Zozie 7:26 - NYANMIƐN NDƐ'N 1998

²⁶ I sin be fali yɛbuɛ kpanngban kpa be guɛli i su kunndunngluun. Yɛbuɛ kwle sɔ'n tɛ o lɛ ndɛ. I sɔ'n ti yɛ be flɛli lɛ lika sɔ'n kɛ Nyrɛnnɛn kongo nin-ɔn. Kɛ ɔ yoli sɔ'n yɛ Anannganman yacili i ya nin-ɔn.

Zozie 7:26 Iomraidhean Croise

2 Samiɛl 18:17

Be fali Absalɔm saka'n be yili i kunman dan kun nun bo'n nun lɔ. Be guɛli i su yɛbuɛ kwle dan kpa kun. Kɛ ɔ ´yo sɔ'n, wuun Izraɛlfuɛ'm b'a wanndi b'a ɔ be tranwlɛ kunngun'm be nun.

2 Samiɛl 21:14

I sin be ko sieli Sail nin i wa Zonatan be owie'n Bɛnzamɛn nvle'n nun Sela lɔ Sail i si Kis i asieliɛ'n nun. I kwlaa nga famiɛn'n kannin'n, be niannin su be yoli. Kɛ ɔ yoli sɔ'n, yɛ Nyanmiɛn nin mɛn sɔ nunfuɛ'm be dili-ɔ.

2 Be Nyoliɛ 29:10

N klo kɛ e nin Anannganman b'ɔ ti Izraɛl Nyanmiɛn'n e tra aenguɛ siɛn'n kɛ ɔ ´yo nan ɔ'a guɛ i ya dan b'ɔ fɛli i e wun'n i ase'n ti.

Ɛsdras 10:14

Man e kpɛnngbɛn'm be jran e kwlakwla é nuan. Man be kle klɔ kunngun kwlaa bé cɛn nan be kwlaa nga be jali nvle nun bla'n, kɛ cɛn'n ko ju'n, be nin be kpɛnngbɛn mun nin be jɔlɛ difuɛ'm be bla. E ´siesie ndɛ sɔ'n kwlakwla e ´guɛ i lɔ weiin lele san e Nyanmiɛn i ya dan bɔ ɔ'a fa'n ɔ'a kan ase.»

Jue Mun 85:4

A guali ɔ ya'n kwlaa i ase, a yacili ɔ ya dan sɔ'n nun.

Ezipt Lɔ Tulɛ'n 32:12

Ɔ man Eziptfuɛ'm be wa se kɛ: ‹Izraɛlfuɛ'm be nyrɛnnɛn klelɛ ti yɛ Anannganman fali be e mɛn'n nun wa ɔli-ɔ. Be kunlɛ oka'n su lɔ ti-ɔ, be asiɛ'n su wa nunnunlɛ ti-ɔ.› Gua ɔ ya'n i ase. Nán yo ɔ nvlefuɛ'm be tɛ nga ɔ waan a ´yo be'n kun.

Ezai 40:2

Amun `gua Zerizalɛmfuɛ'm be anwlɛn su nzue, yɛ amun `kpan kekle se be kɛ be alɛ'n ɔ'a wie. Amun `se be kɛ b'a yaci bé wun sa'n b'a cɛ be, afin be sa tɛ nga be yoli'n b'a nyɛn i su akatua sɔ kpɛ nnyɔn Anannganman i sa nun.»

Ezai 65:10

Min nvle'n nunfuɛ nga be fa bé wun mantan min'n, Sarɔn lika kpɛtɛkplɛɛ'n ɔ ´yo be bua mun nin be boli'm be didiwlɛ, yɛ Akɔr kongo'n ɔ ´yo be nannin'm be lawlɛ.

Ngwlɛ Yilɛ 3:53

B'a tra min b'a yi i kunman nun. B'a fa yɛbuɛ b'a nannan i sɔ kunman liɛ'n su .

Ndɛ Nga Nyanmiɛn I Nuan Ijɔfuɛ Oze Kannin'n 2:15

Baal sɔlɛ b'ɔ sɔ i'n, bɔ sɛ i cɛn'n ko ju-ɔ, ɔ fɛfɛ i wun klanman, ɔ fa nzɛ wlɛ i sa'n, yɛ ɔ wla i kɔmin nyanman nglanman mun'n, i ti e nin e wa nyɛn i. Ɔ su i soman'm bé su kpɛkuun i wla fi mín su.» Anannganman yɛ ɔ kan sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 2:17

Kpɛkuun n ´fɛ i vinyi fie mun `mɛn i ekun. N ´yo man Nyrɛnnɛn kongo'n ´kaci i wla ase gualɛ lika. Ɔ wa to jue su min su kɛ i talua nun'n sa. Ɔ ´su min su kɛ blɛ ng'ɔ fin Ezipt ´ba-a, ɔ fa suli min su'n sa .»

