Zozie 7:5 - NYANMIƐN NDƐ'N 1998

⁵ Aifuɛ'n be kunnin be nun sran kɔe ablasan-nin-nsiɛn, be su be nga'm be su be klɔ'n i anuan nun lele ko guɛli i Sɛbarim ndroliɛ'n nun. Izraɛlfuɛ'm bé sa sin bubuli be kpa, srɛ kunnin be.

Zozie 7:5 Iomraidhean Croise

Jue Mun 22:14

Be trɛ bé nuan'n nun be kpan kɛ asɔmɔli bɔ i waan ɔ ´di nnɛn'n sa. Be waan be ´di min.

Jue Mun 58:7

Nyanmiɛn, bubu be je'n bé nuan'n nun, min Min, be asɔmɔli je sɔ'n, bubu be.

Ezai 13:7

I sɔ'n ti sran'm bé sa'm be kwlaa b'a glɔ bé wun. Yɛ be kwlaa bé sa sin ɔ'a bubu be.

Ezekiɛl 21:7

«Klɔ sran, kpɛ ɔ́ nyin Zerizalɛm su lɔ, kan min ndɛ'n wɔ min sua mun. Kan sa ng'ɔ wa ju Izraɛl mɛn'n su'n i ndɛ.

Saun Yolɛ 26:36

Amun nun be nga bɔ be ´nyan nguan amun kpɔfuɛ sɔ'm be nvle'n nun lɔ'n, akluntitiɛ yɛ n ´fa yi be su-ɔ. Nnya kee ngbɛn bɔ aunngban'n ´keje wɛkɛ sa'n, san be ´wanndi. Be ´wanndi kpa kɛ be nin sran yɛ bé su kun yɛ ɔ'a cuɛn tokofi wie bé wun sa. Sɛ sran fuan-man be bɔbɔ'n, sanngɛ be ´wanndi lele be ´tɔ sa gbuɔ.

Naɔm 2:10

Be `fɛn jɛtɛ ufue'n nin sika ɔkwlɛ'n. Klɔ'n su aunnyan'n su wie-man le, afin ninnge kpakpa'm be yi klɔ'n piɛ!

Mmla'n 1:44

nan Amɔrfuɛ nga be tran oka sɔ'm be nun'n be nin amun b'a yia nun Seir lika'n nun lɔ. Be suli amun su kɛ awɛma'm be su fuan sran sa lele be kpɛnnin Ɔrma.

Zozie 2:11

Kɛ e tili i sɔ nganniɛn'n, ayrɛ guali e wun. E kwlaa e wawɛ'n wanndili e wun. Nanwlɛ Anannganman amun Nyanmiɛn yɛ ɔ ti nglo lɔ nin asiɛ'n su wa Famiɛn nin-ɔn .

Zozie 2:9

nan ɔ'a se be kɛ: «N si kɛ Anannganman fali mɛn nga mannin amun. Kɛ e kwlaa e ti amun ngan'n, kɛ e usu sa. Srɛ'n kun-man ye blɛblɛ.

Zozie 5:1

Kɛ Amɔrfuɛ nga be o Zurdɛn i bue kun lɔ'n nin Kanaanfuɛ nga be o be liɛ jenvie nga be flɛ i Mediterane i nuan'n, be famiɛn'm be tili i kɛ Anannganman jrannin Zurdɛn'n nan ɔ mannin Izraɛlfuɛ'm be atin be kpɛli'n, be wawɛ'n wanndili bé wun. B'a nyan-man anwlɛn kun kɛ be nin Izraɛlfuɛ'm be ´jran be ´kun alɛ.