Zozie 7:21 - NYANMIƐN NDƐ'N 1998

²¹ N wunnin Mezopotami lɔ tralɛ klanman kpa kun, ɔ nin jɛtɛ ufue b'ɔ tra kilo nnyɔn, ɔ nin sika ɔkwlɛ kpɔlɛ kun b'ɔ ju kilo kun nin bue e kpɔfuɛ'm be bɔlɛ nun. Nanwlɛ, kɛ n wunnin ninnge sɔ mun'n, m'an kwla tra-man min anwlɛn yɛ n fali-ɔ. N fuli kunman yɛ n fa be n fa fiali min tannin sua'n nun lɔ, jɛtɛ ufue'n wo i bo.»

Zozie 7:21 Iomraidhean Croise

Bo Bolɛ 10:10

Klɔ nga ɔ dun mmua sieli be'n yɛlɛ Babɛl, nin Erɛk, nin Akad yɛ Kalne. Klɔ sɔ'm be o Babilɔni mɛn'n nun lɔ,

Bo Bolɛ 3:6

Kɛ bla'n nian waka nin-ɔn, i mma'm be yo nyɛnmɛn. Ɔ wun kɛ be wa yo fɛ nan be man sran ngwlɛlɛ-ɔ ɔ yo ye, yɛ ɔ ´ti wie di-ɔ, yɛ ɔ ´fa wie mɛn i wun b'ɔ o i wun lɛ nin-ɔn, yɛ i kusu ɔ ´di wie-ɔ.

Bo Bolɛ 34:27

Zakɔb i mma nga mun be fali be nga be kunnin be'n bé bo ninnge mun. Be fɛnnin klɔ'n su ninnge'm be kwlaa be niaan bla bɔ be sokpɛli i'n ti.

Bo Bolɛ 6:2

Nyanmiɛn mma mun be wunnin kɛ sran'm bé wa bla sɔ'm be ti nglanman kpa nan b'a kunndɛ wie b'a ja.

2 Samiɛl 11:2

Le kun nnɔsua wia'n nun David jasoli i bɛ'n su, ɔ ɔli i sua'n i ti gbagblagba'n su lɔ, ɔ ɔli nanti-nantilɛ kanngan. Kɛ ɔ o nglo lɔ'n, ɔ ´nian-an, bla kun su wunnzin. Bla sɔ'n ti klanman kpa.

2 Famiɛn Mun 7:8

Kɛ kokowefuɛ'm be juli nanmue'n nun lɛ'n, be wluli tannin sua kun nun. Be dili like nga be wunnin i lɛ'n, yɛ be nɔnnin like nga be wunnin i lɛ'n kusu. Be fali jɛtɛ ufue, nin sika ɔkwlɛ, ɔ nin tralɛ nga be o sua'n nun'n ko fiali. I sin'n, be wa wluli sua kun ekun nun, be fɛli i nun ninnge mun ekun. Yɛ be fa be ko fiali-ɔ.

Zɔb I Nyrɛnnɛn Wunlɛ 31:1

N tali nda kɛ n fa-man min nyinma n kpɛ-man talua wie kannglɛ.

Jue Mun 119:37

Yo man n yi min nyin ninnge ngbɛn-ngbɛn'm be su, yo man n nanti wɔ atin'n su.

Ezipt Lɔ Tulɛ'n 20:17

Nán man ɔ́ nyin blo ɔ wiengu like su, i sua o, i yi o, i sa nun junman difuɛ bla o, i sa nun junman difuɛ yasua o, i nannin o, i aflunmun o, nán man ɔ nyin blo i wie fi su .»

Nyanndra Mun 1:19

Be nga be waan be ´kpli be ´nyan bé wun'n, ɔ lɛ cɛn bɔ be anyanbeun sɔ'n ɔ ´kun be-ɔ. Sran nga be konvi'n ti kpli'n, be nguan'n kpɛ sin .

Nyanndra Mun 23:31

Nán ɔ konvi tran nzan b'ɔ wun fiɛfiɛ klowa nun'n, bɔ i nyin ti klanman'n su. A ´nɔn i klanman bɔ cɛ, ɔ ´sin wɔ alowa'n nun klanman bɔ cɛ,

Nyanndra Mun 28:22

Kɛ konvifuɛ'n ɔ `kpli nyɛn i wun'n, ɔ si-man kɛ sa yalɛ'n ɔ wa tɔ i su.

Nyanndra Mun 4:23

Ɔ ti'n bɔ a fa bu akunndan'n, sie i kpa tra ninnge'm be kwlaa, afin i nun yɛ nguan'n i bo'n fin-ɔn.