Zoɛl 2:13

Amún wun tralɛ'm be nun titilɛ'n ti ngbɛn, amun anwlɛn ba'n yɛ ɔ fata kɛ an `kaci i-ɔ. An `kaci i nan an `sa amun sin Anannganman amun Nyanmiɛn'n i sin. I klun ti ufue, ɔ si aunnvuɛ. Ɔ fa-man ya ndɛndɛ. I klun-ufue liɛ'n gua lɛ ngbɛn yɛ be isa-a. Kɛ ɔ ko fua kɛ ɔ fa nyrɛnnɛn yi sran kun su'n, kpɛkuun i kunngba'n i sa sin ɔ'a bubu i, ɔ yo-mɛn i kun.

Zoɛl 2:18

Anannganman klo i mɛn'n dan, i sran'm be yo i annvɔ.

Zonas 1:15

Kɛ ɔ yoli sɔ'n, yɛ be mannin Zonas su nan b'a to i b'a yi i jenvie'n nun. Kpɛkuun bliin, jenvie'n kali lɛ jrannin, i kejelɛ'n dan'n wieli.

Zakari 6:8

Kpɛkuun ɔ flɛli min seli min kɛ: «Be nga be ɔli nglo lɔ lika liɛ nun'n, be ti man ya nga n fɛli i lɔfuɛ'm be wun'n, ɔ wa kan ase.»

Kalɛ 25:8

ɔ fa wluli sran sɔ'n i sin i tannin sua'n nun kan ɔ nin Madian bla'n be ɔli lɔ'n, nan ɔ'a fa cua'n ɔ'a wɔwɔ be nnyɔn'n be klun nan ɔ'a kun be. Kɛ ɔ yoli sɔ'n, yɛ nyrɛnnɛn ng'ɔ tɔli Izraɛlfuɛ'm bé su'n ɔ kpɛli-ɔ.

Mmla'n 13:17

Amun `tian sran sɔ'm bé bo ninnge'm bé nuan gua'n su, nan amun `wɔ i kwlaa nun man Anannganman amun Nyanmiɛn'n. Amun `wɔ klɔ'n nun wie. Sacilɛ nga klɔ sɔ'n fa sacili'n, man klɔ sɔ'n ɔ ka sɔ, nán man be kplɛn i uflɛ kun.

Mmla'n 13:18

Nán lika sɔ bɔ amun sacili i'n, i nun like wie fi ka amún sa nun. Sɛ amun ti Anannganman amun Nyanmiɛn'n i aniɛn'n, sɛ amun fɛ i ndɛ nga n ´kan kle amun ndɛkɛn yɛ'n su, sɛ amun yo sa ng'ɔ ti kpa Anannganman amun Nyanmiɛn'n i nyrun'n, ɔ ´yaci i ya dan b'ɔ fali'n, ɔ ´si amun aunnvuɛ, ɔ ´yo amun ye, ɔ man amun ´trɛ kɛ ɔ fa tali amun nannan'm be nda'n sa.

Zozie 10:27

Kɛ wia'n wa tɔ'n, ɔ man be yili be fuɛn'n nan b'a gua be yɛbuɛ buɛ nga be fiali nun'n nun, nan b'a fa yɛbuɛ dandan b'a tannin i nuan'n. Yɛbuɛ sɔ'm be tɛ o lɛ ndɛ.

Zozie 7:24

Zozie nin Izraɛlfuɛ'm be kwlaa be fali Akan, ɔ nin tralɛ'n, ɔ nin jɛtɛ ufue'n nin sika ɔkwlɛ kpɔlɛ'n, nin Akan i mma yasua mun, nin i mma bla mun, nin i nannin mun ɔ nin i aflunmun mun, nin i bua nin i boli mun, nin i tannin sua'n, ɔ nin i bo ninnge mun kwlakwla, be fali be kwlaa'n ɔli Nyrɛnnɛn kongo'n nun lɔ.

Zozie 8:29

Be boli Ai famiɛn'n i kɔmin waka kun su. Ɔ kali lɛ lele nnɔsua. Kɛ wia'n tɔli'n, Zozie man be yili i fuɛn'n, be to yili i anuan nga be fa wlu klɔ nun lɔ'n i wun lɔ, nan b'a fa yɛbuɛ kpanngban b'a guɛ i su. Yɛbuɛ sɔ'n tɛ o lɛ ndɛ.