Zozie 7:9 - NYANMIƐN NDƐ'N 1998

⁹ Kɛ Kanaanfuɛ nin mɛn kun nga'm be nunfuɛ'm be wa ti ndɛ nga'n be wa ju be ´kun ye. Be wa nunnun ye mlɔnmlɔn. ?Kɛ ɔ yo sɔ'n, a ´yo sɛ nan ɔ dunman dan'n ɔ'a fite nglo ekun?»

Zozie 7:9 Iomraidhean Croise

Jue Mun 115:1

Anannganman, man ɔ dunman liɛ'n yɛ ɔ fu-ɔ, afin a ti klun-ufuefuɛ, yɛ a ti nanwlɛ difuɛ tititi. Nán e dunman liɛ nin-ɔn, sakpa, nan e liɛ nin-ɔn!

Jue Mun 48:10

Ee Nyanmiɛn, kɛ e wo ɔ sua'n nun lɔ'n, e nyin kpɛn ɔ su kɛ a ti aklunyefuɛ.

Jue Mun 79:9

Nyanmiɛn, wɔ bɔ a de ye'n, bla wa uka ye, nian ɔ dunman'n b'ɔ ti fuwa'n ti. Nian ɔ dunman dan'n ti de ye, yɛ yaci e wun sa'n cɛ ye.

Jue Mun 83:4

Be cici ɔ sran mun bé wun sa. Be wun bé wun be bu be nga a sasa be'n bé wun akunndan tɛ.

Jue Mun 83:5

Be waan: «Amun man e wɔ e ko nunnun be nvle'n, nán man be bo Izraɛl dunman su be di jɔlɛ kun.»

Ezipt Lɔ Tulɛ'n 32:12

Ɔ man Eziptfuɛ'm be wa se kɛ: ‹Izraɛlfuɛ'm be nyrɛnnɛn klelɛ ti yɛ Anannganman fali be e mɛn'n nun wa ɔli-ɔ. Be kunlɛ oka'n su lɔ ti-ɔ, be asiɛ'n su wa nunnunlɛ ti-ɔ.› Gua ɔ ya'n i ase. Nán yo ɔ nvlefuɛ'm be tɛ nga ɔ waan a ´yo be'n kun.

Ezekiɛl 20:9

Sanngɛ kɛ ɔ ´yo nan min dunman'n ɔ'a saci-man be nga be nin be tran lɛ'm bé afiɛn'n ti'n, n guali min ya i ase. Afin be tili i kɛ n seli be kɛ n ´fa Izraɛlfuɛ'm be Ezipt lɔ n fite.

Zoɛl 2:17

Man Nyanmiɛn nyrun jranfuɛ'm bɔ be jrɛn i nyrun'n, be sun i sua'n i nyrun gbaun'n nin i sɔwlɛ'n be afiɛn'n nun lɛ. Man be srɛ Nyanmiɛn se kɛ: «Anannganman, ɔ sran mun yɛlɛ ye, si e aunnvuɛ. Ɔ liɛ yɛlɛ ye, nán yo man e wun nyannzuɛn nan nvle kun'm be nunfuɛ'm be srisri e be se kɛ: ‹?Ai, be Nyanmiɛn liɛ kpa'n, ɔ o nin?› »

Mise 7:10

Kɛ e kpɔfuɛ'm be wun i sɔ'n, be ´wun nyannzuɛn afin be usali kɛ: «?Ai! Anannganman amun Nyanmiɛn kpa'n, nguɛ yɛ ɔ o lɛ yo-ɔ? Kɛ be wa nanti be su kɛ akpɔ su fa sa'n, wuun e ´nian be e ´sri.»

Kalɛ 14:13

Moiz seli Anannganman kɛ: «Eziptfuɛ'm be sili kɛ ɔ wunmiɛn'n ti yɛ a fali nvle nga be mɛn'n nun lɔ bali-ɔ.

Jean 12:28

N Si, yo man ɔ dunman'n fu. Kɛ ɔ yoli sɔ'n, be tili sran kun nɛn nyanmiɛn su lɔ, sran sɔ'n seli kɛ: «M'an dun mmua yo man n dunman'n ɔ'a fu, yɛ n yo man ɔ wa fu ekun.»

Mmla'n 9:28

Ɔ yo sɔ-ɔ, mɛn nga a fali e i nun lɔ bali'n, i nun lɔfuɛ'm be wa se kɛ: ‹Anannganman kwla fa-man be kɔ-man mɛn ng'ɔ kɛnnin i ndɛ kleli be'n nun lɔ. Kpɔlɛ yɛ ɔ kpɔ bé ti yɛ i waan ɔ ´fa be ´fite nan be ko wu aawlɛ flɛnnɛn'n nun lɔ-ɔ.›

Zozie 7:10

Anannganman tɛli Zozie su kɛ: «Jaso! ?Ɔ yo sɛ ti yɛ a utu ɔ nyin ase sɔ-ɔ?

Zozie 7:8

?Ee e Min, kɛ Izraɛlfuɛ'm b'a wanndi be kpɔfuɛ'm be nyrun'n n ´se sɛ?

1 Samiɛl 12:22

Anannganman su yi-mɛn i nvle'n i blo, yɛlɛ kɛ i dunman'n ti dan, afin i bɔbɔ yɛ ɔ guguli kɛ ɔ ´fa amun yo i nvle-ɔ.