Ezai 28:15

Amun waan amun nin wie'n b'a tra aenguɛ, amun waan amun nin blɔlɔ'n b'a tra janvuɛ, ɔ man kɛ sa kekle'n ɔ ´ba'n, ɔ ´to fuan amun, afin amun waan amun ´fia ato'n i sin, yɛ amun fa gblɛ'n ´kata amún nyin.

Ezai 29:15

Sran nga be fa be ninnge nga be siesie kɛ be ´yo be'n be fia Anannganman wun'n, be yako! Be yo bé sa mun aosin'n nun. Be ko se kɛ: «?Wan li yɛ ɔ wun ye-ɔ? ?Wan li yɛ ɔ si ye-ɔ?

Abakik 2:9

Sran nga i waan ɔ ´di ndrunmun ´fa si i awlo nan ɔ'a nyan tranwlɛ kpa, nan sa ɔ'a nyɛn-mɛn i'n, i yako lele!

JÉSUS-CHRIST I DYASIN FE'N BO LUC KLELI'N 12:15

I sin ɔ seli be kɛ: «An `nian amún wun kpa konvi kpli yolɛ'n i lika, afin man sran nyɛn i wun ɔ nyɛn i wun sɛ, nán ninnge sɔ mun yɛ be mɛn i nguan-an.»

JÉSUS-CHRIST I DYASIN FE'N BO LUC KLELI'N 12:2

Sa kwlaa nga sran'm be katakata su'n, i wie fi su ka-man lɛ b'ɔ su fite-man nglo-ɔ, yɛ ndɛ fi su ka-man nvialiɛ nun bɔ be su si-man nun-ɔn.

Efɛzfuɛ Mun 5:3

An ti Nyanmiɛn i sran, i sɔ'n ti'n, nán man be ti bla nin bian kunndɛlɛ, nin sa tɛtɛ yolɛ, nin bé nyin b'ɔ yi-man like'n be ndɛ fi amún nuan nun.

Efɛzfuɛ Mun 5:5

Afin nanwlɛ, sran nga be ti bla nin bian kunndɛfuɛ'n, nin sa tɛtɛ yofuɛ'n, nin be nga bé nyin yi-man like'n, bɔ be ti kɛ amuɛn sɔfuɛ sa'n, be su tran-man be nga Krist nin Nyanmiɛn be ´sie be'n be nun wie.

Mmla'n 7:25

Be amuɛn nga be yoli be mun'n, amun `yi be sin nun, amun `wɔ be nun. Nán amun nyin blo jɛtɛ ufue annzɛ sika ɔkwlɛ nga be o bé amuɛn sɔ'm be wun'n be su. Nán amun fa amuɛn sɔ mun sie amún wun. Sɛ amun yo sɔ-ɔ, ɔ cɛ-man nan amu'an sɔ be, afin be ti tete like Anannganman nyrun.

Kolɔsfuɛ Mun 3:5

I sɔ'n ti'n, an `wla amun asiɛ'n su wa nzuɛn'n be ase: bla nin bian kunndɛlɛ, sa tɛtɛ yolɛ, be konvi b'ɔ sɔ nyannzuɛn sa mun'n, bé nyin b'ɔ blo ninnge'm be su'n, bé nyin b'ɔ yi-man like'n b'ɔ nin amuɛn sɔlɛ'n ti kun'n.

Hébreu 13:5

Like nga amun ´yo'n, nán an yo i sika klolɛ'n ti. Man amún nyin yi like nga an lɛ i'n, afin Nyanmiɛn bɔbɔ seli kɛ: «N su yaci-man wɔ, n su kpɔci-man wɔ mlɔnmlɔn .»

Jacques 1:15

Sɛ konvi'n ti sran'n, wuun e ´se kɛ, ɔ wunnzɛ, yɛ ɔ wu sa tɛ'n. Kɛ sa tɛ sɔ'n i nyin ko ti kpa'n, i like b'ɔ su i su'n yɛlɛ wie'n.

Zozie 7:20

Akan tɛli i su kɛ: «Sakpa min yɛ n yoli Anannganman b'ɔ ti Izraɛl Nyanmiɛn'n i tɛ sɔ nin-ɔn. Nian, sa nga n yoli'n yɛ.

Zozie 7:22

Zozie sunmannin sran Akan sua lɔ. Be kannin bé wun ɔli, be wunnin ninnge sɔ mun sua'n i klun lɔ, jɛtɛ ufue'n wo i bo.

2 Piɛr 2:15

B'a yaci atin kpafuɛ'n, b'a mlin, be fa atin nga Bɛɔr wa Balaam fali su'n su. Sika nga be fa mɛnnin i sa tɛ b'ɔ yoli'n ti'n, ɔ jɔli i klun,