kwla, m mɛnmɛnnin i, yɛ n kannin i anyrunnyan'n i wun ndɛ kpa. I kwlalɛ'n lɛ-man awieliɛ, i sielɛ'n wo lɛ tititi.

Matthieu 24:39

B'a bu-man like fi akunndan lele nzue dan'n ɔ wa fa be kwlaa ɔli. Kɛ m bɔ n kacili Sran'n m balɛ'n ɔ wa yo sɔ-ɔ .

Matthieu 24:50

junman difuɛ sɔ'n i min'n ɔ ´ba cɛn nga i nyin nun-mɛn i balɛ'n su kun'n nin dɔ ng'ɔ si-man kɛ i su yɛ ɔ ba'n.

Mmla'n 1:1

Kɛ Izraɛlfuɛ'm be tɛ o Zurdɛn'n i bue kun lɔ aawlɛ flɛnnɛn'n nun lɔ lika kpɛtɛkplɛɛ ng'ɔ mantan Zif klɔ'n lɛ'n, Moiz kan ndɛ kleli be kwlakwla. Ndɛ sɔ mun yɛ be o fluwa nga nun-ɔn. Kɛ ɔ ´kɛn i sɔ'n, wuun be o Paran, nin Tɔfɛl, nin Laban, nin Azerɔt, ɔ nin Di-zaab be afiɛn'n nun.

Zozie 8:13

Kan alɛ kunfuɛ'm bé sunman be takali be ngblaliɛ'n yɛlɛ klɔ'n i nglo lɔ. Kɛ ɔ ´yo sɔ'n, wuun wie'm be kusu b'a fia klɔ'n i wia atɔliɛ lɔ. Aliɛ cɛnnin Zozie kongo nun lɛ.

Zozie 8:15

Zozie nin Izraɛlfuɛ'm be yoli bé wun kɛ like bɔ be kwla jran-man lɛ sa. Be wanndi ɔli aawlɛ flɛnnɛn'n i atin'n su lɔ.

Zozie 8:16

Aifuɛ'm be seli be kwlaa be kɛ be su be su. Ɔ man Izraɛlfuɛ'm be cuɛnnin be ɔli klɔ'n wun mmua.

Zozie 8:5

E nin sran nga be nin min o wa'n e ´wunnge klɔ'n wun lɔ. Kɛ klɔ'n sufuɛ'm be ´fite kɛ be nin e be ´kun'n, e ´wanndi be nyrun kɛ klikli nun'n liɛ'n sa.

2 Piɛr 2:3

Bé nyin b'ɔ blo ninnge'm bé su'n ti, be ´kpɛ bé ti nun kan ndɛ mun, yɛ be ´fa amun kunndɛ be sika su. Be buli be fɔ ɔ'a cɛ, san be ´mlin.

Jɔlɛ Difuɛ Mun 20:37

Be nga be fiali'n, be wanndili ndɛndɛ be ko tɔli Gibea klɔ'n su, be trali klɔfuɛ mun, be kunnin be ngba ɔ nin tokofi.